കയ്യിൽ കുറച്ച് പണമുണ്ടോ, എഫ്.ഡി ഇട്ടാൽ മികച്ച സമ്പാദ്യം നേടാം, ഈ ബാങ്ക് നൽകും റെക്കോർഡ് പലിശ

നമുക്ക് ചുറ്റും നിരവധി സാമ്പത്തിക നിക്ഷേപ പദ്ധതികളുണ്ട്. എന്നാൽ ചിലതെല്ലാം വളരെ അപകടം നിറഞ്ഞതാണ്. ഉദാഹരണത്തിന് ഓഹരി വിപണിയിലെ നിക്ഷേപം പോലെ. അതേസമയം നൂറ് ശതമാനം സുരക്ഷ വാഗ്ധാനം ചെയ്യുന്ന സാമ്പത്തിക നിക്ഷേപ പദ്ധതികളുമുണ്ട്. അതിൽ ഏറ്റവും പ്രധാനപ്പെട്ടതാണ് ബാങ്ക് സ്ഥിര നിക്ഷേപം. ഓഹരി വിപണിയിലെ പ്രകടനം പരിഗണിക്കാതെ നിക്ഷേപ സുരക്ഷ, ഉറപ്പായ വരുമാനം തുടങ്ങിയവ സ്ഥിര നിക്ഷേപം വാഗ്ധാനം ചെയ്യുന്നു.

ഓഗസ്റ്റ് 6 ലെ നയ അവലോകനത്തിൽ റിസർവ് ബാങ്ക് റിപ്പോ നിരക്ക് 5.5% ആയി നിലനിർത്തിയതിനു പിന്നാലെ ബാങ്കുകൾ സ്ഥിര നിക്ഷേപത്തിന്‍റെ പലിശ നിരക്കുകളിൽ മാറ്റം വരുത്തിയിട്ടുണ്ട്. അതുകൊണ്ടുതന്നെ വിവിധ ബാങ്കുകളുടെ പലിശ നിരക്കുകൾ നമുക്ക് താരതമ്യം ചെയ്യാം.

ചെറുകിട ധനകാര്യ ബാങ്കുകൾ

ജന സ്മോൾ ഫിനാൻസ് ബാങ്ക്: 1-വർഷം: 7.25%, 3-വർഷം: 7.50%, 5-വർഷം: 8%

സ്ലൈസ് സ്മോൾ ഫിനാൻസ് ബാങ്ക്:18 മാസം 1 ദിവസം മുതൽ 18 മാസം 2 ദിവസം വരെ :8.50%, 1-വർഷം: 6.75%, 3-വർഷം: 8.25%, 5-വർഷം: 7.75%

സൂര്യോദയ് സ്മോൾ ഫിനാൻസ് ബാങ്ക്: 1-വർഷം: 7.50%, 3-വർഷം: 7.75%, 5-വർഷം: 8.20%

യൂണിറ്റി സ്മോൾ ഫിനാൻസ് ബാങ്ക്: 1001 ദിവസം: 7.75%, 1-വർഷം: 6.50%, 3-വർഷം: 7.25%, 5-വർഷം: 7.25%

സ്വകാര്യ ബാങ്കുകൾ

ബന്ധൻ ബാങ്ക്: 2 വർഷം മുതൽ 3 വർഷത്തിൽ താഴെ: 7.30%, 1-വർഷം: 7.10%, 3-വർഷം: 7%, 5-വർഷം: 5.85%

ഡിസിബി ബാങ്ക്: 27 മാസം മുതൽ 28 മാസത്തിൽ താഴെ വരെ: 7.40%, 1-വർഷം: 7%, 3-വർഷം: 7%, 5-വർഷം: 7%

പൊതുമേഖലാ ബാങ്കുകൾ

ബാങ്ക് ഓഫ് മഹാരാഷ്ട്ര: 366 ദിവസം: 6.70%, 1-വർഷം: 6.20%, 3-വർഷം: 6.20%, 5-വർഷം: 6.10%

സെൻട്രൽ ബാങ്ക് ഓഫ് ഇന്ത്യ: 2222 ദിവസം; 3333 ദിവസം: 7%, 1-വർഷം: 6.50%, 3-വർഷം: 6.50%, 5-വർഷം: 6.50%

ഇന്ത്യൻ ബാങ്ക്: 444 ദിവസം: 6.70%, 1-വർഷം: 6.10%, 3-വർഷം: 6.25%, 5-വർഷം: 6%

ഇന്ത്യൻ ഓവർസീസ് ബാങ്ക്: 444 ദിവസം: 6.75%, 1-വർഷം: 6.60%, 3-വർഷം: 6.20%, 5-വർഷം: 6.20%

പഞ്ചാബ് & സിന്ധ് ബാങ്ക്: 444 ദിവസം: 6.80%, 1-വർഷം: 6.10%, 3-വർഷം: 6%, 5-വർഷം: 6.10%

വിദേശ ബാങ്കുകളുടെ എഫ്ഡി നിരക്കുകൾ

ഡച്ച് ബാങ്ക്: 1 വർഷത്തിന് മുകളിൽ മുതൽ 2 വർഷം വരെ: 7%, 1-വർഷം: 5%, 3-വർഷം: 6.25%, 5-വർഷം: 6.25%

സ്റ്റാൻഡേർഡ് ചാർട്ടേഡ് ബാങ്ക്: 1 വർഷം മുതൽ 376 ദിവസം വരെ: 6.60%, 1-വർഷം: 6.60%, 3-വർഷം: 6.50%, 5-വർഷം: 6.25%

പലിശയ്ക്ക് നികുതി

എഫ്ഡികളിൽ നിന്ന് ലഭിക്കുന്ന പലിശയ്ക്ക് നികുതി നൽകേണ്ടതാണ്, ഒരു നിശ്ചിത പരിധി കവിഞ്ഞാൽ ഉറവിടത്തിൽ നിന്ന് നികുതി കുറയ്ക്കും. 2025 ബജറ്റ് മുതൽ, ടിഡിഎസ് പരിധി ഇനിപ്പറയുന്നതായി ഉയർത്തി:
പൊതുജനങ്ങൾക്ക്: ₹50,000 (മുമ്പ് ₹40,000)
മുതിർന്ന പൗരന്മാർക്ക്: ₹1 ലക്ഷം