പൊതുഗതാഗത സംവിധാനങ്ങള് പരമാവധി ഒഴിവാക്കുവാനാണ് കോവിഡ് വ്യാപനത്തോടെ ഏവരും ശ്രദ്ധിക്കുന്നത്. എങ്ങനെയെങ്കിലും സ്വന്തമായി ഒരു വാഹനം വേണം എന്നതായി എല്ലാവരുടേയും ആഗ്രഹം. പുതിയ കാര് ബഡ്ജറ്റിലൊതുങ്ങാത്ത സാധാരണക്കാര്ക്ക് അതിന്റെ പാതി വില മുടക്കിയാല് പഴയ കാര് ലഭിക്കും. പുതിയ കാര് വാങ്ങിക്കുമ്പോഴെന്ന പോലെ പഴയ കാര് വാങ്ങിക്കുവാനും നിങ്ങള്ക്ക് ബാങ്കുകളില് നിന്നും മറ്റ് ധനകാര്യ സ്ഥാപനങ്ങളില് നിന്നും വായ്പയും ലഭിക്കും.
എന്നാല് പുതിയ കാര് വായ്പയ്ക്ക് ഈടാക്കുന്ന പലിശ നിരക്കിനേക്കാള് ഉയര്ന്ന പലിശ നിരക്കാണ് പഴയ വാഹനങ്ങള് വാങ്ങിക്കുവാനുള്ള വായ്പകള്ക്ക് ഈടാക്കുന്നത്. പുതിയ കാര് വായ്പകളേക്കാള് 5 ശതമാനം വരെ ഉയര്ന്ന നിരക്കാണ് പഴയ വാഹനങ്ങള്ക്കായുള്ള വായ്പകള്ക്കുള്ളത്.
416 രൂപ ദിവസവും മാറ്റി വച്ചാല് നിങ്ങള്ക്കും കോടിപതിയാകാം
പൊതുമേഖലാ ബാങ്കുകളില് സ്വകാര്യ മേഖലാ ബാങ്കുകളേക്കാള് കുറഞ്ഞ പലിശ നിരക്കാണുള്ളത്. പഴയ കാറിന്റെ വില കുറവായിരിക്കുമെന്നതിനാല് വായ്പ എടുക്കുന്ന തുക കുറവായിരിക്കും. അതിനാല് തന്നെ ഇഎംഐ തുകയും കുറവായിരിക്കും എന്നത് ആശ്വാസമായിരിക്കും.
വായ്പ അനുവദിച്ചു തരുന്നതിനുള്ള നടപടി ക്രമങ്ങളും താരതമ്യേന എളുപ്പമായിരിക്കും. 5 വര്ഷം വരെയാണ് വായ്പാ തിരിച്ചടവ് കാലയളവ് ഉണ്ടായിരിക്കുക. രാജ്യത്തെ മുന്നിര ബാങ്കുകളും ധനകാര്യ സ്ഥാപനങ്ങളും പഴയ കാറുകള് വാങ്ങിക്കുവാനുള്ള വായ്പകള്ക്ക് ഈടാക്കുന്ന പലിശ നിരക്ക് എത്ര ശതമാനം വീതമാണെന്ന് നമുക്കൊന്ന് നോക്കാം.
എടിഎമ്മില് നിന്നും കീറിയ കറന്സി നോട്ട് ലഭിച്ചോ? ഇങ്ങനെ ചെയ്ത് നോട്ട് മാറ്റിയെടുക്കാം
രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യയില് (എസ്ബിഐ) 9.50 ശതമാനം മുതല് 10.50 സതമാനം വരെയാണ് പലിശ നിരക്ക്. ഐസിഐസിഐ ബാങ്കില് 12.00 ശതമാനം മുതല് 14.40 ശതമാനം വരെയും ടാറ്റ ക്യാപ്പിലില് 15 ശതമാനം മുതലും പലിശ നിരക്ക് ഈടാക്കുന്നു.
മാതാപിതാക്കളും ബന്ധുക്കളും വഴി ഇനി നിങ്ങള്ക്ക് ഭവന വായ്പയെടുക്കാം! എങ്ങനെയാണെന്ന് അറിയേണ്ടേ?
13.75 ശതമാനം മുതല് 16.00 ശതമാനം വരെയാണ് എച്ച്ഡിഎഫ്സി ബാങ്കിലെ പലിശ നിരക്ക്. 7 വര്ഷമാണ് എച്ച്ഡിഎഫ്സി ബാങ്കിലെ വായ്പാ കാലാവധി. പഞ്ചാബ് നാഷണല് ബാങ്കില് പഴയ കാര് വാങ്ങിക്കുവാനുള്ള വായ്പാ പലിശ നിരക്ക് ആരംഭിക്കുന്നത് 8.30 ശതമാനം മുതലാണ്. ആക്സിസ് ബാങ്കില് 14.25 ശതമാനം മുതല് 16.25 ശതമാനം വരെ പലിശ ഈടാക്കുന്നു.