കാശ് നിങ്ങൾ ഏത് ബാങ്കിലിടും​​​? പലിശ നോക്കി ബാങ്ക് തിരഞ്ഞെടുക്കാം

ബാങ്ക് ഫിക്‌സഡ് ഡിപ്പോസിറ്റുകൾ (എഫ്ഡി) മുതിർന്ന പൗരന്മാർക്കിടയിൽ മാത്രമല്ല, സുരക്ഷിതമായ വരുമാനം തേടുന്ന ജനപ്രിയ നിക്ഷേപ ഉപകരണം തന്നെയാണ് ബാങ്ക് എഫ്ഡികൾ. എന്നാൽ എഫ്ഡികളിൽ അമിതമായി നിക്ഷേപം നടത്തുന്നതും നല്ലതല്ല. നിങ്ങളുടെ ആസ്തി വിഹിതവും ലക്ഷ്യങ്ങളും അനുസരിച്ചായിരിക്കണം നിക്ഷേപ തുകയും കാലാവധിയും തീരുമാനിക്കേണ്ടത്.

കാലാവധികളും പലിശ നിരക്കും

ഉദാഹരണത്തിന്, എഫ്ഡികളിലൂടെ 15 വർഷത്തിന് ശേഷമുള്ള നിങ്ങളുടെ കുട്ടിയുടെ ഉന്നത വിദ്യാഭ്യാസത്തിനായി നിക്ഷേപം നടത്തുന്നത് ഫലപ്രദമാകണമെന്നില്ല. കാരണം ഒരു എഫ്ഡിയുടെ നികുതിയാനന്തര പലിശ നിരക്ക് നിങ്ങൾക്ക് ഒരു യഥാർത്ഥ വരുമാനം നൽകില്ല. എന്നാൽ രണ്ട് വർഷത്തിനുള്ളിൽ പണം പിൻവലിക്കുന്നതിന് എഫ്ഡി സഹായിക്കും. വിവിധ കാലയളവുകളിൽ ഒരു കോടി രൂപ വരെ നിക്ഷേപത്തിന് ഏറ്റവും ഉയർന്ന എഫ്ഡി നിരക്കുകൾ വാഗ്ദാനം ചെയ്യുന്ന ചില ബാങ്കുകളുടെ പട്ടിക ഇതാ..

ഒരു വ‍ർഷത്തിനും രണ്ട് വ‍ർഷത്തിനും ഇടയിൽ

• ഇൻഡസിൻഡ് ബാങ്ക് - 7%
• യെസ് ബാങ്ക് - 7%
• ഡിസിബി ബാങ്ക് - 6.65% - 6.9%
• ആ‍‍ർബിഎൽ ബാങ്ക് - 6.85%
• ലക്ഷ്മി വിലാസ് ബാങ്ക് - 6% - 6.5%

രണ്ട് വ‍ർഷത്തിനും മൂന്ന് വ‍ർഷത്തിനും ഇടയിൽ

• ഡിസിബി ബാങ്ക് - 6.80% - 6.90%
• ഇൻഡസിൻഡ് ബാങ്ക് - 7%
• യെസ് ബാങ്ക് - 7%
• ലക്ഷ്മി വിലാസ് ബാങ്ക് - 6%
• ബന്ധൻ ബാങ്ക് - 6%