2017 യൂണിയന്‍ ബജറ്റില്‍ ചരക്ക് സേവന നികുതി വര്‍ദ്ധിപ്പിക്കാന്‍ സാധ്യത

നോട്ട് നിരോധനത്തിന് ശേഷമുള്ള ആദ്യ ബജറ്റാണ് 2017ലേത്. ആയതിനാല്‍ തന്നെ കഴിഞ്ഞ കേന്ദ്ര ബജറ്റുകളേക്കാള്‍ പ്രധാന്യം ഇത്തവണത്തെ ബജറ്റിനുണ്ട്. ബജറ്റിനായി രാജ്യത്തുടനീളമുള്ള ജനങ്ങള്‍ ജിജ്ഞാസയോടെ കാത്തിരിക്കുകയാണ്. ഓരോരുത്തരേയും നേരിട്ടും അല്ലാതെയും ബാധിക്കുന്ന നിരവധി സാമ്പത്തിക തീരുമാനങ്ങളാണ് വരാനിരിക്കുന്നത്. പല സുപ്രധാന സാമ്പത്തിക തീരുമാനങ്ങള്‍ ഈ ബജറ്റില്‍ ഉള്‍ക്കൊള്ളിക്കുമെന്നാണ് ഗുഡ് റിട്ടേണ്‍സ്  സാമ്പത്തിക വിദഗ്ദ്ധരുടെ അഭിപ്രായം.

ബജറ്റില്‍സേവന നികുതി വര്‍ദ്ധിപ്പിക്കാന്‍ സാധ്യത

കൂട്ടത്തില്‍ പ്രധാനം ഏവരും ഉറ്റുനോക്കുന്ന ചരക്ക് സേവന നികുതിയാണ്. ഇത്തവണത്തെ ബജറ്റില്‍ സേവന നികുതി വര്‍ദ്ധിപ്പിക്കുമെന്നാണ് ഗുഡ് റിട്ടേണ്‍സ് വിദഗ്ദ്ധര്‍ പറയുന്നത്. സേവന നികുതി വര്‍ദ്ധപ്പിക്കാന്‍ സര്‍ക്കാര്‍ ചൂണ്ടിക്കാട്ടുന്ന ശക്തമായ കാരണം നോട്ട് നിരോധനം തന്നെയാവും. നിലവിലെ ചരക്ക് സേവന നികുതിയായ 15 ശതമാനത്തില്‍ നിന്നും 18 ശതമാനം വരെ നികുതി ഉയര്‍ത്താന്‍ സാധ്യതയുണ്ട്. ഈ നിര്‍ദ്ദേസം ജിഎസ്ടിയില്‍ നേരത്തെ ഉള്‍പ്പെടുത്തിയിട്ടുള്ളതാണ്. ജിഎസ്ടി പ്രാബല്യത്തില്‍ വരുന്നതിന് മുന്‍പ് യൂണിയന്‍ ബജറ്റില്‍ നികുതി കൂട്ടുമോയെന്നാണ് വ്യാവസായിക ലോകം ഉറ്റുനോക്കുന്നത്.

ജിഎസ്ടി ഏപ്രില്‍ മുതല്‍ നടപ്പിലാക്കാനായിരുന്നു കേന്ദ്ര സര്‍ക്കാര്‍ നേരത്തെ തീരുമാനിച്ചിരുന്നത്. എന്നാല്‍ ജിഎസ്ടി ഏപ്രിലില്‍ നടപ്പിലാക്കാനാകില്ലെന്നും ജൂലായ് ഒന്നിന് നടപ്പിലാക്കാന്‍ സാധിക്കുമെന്നാണ് പ്രതീക്ഷിക്കുന്നതെന്നും ധനമന്ത്രി അരുണ്‍ ജെയ്റ്റ്ലി ചൊവ്വാഴ്ച്ച നടത്തിയ വാര്‍ത്താസമ്മേളനത്തില്‍ അറിയിച്ചു.