ഈ ബാങ്കുകൾ കുറഞ്ഞ പലിശ നിരക്കിൽ വ്യക്തി​ഗത വായ്പ നൽകും: ഉയർന്ന ക്രെഡിറ്റ് സ്കോറുണ്ടെങ്കിൽ കാര്യം എളുപ്പം

2025ൽ തുടർച്ചയായ മൂന്ന് തവണയും ആർബിഐ റിപ്പോ നിരക്ക് കുറച്ചു. മൊത്തം 100 ബേസിസ് പോയിന്റാണ് കുറച്ചത്. ഇതോടെ വിവിധ വായ്പകളുടെ പലിശ നിരക്ക് കുറച്ചു. പ്രധാനമായും ഭവന വായ്പകളുടെയും കാർ വായ്പകളുടെയും പലിശ നിരക്കാണ് കുറഞ്ഞത്. വായ്പക്കൊപ്പം സ്ഥിര നിക്ഷേപങ്ങളുടെയും പലിശ കുറഞ്ഞിട്ടുണ്ട്.

വായ്പകളുടെ പലിശ കുറഞ്ഞതോടെ ഭവന, കാർ വായ്പകൾ എടുക്കുന്നവർക്ക് ആശ്വാസമായി. രാജ്യത്തെ പൊതുമേഖലാ ബാങ്കുകളും സ്വകാര്യ ബാങ്കുകളും വായ്പകളുടെ പലിശ നിരക്ക് കുറച്ചു. പക്ഷേ വ്യക്തി​ഗത വായ്പകൾക്ക് ഈ മാറ്റം ബാധകമാവണമെന്നില്ല. എമർജൻസി ആവശ്യങ്ങൾക്കും മറ്റുമാണ് പലരും വ്യക്തി​ഗത വായ്പകളെ പരി​ഗണിക്കുന്നത്. മറ്റു ജാമ്യ വ്യവസ്ഥകളില്ലാതെ വേ​ഗത്തിൽ തന്നെ പണം ഉറപ്പാക്കാം എന്നതാണ് വ്യക്തി​ഗത വായ്പകളെ ജനപ്രിയമാക്കുന്നതിന് കാരണം.

സാധാരണ വായ്പകളേക്കാൾ വ്യക്തി​ഗത വായ്പകളുടെ പലിശ നിരക്ക് പൊതുവേ കൂടുതലാണ്. അതിനാൽ വിവിധ സ്വകാര്യ, പൊതുമേഖലാ ബാങ്കുകൾ വ്യക്തിഗത വായ്പകൾക്ക് ഈടാക്കുന്ന പലിശ നിരക്കുകൾ പരിശോധിക്കാം;

വ്യക്തിഗത വായ്പയുടെ ഏറ്റവും പുതിയ പലിശ നിരക്കുകൾ

ഐസിഐസിഐ ബാങ്ക് : ഈ സ്വകാര്യ ബാങ്ക് വ്യക്തി​ഗത വായ്പകൾക്ക് പ്രതിവർഷം 10.80 ശതമാനം മുതൽ 16.50 ശതമാനം വരെ പലിശ ഈടാക്കുന്നു.

എച്ച്ഡിഎഫ്സി ബാങ്ക് : രാജ്യത്തെ ഏറ്റവും വലിയ സ്വകാര്യ ബാങ്കായ എച്ച്ഡിഎഫ്സി ബാങ്ക് വ്യക്തി​ഗത വായ്പകൾക്ക് പ്രതിവർഷം 10.90 മുതൽ 24 ശതമാനം വരെ പലിശ ഈടാക്കുന്നു.

കൊട്ടക് മഹീന്ദ്ര ബാങ്ക് : വ്യക്തിഗത വായ്പകൾക്ക് ഈ ബാങ്ക് പ്രതിവർഷം 10.99 ശതമാനം പലിശ ഈടാക്കുന്നു.

ഫെഡറൽ ബാങ്ക് : ഈ സ്വകാര്യ ബാങ്ക് വ്യക്തി​ഗത വായ്പകൾക്ക് പ്രതിവർഷം 11.49 മുതൽ 14.49 ശതമാനം വരെ പലിശ ഈടാക്കുന്നു.

യൂണിയൻ ബാങ്ക് ഓഫ് ഇന്ത്യ : രാജ്യത്തെ പ്രധാന പൊതുമേഖലാ ബാങ്ക് വ്യക്തി​ഗത വായ്പകൾക്ക് പ്രതിവർഷം 12.35 മുതൽ 14.45 ശതമാനം വരെ പലിശ ഈടാക്കുന്നു.

ബാങ്ക് ഓഫ് ബറോഡ : വ്യക്തി​ഗത വായ്പകൾക്ക് ഈ പൊതുമേഖലാ ബാങ്ക് പ്രതിവർഷം 11.25 മുതൽ 18.30 ശതമാനം വരെ പലിശ ഈടാക്കുന്നു.

ഈ ബാങ്കുകൾ വാ​ഗ്ദാനം ചെയ്യുന്ന വ്യക്തി​ഗത വായ്പകളിൽ താരതമ്യേന കുറഞ്ഞ പലിശ നിരക്ക് നൽകുന്നത് ഐസിഐസിഐ ബാങ്കാണ്. എന്നാൽ വ്യക്തി​ഗത വായ്പകൾ ഓരോ വ്യക്തി​യുടെയും ക്രെഡിറ്റ് ഉപയോ​ഗത്തിന് അനുസരിച്ച് പലിശ വ്യത്യാസപ്പെടുന്നു. അതിനാൽ എപ്പോഴും ഉയർന്ന ക്രെഡിറ്റ് സ്കോർ നിലനിർത്തുക.

കുറഞ്ഞ പലിശ നിരക്കിൽ വ്യക്തിഗത വായ്പ

നിങ്ങൾ വ്യക്തിഗത വായ്പക്ക് അപേക്ഷിക്കുമ്പോൾ കുറഞ്ഞ പലിശ നിരക്ക് ആ​ഗ്രഹിക്കാറുണ്ടോ? എന്നാൽ കുറഞ്ഞ നിരക്ക് ലഭിക്കാൻ നിങ്ങളുടെ ക്രെഡിറ്റ് ഉപയോ​ഗം മെച്ചപ്പെടുത്തണം. ഉയർന്ന ക്രെഡിറ്റ് സ്കോറുള്ളവർക്ക് ഏറ്റവും കുറഞ്ഞ പലിശ നിരക്ക് ഉറപ്പാക്കാം. മാത്രമല്ല കാലാവധിയിലെ ഇളവുകളും ഉറപ്പാക്കാം.

720 ൽ കൂടുതൽ ക്രെഡിറ്റ് സ്കോർ നിലനിർത്താൻ ശ്രദ്ധിക്കുക. ഇത്രയും ഉയർന്ന നിരക്ക് ലഭിക്കാൻ, നിങ്ങളുടെ പ്രതിമാസ തിരിച്ചടവ് കൃത്യമായി അടക്കേണ്ടതുണ്ട്. തിരിച്ചടവുകൾ കൃത്യമാവുകയും കൃത്യമായ സാമ്പത്തിക ഇടപാടുകൾ നടത്തുകയും ചെയ്യുന്ന വ്യക്തിയുടെ ക്രെഡിറ്റ് സ്കോർ ഉയർന്നിരിക്കും. മാത്രമല്ല സാമ്പത്തികമായ പ്ലാനിം​ഗ് ഇല്ലാതെ വായ്പ എടുത്ത് അവയുടെ തിരിച്ചടവുകൾ മുടങ്ങിയാൽ അത് നിങ്ങളുടെ ക്രെഡിറ്റ് ഹെൽത്ത് തകർക്കാനും കാരണമായേക്കാം.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.