കോവിഡ് വ്യാപനം സൃഷ്ടിച്ച സാമ്പത്തീക പ്രതിന്ധികള് കാരണം മിക്ക തൊഴില് മേഖലകളിലും വേതനക്കുറവും തൊഴില് നഷ്ടവുമൊക്കെയുണ്ടായി. ഈ സാമ്പത്തിക ഞെരുക്കത്തിനിടയില് ചിലപ്പോള് നിങ്ങള്ക്ക് നിങ്ങളുടെ മ്യൂച്വല് ഫണ്ട് എസ്ഐപി തവണകള് അടയ്ക്കുവാന് സാധിക്കാതെയും വന്നിട്ടുണ്ടാകാം. എസ്ഐപി തവണകളുടെ തിരിച്ചടവ് മുടങ്ങിയാല് പരിഭ്രമിക്കേണ്ടതില്ല.
മ്യൂച്വല് ഫണ്ടുകളിലെ എസ്ഐപി എന്നത് ഒരു ദീര്ഘകാല നിക്ഷേപോപാധിയാണ്. അതിനാല് തന്നെ നിങ്ങള്ക്ക് മറ്റ് സാമ്പത്തിക ബാധ്യകളുണ്ടെങ്കില് എസ്ഐപി അടവില് ഒരു ഇടവേള എുക്കുന്നത് കൊണ്ട് മറ്റ് പ്രയാസങ്ങളൊന്നും തന്നെ ഉണ്ടാവുകയില്ല.
ക്രമരഹിതമായ വരുമാനത്താല് പ്രയാസപ്പെടുന്നോ? ക്രെഡിറ്റ് ലൈന് വായ്പകള് ഉപയോഗിക്കാമല്ലോ
ചുരുക്കം എസ്ഐപി അടവുകളില് വീഴ്ച വരുത്തിയാല് മ്യൂച്വല് ഫണ്ടുകള് സാധാരണമായി പിഴ ഒന്നും തന്നെ ഈടാക്കാറില്ല. എന്നാല് തുടര്ച്ചയായ മൂന്ന് മാസങ്ങളില് എസ്ഐപി അടവില് വീഴ്ച വരുത്തിയാല് നിങ്ങളുടെ എസ്ഐപി സ്വയമേ റദ്ദായിപ്പോകും. ഒപ്പം ഓട്ടോ ഡെബിറ്റ് പെയ്മെന്റ് സേവനത്തെ അപകീര്ത്തിപ്പെടുത്തിയതിനാല് നിങ്ങളുടെ ബാങ്ക് നിങ്ങള്ക്ക് പിഴ ഈടാക്കുകയും ചെയ്യും.
നിങ്ങള്ക്ക് സ്ഥിരമായ വരുമാനവും നിക്ഷേപം തുടരാന് ശേഷിയുമുണ്ടെങ്കില് നിങ്ങള്ക്ക് എസ്ഐപി തുടരാം. ദീര്ഘാകാലാടിസ്ഥാനത്തില് ഇത് നല്ല തീരുമാനമാണ്. എന്നാല് അതേസമയം നിങ്ങളുടെ വരുമാനം കുറയുന്ന ഒരു സാഹചര്യത്തില് നിക്ഷേപത്തില് നിന്നും ഒരിടവേള എടുക്കുന്നതാണ് അഭികാമ്യം. എന്തെന്നാല് സാമ്പത്തിക ഞെരുക്കത്തിനിടയില് നിങ്ങള്ക്ക് നിക്ഷേപം തുടരാന് സാധ്യമാകാതെ വന്നേക്കാം.
സാമ്പത്തിക ആരോഗ്യത്തിനായി പിന്തുടരേണ്ട 7 നിര്ദേശങ്ങള്
എസ്ഐപികളിലൂടെ മ്യൂച്വല് ഫണ്ടുകളില് നിക്ഷേപിക്കുന്നതിലൂടെ ലഭിക്കുന്ന ഒരു പ്രധാന ഗുണം എന്തെന്നാല് നിങ്ങള്ക്ക് നിക്ഷേപം തത്ക്കാലത്തേക്ക് നിറുത്തുവാനും പിന്നീട് നിക്ഷേപ ശേഷി കൈവരുന്ന സമയത്ത് വീണ്ടും നിക്ഷേപം പുനരാരംഭിക്കുവാന് സാധിക്കും എന്നതാണ്.
നിങ്ങള് സാമ്പത്തീകമായി പ്രയാസത്തിലാണെങ്കില് എസ്ഐപി അടവ് തത്ക്കാലത്തേക്ക് മാറ്റി വയ്ക്കുവാന് ഒരു വഴിയുണ്ട്. മ്യൂച്വല് ഫണ്ട് ഹൗസിന് നിങ്ങള്ക്ക് ഒരു എസ്ഐപി സ്റ്റോപ്പ് റിക്വസ്റ്റ് നല്കാം. 30 ദിവസം നേരത്തേ വേണം അപേക്ഷ നല്കുവാന്. ഓണ്ലൈനായോ നേരിട്ട് അപേക്ഷാ ഫോറം പൂരിപ്പിച്ച് നല്കിയോ നിങ്ങള്ക്ക് റിക്വസ്റ്റ് സമര്പ്പിക്കാം. പിന്നീട് നിങ്ങള് സാമ്പത്തികമായി മെച്ചപ്പടുമ്പോള് വീണ്ടും പുതിയ എസ്ഐപി നിക്ഷേപം ആരംഭിക്കുവാന് സാധിക്കും.