ഏറ്റവും കുറഞ്ഞ പലിശ നിരക്കില്‍ കാര്‍ വായ്പ ലഭിക്കുന്നത് ഈ ബാങ്കുകളില്‍

കോവിഡ് രണ്ടാം തരംഗം കാര്‍ വിപണിയെയും ബാധിച്ചിട്ടുണ്ട്. എന്നാല്‍ നിങ്ങള്‍ക്ക് ഇപ്പോള്‍ ഒരു കാര്‍ വാങ്ങാന്‍ പദ്ധതിയുണ്ടെങ്കില്‍ വായ്പാ പലിശ നിരക്ക് നിങ്ങള്‍ക്ക് അനുകൂലമായ സാഹചര്യമാണുള്ളത്. ബാങ്കുകള്‍ കുറഞ്ഞ നിരക്കില്‍ കാര്‍ വായ്പ നല്‍കുന്നത് തുടരുകയാണ്. പഞ്ചാബ് ആന്റ് സിന്ധ് ബാങ്ക് കാര്‍ വായ്പയ്ക്ക് 7 ശതമാനം പലിശ നിരക്കാണ് ഈടാക്കുന്നത്.

തൊട്ടു പുറകില്‍ ഉള്ള സെന്‍ട്രല്‍ ബാങ്ക് ഓഫ് ഇന്ത്യയില്‍ 7.25 ശതമാനമാണ് പലിശ നിരക്ക്. ഏറ്റവും കുറഞ്ഞ നിരക്കില്‍ കാര്‍ വായ്പ നല്‍കുന്ന ആദ്യ പത്ത് ബാങ്കുകളില്‍ മുന്‍ നിരയിലുള്ളത് പൊതുമേഖലാ ബാങ്കുകളാണ്. സ്റ്റേറ്റ് ബാങ്ക് ഓഫ് ഇന്ത്യയില്‍ 7.7 ശതമാനമാണ് കാര്‍ വായ്പയുടെ പലിശ നിരക്ക്. സ്വകാര്യ മേഖലാ ബാങ്കുകളായ ഐസിഐസിഐ ബാങ്ക്, എച്ച്ഡിഎഫ്‌സി ബാങ്ക് എന്നിവിടങ്ങളില്‍ 7.9 ശതമാനം, 7.95 ശതമാനം എന്നിങ്ങനെയാണ് കാര്‍ വായ്പയ്ക്ക് ഈടാക്കുന്ന പലിശ നിരക്ക്.

പഞ്ചാബ് ആന്റ് സിന്ധ് ബാങ്ക് 7 ശതമാനം, സെന്‍ട്രല്‍ ബാങ്ക് ഓഫ് ഇന്ത്യ 7.25 ശതമാനം, ബാങ്ക് ഓഫ് ബറോഡ 7.25 ശതമാനം. കാനറ ബാങ്ക് 7.30 ശതമാനം, പഞ്ചാബ് നാഷണല്‍ ബാങ്ക് 7.30 ശതമാനം, യൂണിയന്‍ ബാങ്ക് ഓഫ് ഇന്ത്യ 7.40 ശതമാനം, യൂണിയന്‍ ബാങ്ക് ഓഫ് ഇന്ത്യ 7.40 ശതമാനം, ബാങ്ക് ഓഫ് ഇന്ത്യ 7.45 ശതമാനം, ബാങ്ക് ഓഫ് മഹാരാഷ്ട്ര 7.50 ശതമാനം, ഐഡിബിഐ ബാങ്ക് 7.50 ശതമാനം, ഇന്‍ഡ്യന്‍ ഓവര്‍സീസ് ബാങ്ക് 7.55 ശതമാനം എന്നിങ്ങനെയാണ് രാജ്യത്തെ പ്രധാന ബാങ്കുകള്‍ ഈടാക്കുന്ന കാര്‍ വായ്പാ പലിശ നിരക്ക്.

പഞ്ചാബ് ആന്റ് സിന്ധ് ബാങ്കില്‍ 15,093 രൂപ, സെന്‍ട്രല്‍ ബാങ്ക് ഓഫ് ഇന്ത്യയില്‍ 15,215 രൂപ, ബാങ്ക് ഓഫ് ബറോഡയില്‍ 15,215 രൂപ, കാനറ ബാങ്കില്‍ 15,240 രൂപ, പഞ്ചാബ് നാഷണല്‍ ബാങ്കില്‍ 15,240 രൂപ, യൂണിയന്‍ ബാങ്ക് ഓഫ് ഇന്ത്യയില്‍ 15,289 രൂപ, ബാങ്ക് ഓഫ് ഇന്ത്യയില്‍ 15,314 രൂപ, ബാങ്ക് ഓഫ് മഹാരാഷ്ട്രയില്‍ 15,338 രൂപ, ഐഡിബിഐ ബാങ്കില്‍ 15,338 രൂപ, ഇന്‍ഡ്യന്‍ ഓവര്‍സീസ് ബാങ്കില്‍ 15,363 രൂപ എന്നിങ്ങനെയാണ് ഇപ്പോഴത്തെ പലിശ നിരക്ക് പ്രകാരം ഓരോ ബാങ്കിലും അടയ്‌ക്കേണ്ടുന്ന പ്രതിമാസ ഇഎംഐ തുക.