7.77% വരെ പലിശ നിരക്ക്, ഉയർന്ന വരുമാനം നേടാം: പ്രമുഖ ബാങ്കുകളേക്കാൾ നേട്ടം ഈ സ്ഥാപനങ്ങൾ നൽകും

സ്ഥിര നിക്ഷേപങ്ങൾ നിങ്ങൾക്ക് സാമ്പത്തിക സുരക്ഷ നൽകുന്നു. രാജ്യത്തെ എല്ലാ ബാങ്കുകളും എഫ്ഡി അഥവാ സ്ഥിര നിക്ഷേപങ്ങൾ വാ​ഗ്ദാനം ചെയ്യുന്നു. എന്നാൽ പൊതുമേഖലാ ബാങ്കുകളും, സ്വകാര്യ ബാങ്കുകളും നൽകുന്ന എഫ്ഡി നിരക്കുകൾ താരതമ്യേന കുറവാണ്. ആർബിഐ അടിസ്ഥാന പലിശ നിരക്ക് വെട്ടിക്കുറച്ചതോടെയാണ് സ്ഥിര നിക്ഷേപങ്ങളുടെ പലിശ നിരക്ക് കുറച്ചത്. എങ്കിലും നിലവിൽ ഉയർന്ന പലിശ നിരക്കുള്ള സ്ഥിര നിക്ഷേപം വാ​ഗ്ദാനം ചെയ്യുന്നത് ചെറുകിട ധനകാര്യ സ്ഥാപനങ്ങളാണ്.

ഏറ്റവും ഉയർന്ന പലിശ നിരക്കിൽ എഫ്ഡി സ്കീം വാ​ഗ്ദാനം ചെയ്യുന്നത് ഏതെല്ലാം ചെറുകിട ധനകാര്യ സ്ഥാപനങ്ങളാണ്? ഓരോന്നും വിശദമായി അറിയാം. ഏറ്റവും പുതിയ പലിശ നിരക്കും താഴെ കൊടുക്കുന്നു;

ജന സ്‌മോൾ ഫിനാൻസ് ബാങ്ക്

ഈ ചെറുകിട ധനകാര്യ ബാങ്ക് 1 വർഷം മുതൽ 3 വർഷം വരെ കാലാവധിയിൽ വാ​ഗ്ദാനം ചെയ്യുന്ന എഫ്ഡിയിൽ നിക്ഷേപിച്ചാൽ നിങ്ങൾക്ക് 7.77 ശതമാനം പലിശ നിരക്ക് ലഭിക്കും. ഇത് താരതമ്യേന ഉയർന്ന നിരക്കാണ്. ഇവിടെ നിങ്ങൾ 1 ലക്ഷം രൂപ നിക്ഷേപിച്ചാൽ വാർഷിക വരുമാനം 7,770 രൂപ ലഭിക്കും.

സൂര്യോദയ് സ്മോൾ ഫിനാൻസ് ബാങ്ക്

ഈ ബാങ്ക് 1-3 വർഷത്തെ കാലാവധിയുള്ള എഫ്ഡിയിൽ നിക്ഷേപിച്ചാൽ നിക്ഷേപകന് ലഭിക്കുന്ന വാർഷിക പലിശ നിരക്ക് 7.75 ശതമാനമാണ്. ഈ സ്ഥിര നിക്ഷേപത്തിൽ 1 ലക്ഷം രൂപ നിക്ഷേപിച്ചാൽ വർഷത്തിൽ ലഭിക്കുന്ന പലിശ വരുമാനം 7,750 രൂപയായിരിക്കും.

ഉത്കർഷ് സ്മോൾ ഫിനാൻസ് ബാങ്ക്

ഈ ചെറുകിട ധനകാര്യ ബാങ്കിൽ നിങ്ങൾ 1-3 വർഷം കാലാവധിയുള്ള എഫ്ഡിയിൽ നിക്ഷേപിച്ചാൽ പലിശ നിരക്ക് 7.65 ശതമാനം ലഭിക്കും. അതായത് ഈ സ്കീമിൽ 1 ലക്ഷം നിക്ഷേപിച്ചാൽ വർഷത്തിൽ ലഭിക്കുന്ന പലിശ വരുമാനം 7,872 രൂപയായിരിക്കും.

ഇക്വിറ്റാസ്, ഇസാഫ് സ്മോൾ ഫിനാൻസ് ബാങ്ക്

ഈ രണ്ട് ധനകാര്യ ബാങ്കുകളും 7.6 ശതമാനം വാർഷിക പലിശ നിരക്ക് നൽകുന്നു. അതിനാൽ ഇവിടെ 1 ലക്ഷം നിക്ഷേപിച്ചാൽ ഒരു വർഷം ലഭിക്കുന്ന പലിശ വരുമാനം 7,819 രൂപയായിരിക്കും.

ഉജ്ജീവൻ സ്മോൾ ഫിനാൻസ് ബാങ്ക്

1-3 വർഷത്തെ കാലാവധിയുള്ള എഫ്‌ഡികൾക്ക് പ്രതിവർഷം 7.45 ശതമാനം പലിശ നിരക്കാണ് ഈ സ്മാൾ ഫിനാൻസ് ബാങ്ക് വാ​ഗ്ദാനം ചെയ്യുന്നത്. ഈ സ്കീമിൽ നിങ്ങൾ 1 ലക്ഷം നിക്ഷേപിച്ചാൽ ഒരു വർഷത്തിനുള്ളിൽ 7,450 രൂപ ലഭിക്കും.

എയു സ്മോൾ ഫിനാൻസ് ബാങ്ക്

ഈ ബാങ്ക് 1 മുതൽ 3 വർഷം വരെ വാ​ഗ്ദാനം ചെയ്യുന്ന എഫ്ഡിക്ക് 7.1 ശതമാനം പലിശ നിരക്ക് വാഗ്ദാനം ചെയ്യുന്നു. ഇതിൽ നിങ്ങൾ 1 ലക്ഷം രൂപ നിക്ഷേപിച്ചാൽ ഒരു വർഷത്തിൽ 7,100 രൂപ ലഭിക്കും.

അറിയിപ്പ്:
മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നൽകുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗുഡ്റിട്ടേൺസ് മലയാളവും ലേഖകനും ഉത്തരവാദികളല്ല.