എന്തുകൊണ്ട് നിങ്ങള്‍ ലോണിന് അര്‍ഹനല്ല!!മോശമായ ക്രെഡിറ്റ് സ്‌കോര്‍ ആണോ കാരണം?

സിബില്‍ സ്‌കോര്‍ എന്നാല്‍ ഒരു വ്യക്തിയുടെ ക്രെഡിറ്റ് ചരിത്രത്തെ അട്സ്ഥാനമാക്കി ക്രെഡിറ്റ് ബ്യൂറോകള്‍ നിര്‍ണ്ണയിക്കുന്ന സ്‌കോറാണ്. ഇത് 300-900 വരെയുളള മൂന്ന് അക്ക സംഖ്യകളാണ്. സിബില്‍ സ്‌കോര്‍ 700ന് മേലെ ആയാല്‍ വളരെ നല്ലതാണ്. ക്രെഡിറ്റ് സ്‌കോര്‍ അല്ലെങ്കില്‍ സിബില്‍ സ്‌കോര്‍ നല്‍കുന്ന ഒരുപാട് കമ്പനികള്‍ ഇന്ത്യയിലുണ്ട്. അവയില്‍ ഏറ്റവും പ്രചാരമുള്ളത് സിബില്‍ എന്നറിയപ്പെടുന്ന ക്രെഡിറ്റ് ഇന്‍ഫര്‍മേഷന്‍ ബൂറോ ലിമിറ്റഡിനാണ്.

നിങ്ങളുടെ ലോണിന്റെ ഭാവി നിശ്ചയിക്കുന്നത് സിബില്‍ സ്‌കോര്‍

നിങ്ങളുടെ സിബില്‍ സ്‌കോര്‍ മികച്ചതാണെങ്കില്‍ ലോണും ക്രെഡിറ്റ് കാര്‍ഡുമെല്ലാം വളരെ വേഗത്തില്‍ ലഭിക്കും. എന്ത് ബാങ്കിംഗ് ഇടപാട് നടത്തിയാലും അത് സിബില്‍ സ്‌കോറിനെ ബാധിക്കും. സിബില്‍ ഒരിക്കലും നിങ്ങളുടെ നിക്ഷേപങ്ങള്‍ പരിശോധിക്കില്ല. പെയ്‌മെന്റുകളാണ് പരിശോധിക്കുക അതില്‍ നിന്നും ക്രെഡിറ്റ് ഹിസ്റ്ററി സൃഷ്ടിക്കും. നിങ്ങളുടെ ലോണിന്റെ ഭാവി നിശ്ചയിക്കുന്നത് നിങ്ങളുടെ ക്രെഡിറ്റ് സ്‌കോറാണ്. ഒരാള്‍ ലോണിനു അപേക്ഷിക്കുമ്പോള്‍ ബാങ്ക് അവരുടെ സിബില്‍ സ്‌കോര്‍ അവലോകനം ചെയ്യും അതിനുശേഷമേ ലോണ്‍ അനുവദിക്കുള്ളൂ അതുകൊണ്ട് തന്നെ നല്ല സിബില്‍ സ്‌കോര്‍ നിലനിര്‍ത്തേണ്ടത് അത്യാവശ്യമാണ്.

ക്രെഡിറ്റ് സ്‌കോര്‍

300നും 900നും ഇടയിലാണ് ക്രെഡിറ്റ് സ്‌കോര്‍ പരിധി. ക്രെഡിറ്റ് സ്‌കോര്‍ 700 മുകളിലുള്ളവര്‍ക്കാണു സാധാരണ വായ്പ അനുവദിക്കുന്നത്. 750 ആയാല്‍ ഏറെ നല്ലത്. 750നു മുകളിലാണെങ്കില്‍ അപേക്ഷ തള്ളാന്‍ സാധ്യത തീരെ കുറവാണ്. ക്രെഡിറ്റ് എങ്ങനെയാണ് വായ്പക്കാരന്‍ ഉപയോഗിക്കുന്നത്, ഇദ്ദേഹത്തിന് മുന്‍ കുടിശികകള്‍ വല്ലതുമുണ്ടോ, വായ്പ തിരിച്ചടവിനു പിഴവുകള്‍ വരുത്തിയിട്ടുണ്ടോ, ലോണിന് എവിടെയൊക്കെ അപേക്ഷ നല്‍കിയിട്ടുണ്ട്, തുടങ്ങിയവ അടക്കമുള്ള വിവരങ്ങളാണു സിബില്‍സ്‌കോര്‍ തയാറാക്കുന്നതിനു സിബില്‍ പരിശോധിക്കുന്നത്.

 

എങ്ങനെ ക്രെഡിറ്റ് സ്‌കോര്‍ മെച്ചപ്പെടുത്താം

 

• ലേറ്റ് പേമെന്റുകള്‍ ഒഴിവാക്കുക.
• ഇഎംഐ കൃത്യസമയത്ത് അടയ്‌ക്കേണ്ടത് വളരെ പ്രധാനമാണ്. നിലവിലുളള ലോണുകള്‍ കൃത്യസമയത്ത് അടച്ചാല്‍ സിബില്‍ സ്‌കോര്‍ മെച്ചപ്പെടുത്താന്‍ സാധിക്കും.
• ക്രെഡിറ്റ് കാര്‍ഡ് ഉപയോഗിക്കുമ്പോള്‍ സിബില്‍ സ്‌കോര്‍ പരിശോധിച്ച് അതിന്റെ 10 മുതല്‍ 20 ശതമാനം ഉപയോഗിക്കുകയാണ് ഉചിതം.
• നിങ്ങളുടെ ഡെബിറ്റ് എമൗണ്ട് ചെറുതായിരുന്നാല്‍ നിങ്ങളുടെസിബില്‍ സ്‌കോര്‍ മെച്ചപ്പെടുത്താന്‍ സാധിക്കും.