ഈ ബാങ്കുകളിൽ 1 ലക്ഷം നിക്ഷേപിച്ചാൽ 2 വർഷം കൊണ്ട് നേടാം, ഞെട്ടിക്കുന്ന ലാഭം; മികച്ച എഫ്ഡി സ്കീം ഇതാ

സാമ്പത്തിക വളർച്ച ആ​ഗ്രഹിക്കുന്നുണ്ടെങ്കിൽ നിക്ഷേപങ്ങളെ കുറിച്ച് വ്യക്തമായ ധാരണ ഉണ്ടായിരിക്കണം. ഏതെങ്കിലും പദ്ധതിയിൽ നിക്ഷേപിച്ചാൽ നിങ്ങൾക്ക് പ്രതീക്ഷിക്കുന്ന നേട്ടം ലഭിക്കണമെന്നില്ല. വലിയ തുക ലക്ഷ്യമില്ലാത്തവർക്ക് ഹ്രസ്വകാല നിക്ഷേപങ്ങളാണ് ഏറ്റവും ഉചിതം. അപകട സാധ്യതകൾ ഇല്ലാതെ, ഉറപ്പുള്ള വരുമാനം ആ​ഗ്രഹിക്കുന്നവർക്ക് സ്ഥിര നിക്ഷേപങ്ങളാണ് എപ്പോഴും മികച്ചത്.

7 ദിവസം മുതൽ 10 വർഷം വരെ സ്ഥിര നിക്ഷേപങ്ങളുടെ കാലാവധി കണക്കാക്കാം. ഹ്രസ്വകാല നേട്ടത്തിന് 2 വർഷത്തെ കാലാവധിയുള്ള എഫ്ഡികൾ മികച്ച വരുമാനം ഉറപ്പാക്കും. രാജ്യത്തെ എല്ലാ സ്വകാര്യ, പൊതു മേഖലാ ബാങ്കുകളും സ്ഥിര നിക്ഷേപം അഥവാ എഫ്ഡി സ്കീമുകൾ വാ​ഗ്ദാനം ചെയ്യുന്നുണ്ട്. അതിൽ രണ്ട് വർഷത്തേക്ക് 1 ലക്ഷം രൂപ നിക്ഷേപിച്ചാൽ കാലാവധി പൂർത്തിയാവുമ്പോൾ എത്ര രൂപ വരുമാനം ലഭിക്കുമെന്ന് അറിയാം. ബാങ്ക്ബസാർ ഡാറ്റ പ്രകാരമുള്ള കണക്കുകളാണ് താഴെ നൽകിയിരിക്കുന്നത്;

1. ഇൻഡസ്ഇൻഡ് ബാങ്ക്

സ്വകാര്യ ബാങ്കുകളിൽ താരതമ്യേന ഉയർന്ന പലിശ നിരക്ക് വാ​ഗ്ദാനം ചെയ്യുന്നത് ഇൻഡസ്ഇൻഡ് ബാങ്കാണ്. ഏറ്റവും പുതിയ നിരക്കുകൾ അനുസരിച്ച് രണ്ട് വർഷത്തെ സ്ഥിര നിക്ഷേപങ്ങൾക്ക് 7 ശതമാനം പലിശ നിരക്കാണ് ഈ ബാങ്ക് വാഗ്ദാനം ചെയ്യുന്നത്. 2 വർഷത്തേക്ക് 1 ലക്ഷം രൂപ നിക്ഷേപിച്ചാൽ കാലാവധി പൂർത്തിയാവുമ്പോൾ നിക്ഷേപം 1,14,000 രൂപയായി വളരും.

2. ആക്സിസ് ബാങ്ക്

ഈ സ്വകാര്യ ബാങ്ക് രണ്ട് വർഷത്തെ എഫ്ഡിക്ക് നിലവിൽ 6.6 ശതമാനം പലിശ നിരക്ക് ഉറപ്പാക്കുന്നു. ഈ കാലാവധിയിൽ 1 ലക്ഷം രൂപ നിക്ഷേപിച്ചാൽ ലഭിക്കുന്ന മെച്യൂരിറ്റി തുക 1,13,200 രൂപയായി വളരുന്നു.

3. എച്ച്ഡിഎഫ്സി ബാങ്ക്

ഈ ബാങ്കും 2 വർഷത്തെ എഫ്ഡിക്ക് 6.6 ശതമാനം പലിശ നിരക്ക് വാ​ഗ്ദാനം ചെയ്യുന്നു. ഇവിടെ 2 വർഷത്തേക്ക് 1 ലക്ഷം നിക്ഷേപിച്ചാൽ കാലാവധി പൂർത്തിയാവുമ്പോൾ ലഭിക്കുന്നത് മൊത്തം 1,13,200 രൂപയായിരിക്കും.

4. കൊട്ടക് മഹീന്ദ്ര ബാങ്ക്

ഈ സ്വകാര്യ ബാങ്ക് നിലവിൽ 2 വർഷത്തെ എഫ്ഡിയിൽ 6.6 ശതമാനം പലിശ നിരക്ക് ഉറപ്പാക്കുന്നു. അതായത് ഈ കാലളവിൽ 1 ലക്ഷം നിക്ഷേപിച്ചാൽ അത് 1,13,200 രൂപയായി വളരുന്നു.

5. ഐസിഐസിഐ ബാങ്ക്

രണ്ട് വർഷത്തെ എഫ്ഡിക്ക് 6.40 ശതമാനം പലിശ നിരക്ക് വാഗ്ദാനം ചെയ്യുന്നു. ഈ സ്വകാര്യ ബാങ്കിൽ 1 ലക്ഷം രൂപ നിക്ഷേപിച്ചാൽ കാലാവധി പൂർത്തിയാകുമ്പോൾ അത് 1,12,800 രൂപയായി വളരും.

6. പഞ്ചാബ് നാഷണൽ ബാങ്ക്, ബാങ്ക് ഓഫ് ബറോഡ

ഈ രണ്ട് പൊതുമേഖലാ ബാങ്കുകളും രണ്ട് വർഷത്തെ സ്ഥിര നിക്ഷേപങ്ങൾക്ക് 6.6 ശതമാനം പലിശ വാഗ്ദാനം ചെയ്യുന്നു. ഈ സ്കീമിൽ 1 ലക്ഷം രൂപ നിക്ഷേപിച്ചാൽ ലഭിക്കുന്ന മെച്യൂരിറ്റി തുക 1,13,200 രൂപയായിരിക്കും.

7. കാനറ ബാങ്ക്, യൂണിയൻ ബാങ്ക് ഓഫ് ഇന്ത്യ

ഈ ബാങ്കുകൾ രണ്ട് വർഷത്തെ കാലാവധിയുള്ള എഫ്ഡിക്ക് 6.5 ശതമാനം പലിശ നിരക്ക് വാഗ്ദാനം ചെയ്യുന്നു. നിങ്ങൾ ഈ എഫ്ഡിയിൽ 1 ലക്ഷം നിക്ഷേപിച്ചാൽ ലഭിക്കുന്ന മെച്യൂരിറ്റി തുക 1,13,000 രൂപയായിരിക്കും.

8. സ്റ്റേറ്റ് ബാങ്ക് ഓഫ് ഇന്ത്യ

ഈ പൊതുമേഖലാ ബാങ്ക് 6.45 ശതമാനം പലിശ നിരക്കാണ് 2 വർഷത്തെ എഫ്ഡിക്ക് വാഗ്ദാനം ചെയ്യുന്നത്. ഈ കാലാവധിയിൽ 1 ലക്ഷം രൂപ നിക്ഷേപിച്ചാൽ അത് 1,12,900 രൂപയായി വളരും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.