എസ്ബിഐ ഉപഭോക്താക്കൾ ആധാർ ബാങ്ക് അക്കൌണ്ടുമായി ബന്ധിപ്പിക്കേണ്ടത് എങ്ങനെ?

നെറ്റ് ബാങ്കിം​ഗ് വഴി ബന്ധിപ്പിക്കുന്നത് എങ്ങനെ?

ഇന്റർനെറ്റ് ബാങ്കിംഗ് വഴി വളരെ എളുപ്പത്തിൽ നിങ്ങളുടെ ബാങ്ക് അക്കൗണ്ട് ആധാറുമായി ബന്ധിപ്പിക്കാവുന്നതാണ്.

• ഇതിനായി www.onlinesbi.com ൽ ലോഗിൻ ചെയ്യുക.
• സ്ക്രീനിന്റെ ഇടതു വശത്തുള്ള മൈ അക്കൗണ്ട് ലിങ്കിൽ ക്ലിക്ക് ചെയ്യുക. 
• തുറന്ന് വരുന്ന വിൻഡോയിൽ അക്കൗണ്ട് നമ്പറും ആധാർ നമ്പറും നൽകുക. അതിന് ശേഷം സബ്മിറ്റ് ബട്ടണിൽ ക്ലിക്ക് ചെയ്യുക.
• തുടർന്ന് രജിസ്റ്റർ ചെയ്ത മൊബൈൽ നമ്പറിന്റെ അവസാന 2 അക്കങ്ങൾ ഉപഭോക്താവിന് ദൃശ്യമാകും.



എടിഎം വഴി ബന്ധിപ്പിക്കുന്നത് എങ്ങനെ?

എടിഎമ്മിലൂടെ ബാങ്ക് അക്കൌണ്ട് ആധാറുമായി ബന്ധിപ്പിക്കേണ്ടത് താഴെ പറയുന്ന രീതിയിലാണ്.


• ഏതെങ്കിലും എസ്ബിഐ എടിഎമ്മിലെത്തി എടിഎം കാർഡ് സ്വൈപ്പ് ചെയ്ത് പിൻ നമ്പ‌‍‍ർ നൽകുക. 
• 'സ‍ർവ്വീസ് രജിസ്ട്രേഷൻ' എന്ന മെനു തിരഞ്ഞെടുക്കുക.
• തുട‍ർന്ന് ആധാർ രജിസ്ട്രേഷൻ തിരഞ്ഞെടുക്കുക.
• നിങ്ങളുടെ അക്കൗണ്ട് ഏത് തരമാണെന്ന് നൽകിയ ശേഷം ആധാർ നമ്പ‍ർ നൽകുക.



എസ്എംഎസ് വഴി ബന്ധിപ്പിക്കുന്നത് എങ്ങനെ?

ആധാറും ബാങ്ക് അക്കൗണ്ടും തമ്മിൽ ബന്ധിപ്പിക്കുന്നതിനുള്ള മറ്റൊരു എളുപ്പ മാ‍ർ​ഗമാണ് എസ്എംഎസ്.


• ഇതിനായി ആദ്യം, നിങ്ങളുടെ മൊബൈൽ നമ്പർ എസ്ബിഐയിൽ രജിസ്റ്റർ ചെയതിട്ടുണ്ടോയെന്ന് ഉറപ്പുവരുത്തുക. 
• ഇനിപ്പറയുന്ന ഫോർമാറ്റിൽ 567676 എന്ന നമ്പറിലേക്ക് SMS അയയ്ക്കുക. UID(space)Aadhaar number(space)Account number. 
• തുടർന്ന് നിങ്ങളുടെ മൊബൈലിലേയ്ക്ക് ഒരു സ്ഥിരീകരണ എസ്എംഎസ് ലഭിക്കും. ഇല്ലെങ്കിൽ ആധാറുമായി ബാങ്ക് ശാഖയിൽ നേരിട്ട് എത്താൻ എസ്എംഎസ് വഴി ആവശ്യപ്പെടും.



ബാങ്ക് ശാഖ വഴി ബന്ധിപ്പിക്കുന്നത് എങ്ങനെ?

• നിങ്ങളുടെ ആധാർ കാ‍‍ർഡിന്റെ പക‍ർപ്പ് അല്ലെങ്കിൽ ഇ-ആധാറുമായി ഏതെങ്കിലും എസ്ബിഐ ശാഖയിൽ പോകുക. 
• ഒപ്പം ബാങ്ക് അക്കൗണ്ട് ആധാറുമായി ബന്ധിപ്പിക്കുന്നതിനുള്ള ഒരു അപേക്ഷയും നൽകണം. 
• ആവശ്യമായ പരിശോധനകൾക്ക് ശേഷം ഇവ ബന്ധിപ്പിക്കുന്നതായിരിക്കും. 
• ബന്ധിപ്പിക്കലിന് ശേഷം രജിസ്റ്റർ ചെയ്ത മൊബൈൽ നമ്പറിലേക്ക് നിങ്ങൾക്ക് സ്ഥിരീകരണ എസ്എംഎസ് ലഭിക്കും.