പോക്കറ്റ് നിറക്കാൻ പേഴ്സണൽ ലോൺ മതി: കുറഞ്ഞ പലിശ നിരക്കോടെ ഈ ബാങ്കുകൾ വായ്പ നൽകുന്നു

ആർബിഐ തുടർച്ചയായ മൂന്ന് തവണ റിപ്പോ നിരക്ക് വെട്ടിക്കുറച്ചതോടെ വായ്പകളുടെ പലിശ നിരക്കും നിക്ഷേപങ്ങളുടെ പലിശ നിരക്കും കുറഞ്ഞു. വായ്പ എടുക്കുന്നവർക്ക് ഇതൊരു അനു​ഗ്രഹമായിരുന്നു. പ്രധാനമായും ഭവന വായ്പകൾക്കും കാർ വായ്പകൾക്കുമാണ് ഈ നേട്ടം ലഭിക്കുന്നത്. അതിനാൽ തന്നെ വ്യക്തി​ഗത വായ്പകളുടെ പലിശ നിരക്കിൽ കാര്യമായ പരിഷ്കാരം സംഭവിച്ചിട്ടില്ല.

എന്നാൽ വ്യക്തി​ഗത വായ്പകൾക്ക് താരതമ്യേന കുറഞ്ഞ പലിശ നിരക്ക് എവിടെയാണ് കൊടുക്കുന്നത്. വിവിധ ബാങ്കുകളും മറ്റും ധനകാര്യ സ്ഥാപനങ്ങളും മൊബൈൽ ലെൻഡിം​ഗ് ആപ്പുകളും വ്യക്തി​ഗത വായ്പകളെ പ്രോത്സാഹിപ്പിക്കുന്നുണ്ട്. സാധാ​രണ വായ്പകളേക്കാൾ കുറഞ്ഞ പേപ്പർ വർക്കുകളോടെ പെട്ടെന്ന് തന്നെ അം​ഗീകാരം ലഭിക്കുന്ന വായ്പകളാണ് ഇത്.

രാജ്യത്തെ പ്രമുഖ ബാങ്കുകളായ എച്ച്ഡിഎഫ്സി ബാങ്ക്, ഐസിഐസിഐ ബാങ്ക്, കൊട്ടക് മഹീന്ദ്ര ബാങ്ക് തുടങ്ങിയവ വാ​ഗ്ദാനം ചെയ്യുന്ന വ്യക്തി​ഗത വായ്പകൾ താരതമ്യേന കുറഞ്ഞ പലിശ നിരക്കിലാണ്. പെട്ടെന്നുള്ള സാമ്പത്തിക ആവശ്യങ്ങൾക്കാണ് പലപ്പോഴും വ്യക്തി​ഗത വായ്പകൾ ഉപകാരപ്രദമാവുന്നത്. അതിനാൽ തന്നെ ഈ ബാങ്കുകൾ നൽകുന്ന വ്യക്തി​ഗത വായ്പകളെ കുറിച്ചും, അവയുടെ പലിശ നിരക്കിനെ കുറിച്ചും വിശദമായി അറിയാം.

എച്ച്ഡിഎഫ്സി ബാങ്ക്

ഇന്ത്യയിലെ ഏറ്റവും വലിയ സ്വകാര്യ ബാങ്കായ എച്ച്ഡിഎഫ്സി 10.90 ശതമാനം മുതൽ 24 ശതമാനം വരെ പലിശ നിരക്കാണ് വ്യക്തി​ഗത വായ്പകൾക്ക് ഈടാക്കുന്നത്. ഇതിനുപുറമെ 6,500 രൂപ പ്രോസസിംഗ് ചാർജുകളും നികുതിയും ഈടാക്കുന്നു. അതിനാൽ ഈ നിരക്കിൽ വായ്പ ആവശ്യമുള്ളവർക്ക് എച്ച്ഡിഎഫ്സി ഒരു നല്ല തിരഞ്ഞെടുപ്പായിരിക്കും.

ഐസിഐസിഐ ബാങ്ക്

ഈ സ്വകാര്യ മേഖലാ ബാങ്ക് വാ​ഗ്ദാനം ചെയ്യുന്ന വ്യക്തി​ഗത വായ്പകൾക്ക് പ്രതിവർഷം 10.80 ശതമാനം മുതൽ 16.50 ശതമാനം വരെയാണ് പലിശ നിരക്ക്. പ്രോസസ്സിംഗ് ചാർജുകൾ ഈടാക്കുന്നുണ്ട്, അത് വായ്പ തുകയുടെ 2 ശതമാനം വരെയാകാം. ഇതും കുറഞ്ഞ പലിശ നൽകുന്നുണ്ട്.

കൊട്ടക് മഹീന്ദ്ര ബാങ്ക്

ഈ ബാങ്ക് വ്യക്തി​ഗത വായ്പകൾക്ക് പ്രതിവർഷം 10.99 ശതമാനമോ അതിൽ കൂടുതലോ പലിശ നിരക്ക് ഈടാക്കുന്നു. ലോൺ പ്രോസസ്സിംഗ് ചാർജുകൾ പ്രതിവർഷം 10.99 ശതമാനം വരെയാകാം.

ഫെഡറൽ ബാങ്ക്

ഈ സ്വകാര്യ മേഖലയിലെ ബാങ്ക് വ്യക്തി​ഗത വായ്പകൾക്ക് പ്രതിവർഷം 11.49 ശതമാനം മുതൽ 14.49 ശതമാനം വരെ പലിശ ഈടാക്കുന്നു.

ബാങ്ക് ഓഫ് ബറോഡ (BOB)

ഈ പൊതു മേഖലാ ബാങ്ക് നൽകുന്ന വ്യക്തി​ഗത വായ്പകൾ 11.25 ശതമാനം മുതൽ 18.30 ശതമാനം വരെ പലിശ ഈടാക്കുന്നു. നിങ്ങളുടെ ജോലിയെയും ക്രെഡിറ്റ് സ്കോറിനെയും അടിസ്ഥാനമാക്കി ഇതിൽ വ്യത്യാസം വരുന്നു.

സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ)

രാജ്യത്തെ ഏറ്റവും വലിയ പൊതു മേഖലാ ബാങ്കായ എസ്ബിഐ പ്രതിവർഷം 10.30 ശതമാനം മുതൽ 15.30 ശതമാനം വരെ വ്യക്തി​ഗത വായ്പകൾക്ക് പലിശ ഈടാക്കുന്നു.

2025ലെ കണക്ക് പ്രകാരം ഏറ്റവും പുതിയ പലിശ നിരക്കുകളാണ് ഈ ബാങ്കുകളുടെ വ്യക്തി​ഗത വായ്പകൾ വാ​ഗ്ദാനം ചെയ്യുന്നത്.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.