ബഡ്ജറ്റ് യാത്ര സ്വപ്നമാണോ? കുറഞ്ഞ ചിലവിൽ ഫ്ലൈറ്റും, ഹോട്ടലും ബുക്ക് ചെയ്യാൻ ഈ 5 കാർഡുകൾ മതി

യാത്രകൾ ഇഷ്ടപ്പെടാത്തവർ ആരുണ്ട്? പലരും സാമ്പത്തിക പ്രതിസന്ധികൾ മൂലം പല സ്വപ്ന യാത്രകളും നിർത്തി വെച്ചതായിരിക്കും. നിങ്ങളുടെ ബജറ്റിനുള്ളിൽ തന്നെ ഒരു കിടിലൻ വിദേശ യാത്ര പോവാൻ സാധിച്ചാൽ അതൊരു സുവർണാവസരമല്ലേ? വിവിധ ബാങ്കുകൾ വാ​ഗ്ദാനം ചെയ്യുന്ന ക്രെഡിറ്റ് കാർഡുകൾ നിങ്ങൾക്ക് മികച്ച ഓഫറുകളിലൂടെ യാത്രകൾ നടത്താൻ അവസരം നൽകും. അത്തരത്തിൽ കിടിലൻ ഓഫറുകൾ വാ​ഗ്ദാനം ചെയ്യുന്ന ചില ക്രെഡിറ്റ് കാർഡുകൾ അറിയാം;

1. ഐസിഐസിഐ ബാങ്ക് MakeMyTrip ക്രെഡിറ്റ് കാർഡ് : 999 രൂപയും ജിഎസ്ടിയുമാണ് ഈ ക്രെഡിറ്റ് കാർഡിൻ്റെ ജോയിനിം​ഗ് ഫീസ്. ഈ തുക അടച്ചാൽ നി​ങ്ങൾക്ക് 1,000 രൂപയുടെ MakeMyTrip വൗച്ചർ ലഭിക്കും. ഇതിന് 1 വർഷത്തെ കാലാവധിയും ഉറപ്പാക്കാം. EaseMyTrip വഴി നിങ്ങൾക്ക് വിമാന ടിക്കറ്റ് ബുക്കിംഗുകളിൽ 10% ഇൻസ്റ്റൻ്റ് കിഴിവും, ഹോട്ടൽ ബുക്കിംഗുകളിൽ 20% ഇൻസ്റ്റൻ്റ് കിഴിവും ലഭിക്കും.

2. AU സ്മോൾ ഫിനാൻസ് ബാങ്ക് ഇക്സിഗോ ക്രെഡിറ്റ് കാർഡ് : ഈ ക്രെഡിറ്റ് കാർഡിൻ്റെ ജോയിനിം​ഗ് ഫീസും, വാർഷിക ഫീസും 999 രൂപ+ ജിഎസ്ടിയാണ്. ക്രെഡിറ്റ് കാർഡ് ഉടമകൾക്ക് ഇക്സിഗോ ആപ്പ്/വെബ്‌സൈറ്റ് വഴി വിമാന ടിക്കറ്റ് ബുക്കിംഗുകൾക്കും ഹോട്ടൽ ബുക്കിംഗുകൾക്കും 10% കിഴിവ് സ്വന്തമാക്കാം.

3. എച്ച്ഡിഎഫ്സി ബാങ്ക് 6E റിവാർഡ്സ് XL ഇൻഡിഗോ ക്രെഡിറ്റ് കാർഡ് : നിങ്ങൾക്ക് വെബ്‌സൈറ്റ്/ആപ്പ് വഴി ഇൻഡിഗോ ഫ്ലൈറ്റ് ബുക്ക് ചെയ്യുമ്പോൾ 6E റിവാർഡ് ലഭിക്കുന്നു. പ്രതിവർഷം 5,000 രൂപ വരെ വിലയുള്ള സൗജന്യ Accor ഹോട്ടൽ സ്റ്റേ വൗച്ചറും ഈ ക്രെഡിറ്റ് കാർഡ് വാ​ഗ്ദാനം ചെയ്യുന്നുണ്ട്. ഈ കാർഡിന്റെ ജോയിനിം​ഗ് ഫീസ് 1,500 രൂപയും ജിഎസ്ടിയുമാണ്.

4. അമേരിക്കൻ എക്സ്പ്രസ് പ്ലാറ്റിനം ട്രാവൽ ക്രെഡിറ്റ് കാർഡ് : ഈ കാർഡിൻ്റെ ജോയിനിം​ഗ് ഫീസ് 3,500 + ജിഎസ്ടിയാണ്. നിങ്ങൾ ഒരു വർഷത്തിൽ 1.9 ലക്ഷം ചെലവഴിച്ചാൽ പ്ലാറ്റിനം ട്രാവൽ കളക്ഷനിലോ അമേക്സ് ട്രാവൽ ഓൺലൈനിലോ 15,000 അംഗത്വ റിവാർഡ് പോയിന്റുകൾ റിഡീം ചെയ്യാം. 4 ലക്ഷം ചെലവഴിക്കുമ്പോൾ, നിങ്ങൾക്ക് 25,000 അംഗത്വ റിവാർഡ് പോയിന്റുകൾ കൂടി ലഭിക്കും.

5. ആക്സിസ് ബാങ്ക് അറ്റ്ലസ് ക്രെഡിറ്റ് കാർഡ് : ഈ കാർഡ് ഉടമകൾക്ക് ട്രാവൽ എഡ്ജ് പോർട്ടൽ വഴിയുള്ള ഫ്ലൈറ്റ് ബുക്കിംഗുകളിൽ 100 രൂപക്ക് 5 EDGE മൈൽ ലഭിക്കും. ട്രാവൽ എഡ്ജ് വഴിയുള്ള ഹോട്ടൽ ബുക്കിംഗുകളിൽ 100 രൂപക്ക് 2.5 EDGE മൈലും ഉറപ്പാക്കാം. ഈ ക്രെഡിറ്റ് കാർഡിന്റെ ജോയിനിം​ഗ് ഫീസ് 5,000 രൂപയാണ്.

ഈ 5 ക്രെഡിറ്റ് കാർഡുകളും യാത്രകൾക്ക് ഉപയോ​ഗിക്കാവുന്ന കിടിലൻ കാർഡുകളാണ്. മികച്ച ഓഫറുകളും സാമ്പത്തിക നേട്ടവും ഉറപ്പാക്കാൻ ഈ കാർഡുകളിലൂടെ സാധിക്കും.

അറിയിപ്പ്: ഇവിടെ പ്രകടിപ്പിച്ചിട്ടുള്ള അഭിപ്രായങ്ങളും നിർദ്ദേശങ്ങളും വ്യക്തിഗത വിശകലന വിദഗ്ദ്ധരുടെയോ സ്ഥാപനങ്ങളുടെയോ മാത്രം കാഴ്ചപ്പാടുകളാണ്. ഇത് Goodreturns.in-ന്റെയോ Greenium Information Technologies Private Limited-ന്റെയോ നിലപാടുകളെ പ്രതിഫലിക്കുന്നില്ല. ഈ ഉള്ളടക്കത്തിന്റെ കൃത്യത, പൂർണ്ണത, അല്ലെങ്കിൽ വിശ്വാസ്യത എന്നിവയ്ക്ക് ഞങ്ങൾ യാതൊരു ഉറപ്പും നൽകുന്നില്ല, മാത്രമല്ല അതിന് ഉത്തരവാദിത്തം ഏറ്റെടുക്കുന്നുമില്ല.

ഞങ്ങൾ ഏതെങ്കിലും തരത്തിലുള്ള നിക്ഷേപ ഉപദേശങ്ങൾ നൽകുകയോ, ഓഹരികൾ വാങ്ങാനോ വിൽക്കാനോ ശുപാർശ ചെയ്യുകയോ ചെയ്യുന്നില്ല. ഈ വിവരങ്ങൾ വിജ്ഞാനപ്രദമായ ആവശ്യങ്ങൾക്ക് മാത്രമുള്ളതാണ്. അതിനാൽ, ഏതെങ്കിലും നിക്ഷേപ തീരുമാനങ്ങൾ എടുക്കുന്നതിന് മുൻപ്, ലൈസൻസുള്ള ഒരു സാമ്പത്തിക ഉപദേഷ്ടകനുമായി കൂടിയാലോചിക്കുന്നത് നിർബന്ധമാണ്.