ഒരു ജോലി ലഭിച്ചു തുടങ്ങിയാല് അതിനോടൊപ്പം തന്നെ നിക്ഷേപ ശീലവും ആംഭിച്ചു തുടങ്ങുന്നതാണ് ഏറ്റവും നല്ലത്. എങ്കില് മാത്രമേ ദീര്ഘകാല നിക്ഷേപങ്ങളിലൂടെ പരമാവധി നേട്ടം സ്വന്തമാക്കുവാന് നമുക്ക് സാധിക്കുകയുള്ളൂ.
നമുക്ക് പല സാമ്പത്തീക ലക്ഷ്യങ്ങളും മനസ്സിലുണ്ടാകും. ആ ആഗ്രഹങ്ങളൊക്കെ നേടിയെടുക്കുന്നതിനായി ആദ്യ ജോലി ലഭിച്ച് വരുമാനം നേടിത്തുടങ്ങുമ്പോള് തന്നെ നിക്ഷേപ ആസൂത്രണം അനിവാര്യമാണ്. അതിനനൃസൃതമായി നിക്ഷേപം ആരംഭിക്കുകയും ചെയ്യാം.
എന്നാല് നിക്ഷേപം ആരംഭിക്കുന്നതിന് മുമ്പ്, എവിടെ നിക്ഷേപിക്കണം എന്ന് നിങ്ങള് തീരുമാനം കൈക്കൊള്ളുന്നതിനും മുമ്പ് നിങ്ങള് ഒരു പ്രധാനപ്പെട്ട കാര്യം ചെയ്യേണ്ടതുണ്ട്. നിങ്ങളുടെ വ്യക്തിഗത സാമ്പത്തിക നിലയുടെ വിശകലനമാണത്. എന്താണ് നിങ്ങളുടെ സാമ്പത്തീക അവസ്ഥ എന്ന് സ്വയം പരിശോധിക്കുകയാണ് ഈ പ്രവൃത്തിയിലൂടെ നിങ്ങള് ചെയ്യുന്നത്.
നിങ്ങള്ക്ക് എത്ര പ്രതിമാസ വരുമാനമുണ്ടെന്നതും അതില് നിന്ന് എത്ര തുക സമ്പാദ്യമായി മാറ്റി വയ്ക്കുവാന് സാധിക്കുമെന്നും ആദ്യം കണക്കാക്കണം. ശേഷ വേണം ഓരോ മാസവും എത്ര തുക നിക്ഷേപിക്കാം എന്ന തീരുമാനത്തിലെത്താന്.
നിക്ഷേപത്തിലേക്കെത്തും മുമ്പ് മറ്റ് ചില വ്യക്തിഗത സാമ്പത്തീക കാര്യങ്ങള് കൂടി പരിശോധിക്കേണം. നിങ്ങള്ക്കും നിങ്ങളുടെ ആശ്രിതര്ക്കും മതിയായ ഇന്ഷുറന്സ് പരിരക്ഷയുണ്ടെന്ന് ഉറപ്പാക്കുക എന്നതാണ് അതില് ആദ്യത്തേത്. ലൈഫ് ഇന്ഷുറന്സും ആരോഗ്യ ഇന്ഷുറന്സും നിര്ബന്ധമായും ഏതോരു വ്യക്തിയും വാങ്ങിച്ചിരിക്കേണ്ടതുണ്ട്. അത് നിങ്ങളുടെ ജീവിതത്തിന്റെ സുരക്ഷിതത്വം വര്ധിപ്പിക്കും.
14,500 രൂപ മാസം നിക്ഷേപിച്ചാല് നേടാം 23 കോടി രൂപയോളം
ഇനിയുള്ളത് എമര്ജന്സി ഫണ്ട് ആണ്. അടിയനന്തിര സാഹചര്യങ്ങളില് ഉപയോഗപ്പെടുത്തുവാനുള്ള തുകയാണിത്. കുറച്ചു നാളുകളിലേക്ക് തൊഴില് നഷ്ടപ്പെടുകയോ, തൊഴിലെടുക്കുവാന് സാധിക്കാത്ത സാഹചര്യമുണ്ടാവുകയോ ചെയ്താല് എമര്ജന്സി ഫണ്ട് നിങ്ങളുടെ സഹായത്തിനെത്തും. ഏറ്റവും ചുരുങ്ങിയത് 6 മാസത്തെ നിങ്ങളുടെ ശമ്പളത്തുകയാണ് എമര്ജന്സി ഫണ്ടായി കരുതേണ്ടത്.
പണപ്പെരുപ്പവും സ്വര്ണ നിക്ഷേപവും; ഇപ്പോള് കൂടുതല് നിക്ഷേപിക്കുവാന് അനുയോജ്യമോ?
ഇവയെല്ലാം മതിയായ അളവില് നിങ്ങള് നേടിക്കഴിഞ്ഞാല് നിക്ഷേപത്തിലേക്ക് പ്രവേശിക്കാം. ദീര്ഘകാല നിക്ഷേപമാണ് നിങ്ങള് ആഗ്രഹിക്കുന്നത് എങ്കില് ഇക്വിറ്റി ഇന്ഡക്സ് ഫണ്ടുകളിലും സ്മോള്, മിഡ് ക്യാപ് ഫണ്ടുകളിലും നിക്ഷേപിക്കാം, ഓരോ വര്ഷം കഴിയും തോറും നിക്ഷേപ തുക വര്ധിപ്പിക്കുകയും വേണം. ഇനി മൂന്ന് മുതല് 5 വര്ഷം വരെയുള്ള ഹ്രസ്വകാല നിക്ഷേപങ്ങളാണ് നിങ്ങള് തെരരഞ്ഞെടുക്കുന്നതെങ്കില് ഇക്വിറ്റി ഇന്ഡക്സ് ഫണ്ടുകളില് ചെറിയൊരു വിഹിതവും ബാക്കി ഡെബ്റ്റ് ഫണ്ടുകളിലോ, റെക്കറിംഗ് നിക്ഷേപങ്ങളിലോ നിക്ഷേപം നടത്താവുന്നതാണ്.