ഈ കാരണങ്ങൾ കൊണ്ടാണോ നിങ്ങളുടെ ക്രെഡിറ്റ് സ്കോർ കുറയുന്നത്? പരിഹാരമുണ്ട്...

ക്രെഡിറ്റ് കാർഡ് ഉപയോ​ഗത്തിലെ വർദ്ധനവ് വളരെ പ്രസക്തമാണ്. എല്ലാതരം ആളുകളും ഇപ്പോൾ ക്രെഡിറ്റ് കാർഡ് വ്യാപകമായി ഉപയോ​ഗിക്കുന്നു. സാമ്പത്തിക പ്രതിസന്ധികൾ ഒഴിവാക്കുന്നതോടൊപ്പം നിരവധി ആനുകൂല്യങ്ങളാണ് ക്രെഡിറ്റ് കാർഡ് ഉപയോ​ഗത്തിലൂടെ നിങ്ങൾക്ക് ലഭിക്കുന്നത്. എന്നാൽ അതിലും ചില കാര്യങ്ങൾ ശ്രദ്ധിക്കേണ്ടതുണ്ട്. പ്രധാനമായും ക്രെഡിറ്റ് സ്കോർ എന്താണെന്നും ക്രെഡിറ്റ് കാർഡുമായി ഈ സ്കോറിന് എന്ത് ബന്ധമുണ്ടെന്നും തിരിച്ചറിയുക. നിങ്ങളുടെ മുന്നോട്ടുള്ള വായ്പാ ആവശ്യങ്ങൾക്ക് ഏറ്റവും സുപ്രധാന ഘടകമാണ് ക്രെഡിറ്റ് സ്കോർ.

എന്താണ് ക്രെഡിറ്റ് സ്കോർ

നിങ്ങളുടെ ക്രെഡിറ്റ് യോ​ഗ്യത അനുസരിച്ചാണ് വായ്പ നൽകുന്നത്. ഇതൊരു മൂന്നക്ക സംഖ്യയാണ്. അതായത്, ക്രെഡിറ്റ് കാർഡ് വഴി വാങ്ങിയ ഉൽപ്പന്നങ്ങളുടെ തിരിച്ചടവുകൾ കൃത്യമായി നടത്തിയാൽ ക്രെഡിറ്റ് സ്കോർ വർദ്ധിക്കുന്നു. മാത്രമല്ല ഒരേ സമയം ഒന്നിലധികം വായ്പകൾ എടുത്താൽ അത് ക്രെഡിറ്റ് സ്കോറിനെ സാരമായി ബാധിക്കും.

ക്രെഡിറ്റ് വിനിയോ​ഗ അനുപാതം

നിങ്ങളുടെ ക്രെഡിറ്റ് വായ്പയെ അടിസ്ഥാനമാക്കിയാണ് ഇത് കണക്കാക്കുന്നത്. എപ്പോഴും കുറഞ്ഞ ക്രെഡിറ്റ് വിനിയോ​ഗ അനുപാതത്തിൽ നിങ്ങളുടെ മൊത്തം വിനിയോ​ഗം പരിമിതപ്പെടുത്തുക. അതായത് നിങ്ങളുടെ ക്രെഡിറ്റ് പരിധി 1 ലക്ഷം രൂപയാണെങ്കിൽ 30,000 രൂപ പരിധിയിൽ വിനിയോ​ഗിക്കുക. അങ്ങനെയെങ്കിൽ 30ശതമാനം മാത്രമാവും നിങ്ങളുടെ ക്രെഡിറ്റ് വിനിയോ​ഗ അനുപാതം. 30 ശതമാനത്തിൽ എല്ലാതരം വിനിയോ​ഗങ്ങളും അവസാനിപ്പിക്കുക.

ക്രെഡിറ്റ് വിനിയോ​ഗ അനുപാതം എങ്ങനെ പ്രധാന ഘടകമാവുന്നു

തിരിച്ചടവുകൾക്കുള്ള കഴിവ്: നിങ്ങളുടെ വായ്പ ഉത്തരവാദിത്തത്തോടെ കൃത്യമായി തിരിച്ചടവുകൾ നടത്തുന്നു എന്നാണ് കുറഞ്ഞ ക്രെഡിറ്റ് ഉപയോ​ഗത്തിലൂടെ മനസിലാക്കുന്നത്. നിങ്ങൾക്ക് പണം കൈകാര്യം ചെയ്യാനുള്ള കഴിവുണ്ടെന്നും ക്രെഡിറ്റിനെ അമിതമായി ആശ്രയിക്കുന്നില്ലെന്നും ഇത് സൂചിപ്പിക്കുന്നു.

കുറഞ്ഞ ക്രെഡിറ്റ്: ക്രെഡിറ്റ് വിനിയോ​ഗ അനുപാതം നിർണ്ണയിക്കുന്നതിന് ക്രെഡിറ്റ് സ്കോറിംഗ് മോഡലുകളാണ്. ഉയർന്ന ക്രെഡിറ്റ് വിനിയോ​ഗ അനുപാതം നിങ്ങളുടെ ക്രെഡിറ്റ് സ്കോറിനെ ദോഷകരമായി ബാധിക്കുന്നു. എന്നാൽ കുറഞ്ഞ അനുപാതം ഉയർന്ന സ്കോർ നേടാൻ നിങ്ങളെ സഹായിക്കും.

പരിധി ഉയർത്താൽ ആവശ്യപ്പെടാം: നിങ്ങളുടെ വായ്പാ പരിധി നീട്ടിക്കിട്ടാൻ ആവശ്യപ്പെടാം. എന്നാൽ നിങ്ങളുടെ ക്രെഡിറ്റ് സ്കോർ വായ്പ നൽകിയവർ പരിശോധിക്കും. ഇതുവഴി നിങ്ങളുടെ ക്രെഡിറ്റ് അനുപാതം കുറവാണെങ്കിൽ മികച്ച വായ്പാ വ്യവസ്ഥകളും പലിശ നിരക്കുകളും തീർച്ചയായും ലഭിക്കും. നിങ്ങളുടെ ക്രെഡിറ്റ് സ്കോറിനെ ആശ്രയിച്ചാണ് ഈ ആനുകൂല്യങ്ങൾ ലഭിക്കുന്നത്.

കുറഞ്ഞ ക്രെഡിറ്റ് വിനിയോ​ഗ അനുപാതം നിലനിർത്താം

• എപ്പോഴും കുറഞ്ഞ പരിധിയിൽ മാത്രം ക്രെഡിറ്റ് കാർഡ് വിനിയോ​ഗങ്ങൾ നടത്തുക. ക്രെഡിറ്റ് പരിധിയുടെ 30% ൽ താഴെ മാത്രം ഉപയോഗിക്കാൻ ശ്രദ്ധിക്കുക.

• ഓരോ മാസത്തേയും പേയ്മെന്റുകൾ കൃതൃ സമയത്ത് തന്നെ അടക്കാൻ ശ്രമിക്കുക. സമയബന്ധിതമായ പേയ്‌മെൻ്റുകൾ പലിശ നിരക്കുകൾ ഒഴിവാക്കാനും മികച്ച ക്രെഡിറ്റ് സ്കോർ നിലനിർത്താനും നിങ്ങളെ സഹായിക്കുന്നു.

• നിങ്ങൾ കൃത്യമായി തിരച്ചടവുകൾ നടത്തുന്ന വ്യക്തിയാണെങ്കിൽ ഉയർന്ന ക്രെഡിറ്റ് പരിധിക്കായി അപേക്ഷിക്കാം. ഉയർന്ന ക്രെഡിറ്റ് പരിധിയുണ്ടെങ്കിൽ നിങ്ങളുടെ ക്രെഡിറ്റ് വിനിയോഗ അനുപാതം കുറയും.

• നിങ്ങളുടെ ക്രെഡിറ്റ് റിപ്പോർട്ടുകൾ പതിവായി പരിശോധിക്കുക. എമന്തെങ്കിലും തെറ്റുകൾ ഉണ്ടെങ്കിൽ നിങ്ങളുടെ ക്രെഡിറ്റ് വിനിയോ​ഗ അനുപാതത്തെയും ക്രെഡിറ്റ് സ്‌കോറിനെയും പ്രതികൂലമായി ബാധിക്കും.

• ഒരു പുതിയ ക്രെഡിറ്റ് കാർഡിന് അപേക്ഷിക്കുമ്പോൾ ക്രെഡിറ്റ് പരിധി വർദ്ധിക്കും. എന്നാൽ ചില കാരണങ്ങളാൽ താത്കാലികമായി ക്രെഡിറ്റ് സ്കോർ കുറയാൻ സാധ്യതയുണ്ട്. അതിനാൽ പുതിയ ക്രെഡിറ്റ് കാർഡ് എടുക്കുമ്പോൾ ഇത്തരം കാര്യങ്ങൾ ശ്രദ്ധിക്കുക.

• നിങ്ങളുടെ ക്രെഡിറ്റ് വിനിയോഗ അനുപാതം മനസ്സിലാക്കുന്നതും കൈകാര്യം ചെയ്യുന്നതും മികച്ച ക്രെഡിറ്റ് സ്കോർ നിലനിർത്തുന്നതിന് നിർണായകമാണ്. എല്ലാ ഇടപാടുകളും കൃത്യ സമയത്ത് തന്നെ അടക്കുക. എപ്പോഴും കുറഞ്ഞ ക്രെഡിറ്റ് വിനിയോ​ഗ അനുപാതം നിലനിർത്തണം.