യെസ് ബാങ്ക് സ്ഥിര നിക്ഷേപങ്ങളുടെ പലിശ നിരക്ക് പുതുക്കി; പുതിയ നിരക്കുകള്‍ അറിയാം

സാധാരണക്കാര്‍ക്കും മുതിര്‍ന്ന പൗരന്മാര്‍ക്കുമായി പല തരത്തിലുള്ള സ്ഥിര നിക്ഷേപ പദ്ധതികളാണ് യെസ് ബാങ്ക് ഉപയോക്താക്കള്‍ക്കായി വാഗ്ദാനം ചെയ്യുന്നത്. ഏറ്റവും ചുരുങ്ങിയത് 7 ദിവസം മുതല്‍ പരമാവധി 10 വര്‍ഷം വരെയുള്ള വിവിധ കാലയളവുകളിലേക്ക് ബാങ്ക് സ്ഥിര നിക്ഷേപങ്ങള്‍ സ്വീകരിക്കുന്നു. 2021 ജൂണ്‍ 3 മുതല്‍ യെസ് ബാങ്ക് തങ്ങളുടെ സ്ഥിര നിക്ഷേപങ്ങള്‍ക്ക് മേലുള്ള പലിശ നിരക്കുകള്‍ പുതുക്കിയിരിക്കുകയാണ്.

7 ദിവസം മുതല്‍ 14 ദിവസം വരെയുള്ള സ്ഥിര നിക്ഷേപങ്ങള്‍ക്ക് യെസ് ബാങ്ക് നല്‍കുന്ന പലിശ നിരക്ക് 3.25 ശതമാനമാണ്. 15 ദിവസം മുതല്‍ 45 ദിവസം വരെയുള്ള സ്ഥിര നിക്ഷേപങ്ങള്‍ക്കും ഇതേ നിരക്ക് തന്നെയാണ് നല്‍കുന്നത്. 46 മുതല്‍ 90 ദിവസം വരെയുള്ള നിക്ഷേപങ്ങള്‍ക്ക് 4 ശതമാനമാണ് പലിശ നിരക്ക് നിശ്ചയിച്ചിരിക്കുന്നത്.

3 മാസം മുതല്‍ 6 മാസത്തില്‍ താഴെ വരെയുള്ള നിക്ഷേപങ്ങള്‍ക്ക് 4.5 ശതമാനമാണ് പലിശ നിരക്ക് വാഗ്ദാനം ചെയ്യുന്നത്. 6 മാസം മുതല്‍ 9 മാസം വരെയുള്ള നിക്ഷേപങ്ങള്‍ക്ക് 5 ശതമാനമാണ് പലിശ നിരക്ക്.

9 മാസം മുതല്‍ 1 വര്‍ഷത്തില്‍ താഴെയുള്ള സ്ഥിര നിക്ഷേപങ്ങള്‍ക്ക് യെസ് ബാങ്ക് നല്‍കുന്നത് 5.75 ശതമാനമാണ്.

1 വര്‍ഷം മുതല്‍ 2 വര്‍ഷത്തിന് താഴെയുള്ള നിക്ഷേപങ്ങള്‍ക്ക് 6 ശതമാനമാണ് യെസ് ബാങ്കിന്റെ പലിശ നിരക്ക്. 2 വര്‍ഷം 3 വര്‍ഷം വരെയുള്ള നിക്ഷേപങ്ങള്‍ക്ക് 6.25 ശതമാനമാണ് പലിശ. 3 വര്‍ഷം മുതല്‍ 10 വര്‍ഷം വരെയുള്ള നിക്ഷേപങ്ങള്‍ക്ക് 6.50 ശതമാനം പലിശ നിരക്ക് ലഭിക്കും.

മുതിര്‍ന്ന പൗരന്മാര്‍ക്ക് സാധാരണ നിക്ഷേപകരെക്കാളും 50 ബേസിസ് പോയിന്റ് അധിക പലിശ നിരക്ക് ലഭിക്കും. 3.75 ശതമാനം മുതല്‍ 7.25 ശതമാനം വരെയാണ് മുതിര്‍ന്ന പൗരന്മാരുടെ സ്ഥിര നിക്ഷേപങ്ങള്‍ക്ക് യെസ് ബാങ്ക് നല്‍കുന്ന പലിശ നിരക്ക്. 7 ദിവസം മുതല്‍ 10 വര്‍ഷം വരെയുള്ള വിവിധ കാലയളവുകളിലെ നിക്ഷേപങ്ങള്‍ക്കാണിത്.