ബാങ്ക് സ്ഥിര നിക്ഷേപ പലിശനിരക്ക് കഴിഞ്ഞ കുറച്ച് മാസങ്ങളായി വളരെയധികം കുറഞ്ഞു. എഫ്ഡി നിരക്ക് കുറയുന്നതിനിടയിലും ചില ബാങ്കുകൾ സേവിംഗ്സ് അക്കൗണ്ടിൽ 7% പലിശനിരക്ക് വാഗ്ദാനം ചെയ്യുന്നുണ്ട്. ഐഡിഎഫ്സി ഫസ്റ്റ് ബാങ്ക്, ബന്ദൻ ബാങ്ക്, ചെറുകിട ധനകാര്യ ബാങ്കുകളായ ഇക്വിറ്റാസ്, ഉത്കർഷ് എന്നിവയാണ് സേവിംഗ്സ് അക്കൗണ്ടിൽ മികച്ച പലിശ നിരക്ക് വാഗ്ദാനം ചെയ്യുന്ന ബാങ്കുകൾ.
പ്രമുഖ ബാങ്കുകൾ
മുൻനിര സ്വകാര്യ ബാങ്കായ എച്ച്ഡിഎഫ്സി ബാങ്കും ഐസിഐസിഐ ബാങ്കും അവരുടെ സേവിംഗ്സ് അക്കൗണ്ടിൽ 3% മുതൽ 3.5% വരെ പലിശ മാത്രമാണ് വാഗ്ദാനം ചെയ്യുന്നത്. എസ്ബിഐ അവരുടെ സേവിംഗ്സ് അക്കൗണ്ടിൽ 2.70% പലശി വാഗ്ദാനം ചെയ്യുന്നു. സേവിംഗ്സ് അക്കൗണ്ടിൽ 7% പലിശ വാഗ്ദാനം ചെയ്യുന്ന ചില ബാങ്കുകൾ ഇതാ..
എസ്ബിഐ ഇൻസ്റ്റാ സേവിംഗ് ബാങ്ക് അക്കൌണ്ട്; നിങ്ങൾ അറിയേണ്ടതെല്ലാം
ഐഡിഎഫ്സി ഫസ്റ്റ് ബാങ്ക്
ഒരു ലക്ഷം രൂപ വരെയുള്ള നിക്ഷേപത്തിന് 6% വരെ പലിശ നിരക്ക് ഐഡിഎഫ്സി ഫസ്റ്റ് ബാങ്ക് വാഗ്ദാനം ചെയ്യുന്നു. 1 ലക്ഷം മുതൽ 10 കോടിയിൽ താഴെയുള്ള തുകയ്ക്ക് 7% പലിശ വാഗ്ദാനം ചെയ്യുന്നു.
ബാങ്കിൽ കാശിട്ടവർക്ക് വൻ തിരിച്ചടി, പലിശകൾ കുത്തനെ ഇടിഞ്ഞ 2020
ബന്ദൻ ബാങ്ക്
ഒരു ലക്ഷം രൂപ വരെയുള്ള തുകയ്ക്ക് 3 ശതമാനം പലിശ നിരക്ക് ആണ് ബാങ്ക് വാഗ്ദാനം ചെയ്യുന്നത്. ഒരു ലക്ഷം മുതൽ 10 കോടി രൂപ വരെയുള്ള പ്രതിദിന ബാലൻസിന് 6 ശതമാനം പലിശ ലഭിക്കും. 10 കോടി മുതൽ 50 കോടി വരെയുള്ള ബാലൻസിന് 6.55 ശതമാനം പലിശയും 50 കോടിക്ക് മുകളിലുള്ള ബാലൻസിന് 7.15% പലിശയും ലഭിക്കും.
ഇക്വിറ്റാസ് സ്മോൾ ഫിനാൻസ് ബാങ്ക്
ഒരു ലക്ഷം രൂപ വരെയുള്ള ബാലൻസിന് 3.5% പലിശ നിരക്കാണ് ഇക്വിറ്റാസ് സ്മോൾ ഫിനാൻസ് ബാങ്ക് വാഗ്ദാനം ചെയ്യുന്നത്. ഒരു ലക്ഷം രൂപയ്ക്കും 30 കോടി രൂപയ്ക്കും ഇടയിലുള്ള ബാലൻസിന് 7% പലിശ നിരക്ക് വാഗ്ദാനം ചെയ്യുന്നു. 30 കോടിക്ക് മുകളിലുള്ള നിക്ഷേപത്തിന് 7.25 ശതമാനം പലിശ ലഭിക്കും.
ഉത്കർഷ് സ്മോൾ ഫിനാൻസ് ബാങ്ക്
ഉത്കർഷ് സ്മോൾ ഫിനാൻസ് ബാങ്ക് ഒരു ലക്ഷം രൂപ വരെയുള്ള ബാലൻസിന് 5% പലിശ നൽകും. ഒരു ലക്ഷം രൂപയ്ക്ക് മുകളിലുള്ള ബാലൻസിന് 6% പലിശയും 25 ലക്ഷം രൂപ വരെയുള്ള ബാലൻസിന് 7.25 ശതമാനം പലിശനിരക്കും വാഗ്ദാനം ചെയ്യുന്നു.
പിപിഎഫ്, സുകന്യ സമൃദ്ധി യോജന, കിസാൻ വികാസ് പത്ര ഏറ്റവും പുതിയ പലിശ നിരക്കുകൾ ഇതാ