ഉപഭോക്താവിന്റെ മൊബൈല് നമ്പര് ബാങ്കുമായി ലിങ്ക് ചെയ്യുന്നത് എന്തിനാണെന്നു അറിയാമോ? ഏതൊരു പണമിടപാട് നടത്തുമ്പോഴും എസ്എംഎസ് വഴി ഒടിപി നമ്പര് അഥവാ വണ് ടൈം പാസ് വേര്ഡ് ലഭിക്കും. നിങ്ങളുടെ പണമിടപാട് സുരക്ഷിമാക്കാനും വ്യക്തമാക്കാനും വേണ്ടിയാണിത്. മൊബൈല് നമ്പര് ബാങ്കുമായി ലിങ്ക് ചെയ്യുമ്പോള് ഉണ്ടാവുന്ന ഗുണങ്ങള് താഴെ പറയുന്നവയാണ്:-
എല്ലാ പണമിടപാടുകളും എസ്എംഎസ് അലര്ട്ട് വഴി അറിയാന് സാധിക്കുന്നു
ഏത് രീതിയിലുള്ള പണമിടപാട് നടത്തിയാലും, അതായത് ഷോപ്പിംഗ്മസമയത്ത് ഡെബിറ്റ് കാര്ഡ് ഉപയോഗിച്ചാലും എടിഎമ്മില് നിന്ന് പണം എടുത്താലും നിങ്ങളുടെ മൊബൈലില് മെസേജ് വരും. ബാങ്ക് നിങ്ങളുടെ എല്ലാ വിവരങ്ങളും അപ്ഡേറ്റ് ചെയ്യും. കൂടാതെ ഒരോ പേമെന്റ് കഴിയുമ്പോഴുള്ള ബാലന്സ് തുക കൃത്യമായി എസ്എംഎസ് അലര്ട്ട് വഴി അറിയിക്കും
ഓണ്ലൈന് ഇടപാടുകള്
എല്ലാ അംഗീകൃത സൈറ്റുകളിലും നിങ്ങളുടെ മൊബൈല് നമ്പര് നല്കുകയാണങ്കെില് അതില് നിങ്ങള്ക്കെന്തു മാറ്റം വേണമെങ്കിലും ഓണ്ലൈന് വഴി ചെയ്യാന് കഴിയും. ഉദാഹരണത്തിന് ആധാര് കാര്ഡിലെ അഡ്രസ് മാറ്റണമെങ്കില് ഒടിപി വഴി നിങ്ങള്ക്ക് മാറ്റാന് കഴിയും.
ലോണ് റിമൈണ്ടര്
നിങ്ങള്ക്ക് ബാങ്ക് ലോണ് അടക്കേണ്ടതുണ്ടെങ്കില് ആ ദിവസം അതിന്റെ മെസേജ് അലേര്ട്ട് കൃത്യമായി വരും.
ഡെബിറ്റ് കാര്ഡ് നഷ്ടമായാല്
എന്തെങ്കിലും കാരണത്താല് നിങ്ങളുടെ ഡെബിറ്റ് കാര്ഡ് നഷ്ടമായാല് അതില് നിന്ന് നെറ്റ് ബാങ്കിംങിന്റെ പാസ് വേര്ഡ് നഷ്ടമാവാനുള്ള സാധ്യത കൂടുതലാണ.് ആയതിനാല് നിങ്ങള് മൊബൈല് നമ്പര് കൊടുത്തിട്ടുണ്ടെങ്കില് അതില് എന്തു മാറ്റംവരുത്തിയാലും മെസേജ് അലേര്ട്ട് ഉണ്ടാവും. അപ്പോള് ഉടന് തന്നെ നിങ്ങളുടെ കാര്ഡ് ബ്ലോക്ക് ചെയ്യാന് സാധിക്കും.
മൊബൈല് നമ്പര് മാറ്റുമ്പോള്
ഏതെങ്കിലും സാഹചര്യത്തില് നിങ്ങളുടെ മൊബൈല് നമ്പര് മാറ്റുകയാണെങ്കില് നിങ്ങള് അത് തീര്ച്ചയായും ബാങ്കിനെ അറിയിച്ചിരിക്കണം ഇല്ലെങ്കില് പണമിടപാടുകളുമായി ബന്ധപ്പെട്ട വിവരങ്ങള് പഴയ നമ്പറിലേക്കാവും അയയ്ക്കുക. അപ്പോള് നിങ്ങള്ക്ക് ബാങ്കുമായുള്ള പ്രധാനപ്പെട്ട അറിയിപ്പുകള് നഷ്ടമായേക്കും.
പ്രവര്ത്തനരഹിതമായ ബാങ്ക് അക്കൗണ്ട് എങ്ങനെ ആക്ടീവാക്കാം?