എന്താണ് ടീസര്‍ ലോണുകള്‍ ?

<p>ഇന്ത്യയില്‍ ടീസര്‍ ലോണുകള്‍ വ്യാപകമാകാന്‍ സാധ്യതയേറുകയാണ്. പ്രത്യേകിച്ചും ടീസര്‍ ഹോം ലോണുകള്‍. കുറച്ചുവര്‍ഷങ്ങള്‍ക്ക് മുമ്പ് എസ്.ബി.ഐ. പോലുളള ബാങ്കുകള്‍ ടീസര്‍ ഹോം ലോണുകള്‍ നല്‍കി വന്നിരുന്നു.</p> <p><strong><br />ടീസര്‍ ലോണ്‍ എന്നാലെന്ത് ? </strong></p> <p>ഒരു പ്രത്യേക കാലയളവില്‍ നല്‍കുന്നതും പിന്‍വലിക്കാനാകുന്നതുമായ 'സ്‌പെഷ്യല്‍' ലോണുകളാണ് ടീസര്‍ ലോണുകള്‍. ആദ്യവര്‍ഷങ്ങളില്‍ കുറഞ്ഞ പലിശനിരക്കായിരിക്കും എന്നതാണ് ലോണിന്റെ പ്രത്യേകത. പിന്നീട് സാധാരണതോതിലുളള പലിശാ നിരക്കിലേക്ക് മാറും.</p> <p>എസ്.ബി.ഐ. ഈസി ഹോം ലോണ്‍, എസ്.ബി.ഐ. എഡ്വന്‍ഡേജ് ഹോം ലോണ്‍ തുടങ്ങി രണ്ടുതരത്തിലുളള ടീസര്‍ ലോണുകളാണ് എസ്.ബി.ഐ. വാഗ്ദാനം ചെയ്തിരുന്നത്. എന്നാല്‍ പിന്നീട് ഇവ പിന്‍വലിക്കുകയായിരുന്നു. ആദ്യത്തെ മൂന്നുവര്‍ഷം വളരെ കുറഞ്ഞ നിരക്കിലുളള പലിശയാണ് ഈ ലോണുകള്‍ക്ക് ഉണ്ടായിരുന്നത്.</p> <p>കര്‍ശനമായ വ്യവസ്ഥകളോടെ മാത്രമേ ടീസര്‍ ലോണുകള്‍ അനുവദിക്കാന്‍ പാടുളളൂവെന്ന് റിസര്‍വ്വ് ബാങ്ക് ഓഫ് ഇന്ത്യ നിര്‍ദേശിച്ചിട്ടുണ്ട്. മറ്റ് വായ്പകള്‍ പോലെ തന്നെ ഏറെ വെല്ലുവിളികളുളളതിനാല്‍ കടുത്ത സൂക്ഷ്മപരിശോധനകള്‍ക്ക് ശേഷം മാത്രമെ ടീസര്‍ ലോണുകളും അനുവദിക്കുകയുളളൂ. കുറച്ചുവര്‍ഷങ്ങള്‍ക്ക് മുമ്പ് എച്ച്.ഡി.എഫ്.സി. ചെയര്‍മാന്‍ ദീപക് പരേഖ് ഇക്കാര്യം ചൂണ്ടിക്കാട്ടിയിരുന്നു.</p> <p><strong>

</strong></p> <p><strong>ടീസര്‍ലോണുകള്‍ നല്ലതോ ? </strong></p> <p>ഓരോരുത്തരും തങ്ങള്‍ക്ക് എളുപ്പത്തില്‍ പണം തിരിച്ചടക്കാനാകുന്ന തരത്തിലുളള ലോണുകള്‍ തിരഞ്ഞെടുക്കുന്നതാണ് അഭികാമ്യം. ഓഫറുകള്‍ക്ക് പിറകെ പോയി കഷ്ടപ്പെടുന്നതിലും ഉത്തമം അതാണ്.</p> <p>കെട്ടിടനിര്‍മ്മാതാക്കള്‍ക്കും മറ്റുമായി ഒട്ടനവധി ടീസര്‍ സ്‌കീമുകള്‍ നിലവിലുണ്ട്. പ്രൊജക്ട് തീരുന്ന മുറയ്ക്ക് പലിശ തിരിച്ചടക്കാനുളള സൗകര്യവും ഇവ മുന്നോട്ടുവയ്ക്കുന്നുണ്ട്.</p> <p>ബാങ്കുകള്‍, ധനകാര്യ സ്ഥാപനങ്ങള്‍, വ്യക്തികള്‍, കെട്ടിടനിര്‍മ്മാതാക്കള്‍ തുടങ്ങി ആരായാലും ടീസര്‍ ഹോം ലോണുകളുടെ കാര്യത്തില്‍ ഓരോരുത്തരും തങ്ങളുടെ പരിമിതികള്‍ സ്വയം തിരിച്ചറിയണം. ഭവനവായ്പകളുടെ കാര്യത്തില്‍ ഏറെ മത്സരങ്ങള്‍ ഇന്ന് നിലനില്‍ക്കുന്നുണ്ട്. അതുകൊണ്ടുതന്നെ വായ്പകള്‍ അനുവദിക്കുന്നതില്‍ ബാങ്കുകളും ധനകാര്യസ്ഥാപനങ്ങളും വൈമുഖ്യം കാട്ടുന്ന സ്ഥിതിയുമുണ്ട്.</p>