നികുതി ലാഭിക്കാം കുടുംബാം​ഗങ്ങളിലൂടെ; സംഗതി വളരെ സിമ്പിളാണ്

അത്ഭുതപ്പെടേണ്ട, കുടുംബാംഗങ്ങൾ വഴിയും നിങ്ങൾക്ക് നികുതി ലാഭിക്കാം. മാതാപിതാക്കൾ, ഭാര്യ, പ്രായപൂർത്തിയായ മക്കൾ എന്നിവർ വഴി ഈസിയായി നികുതി ലാഭിക്കാവുന്നതാണ്.

മാതാപിതാക്കളിലൂടെ നികുതി ലാഭിക്കാം

മാതാപിതാക്കളിലൂടെയും ഭാര്യയുടെ മാതാപിതാക്കളിലൂടെയും നിങ്ങൾക്ക് നികുതി നിങ്ങൾക്ക് ലാഭിക്കാവുന്നതാണ്. ഇതിനായി നിങ്ങളുടെ സമ്പാദ്യത്തിന്റെ ഒരു ഭാഗം ഗിഫ്റ്റ് ആയോ കടമായോ അവർക്ക് കൈമാറാം. ഇത്തരത്തിൽ കൈമാറ്റം ചെയ്യുന്ന തുക വഴി നിങ്ങൾക്ക് നികുതി ലാഭിക്കാവുന്നതാണ്.

സീനിയർ സിറ്റിസൺസ്

നിങ്ങളുടെ മാതാപിതാക്കൾ സീനിയർ സിറ്റിസൺസ് ആണെങ്കിൽ നികുതി ഇളവുകൾ ലഭിക്കുന്നതാണ്. 3 ലക്ഷം രൂപ വരെയുള്ള വരുമാനത്തിന് നികുതി നൽകേണ്ട ആവശ്യമില്ല. കൂടാതെ സീനിയർ സിറ്റിസൺസിന്റെ നിക്ഷേപ പദ്ധതികൾ വഴി കൂടുതൽ പലിശയും നേടാവുന്നതാണ്.

മക്കളുടെ അക്കൌണ്ട്

1998 ഒക്ടോബർ ഒന്നിന് ശേഷം ഗിഫ്റ്റ് ടാക്സുമായി ബന്ധപ്പെട്ട വ്യവസ്ഥകൾ ഇല്ലാതായി. ഗിഫ്റ്റ് ടാക്സ് ഇല്ലാതെ തന്നെ ഇപ്പോൾ മക്കളുടെ അക്കൌണ്ടിൽ മാതാപിതാക്കൾക്ക് പണം നിക്ഷേപിക്കാവുന്നതാണ്. കൂടാതെ നികുതി നിയമപരമായി കുറയ്ക്കുന്നതിന് നിങ്ങളുടെ പ്രായപൂർത്തിയായ മക്കൾക്ക് പണം പലിശരഹിത വായ്പയായും നൽകാം.

ഭാര്യാ ഭർത്താക്കന്മാർ

വിവാഹിതരായ നികുതി ദായകർക്ക് ആദായ നികുതിയിൽ നിന്ന് സംരക്ഷണം ലഭിക്കുന്നതിനായി രണ്ടു സ്വതന്ത്ര ഇൻകം ടാക്സ് റിട്ടേണുകൾ ഫയൽ ചെയ്യാവുന്നതാണ്. ഇത് നികുതി ലാഭിക്കാൻ നിങ്ങളെ സഹായിക്കും.

malayalam.goodreturns.in