ആദായ നികുതി റീഫണ്ട് പരിശോധിക്കാം

2017-18 സാമ്പത്തിക വർഷത്തെ ആദായനികുതി ഫയൽ ചെയ്ത നിങ്ങൾ റീഫണ്ടിനായി കാത്തിരിക്കുകയാണോ? നിങ്ങളുടെ യഥാർഥ നികുതിയേക്കാൾ കൂടുതൽ തുക നിങ്ങൾ അടച്ചിട്ടുണ്ടെങ്കിൽ ആദായ നികുതി അധികൃതരുടെ പരിശോധന കഴിഞ്ഞാൽ നിങ്ങൾക്കു പണം റീഫണ്ടായി ലഭിക്കുന്നതാണ്.

റീഫണ്ട് സ്റ്റാറ്റസ് എങ്ങനെ പരിശോധിക്കാം

നിങ്ങൾ ക്ലെയിം ചെയ്ത റീഫണ്ടിനെ ട്രാക്ക് ചെയ്യുക എന്നത് ബുദ്ധിമുട്ടുള്ള കാര്യമല്ല.അത് വളരെ ലളിതമായി ചെയ്യാവുന്നതാണ്.

റീഫണ്ട് സ്റ്റാറ്റസ് പരിശോധിക്കുന്നതിനുള്ള നടപടിക്രമം

നിങ്ങളുടെ യഥാർഥ നികുതിയേക്കാൾ കൂടുതലായ തുക നിങ്ങൾ അടച്ചോ എന്ന കാര്യം നികുതി വകുപ്പ് പരിശോധിച്ചു കഴിഞ്ഞാൽ അധികൃതരിൽ നിന്നും നിങ്ങൾക്കു ഇൻകം ടാക്സ് ആക്ടായ 143 (1) മായി ബന്ധപ്പെട്ട ,ഇ-മെയിലും എസ. എം. എസ്സും വരുന്നതാണ് .സന്ദേശത്തിൽ റീഫണ്ട് തുകയും സീക്വൻസ് നമ്പറും അറിയിക്കുന്നതാണ്.

ആദായ നികുതി റീഫണ്ട് നിങ്ങൾക്കു രണ്ടു തരത്തിൽ പരിശോധിക്കാവുന്നതാണ്.

ഇൻകം ടാക്സ് ഇ-ഫയലിംഗ് പോർട്ടലിൽ:

1.ആദായനികുതി ഇ-ഫൈലിംഗ് വെബ്സൈറ്റ് സന്ദർശിക്കുക

2.പാൻ നമ്പർ,പാസ്വേർഡ്, ജനന തീയതി, കാപ്ച കോഡ് എന്നിവ നൽകിക്കൊണ്ട് നിങ്ങളുടെ ഇ-ഫൈലിംഗ് അക്കൗണ്ട് ലോഗിൻ ചെയ്യുക.

3.റിട്ടേൺസ്/ഫോമുകൾ' ക്ലിക്ക് ചെയ്യുക.

4.ഡ്രോപ്പ് ഡൌൺ മെനുവിൽ നിന്ന് ഇൻകം ടാക്സ് റിട്ടേൺസ് ലിങ്ക് തിരഞ്ഞെടുത്തതിന് ശേഷം നിങ്ങൾ റീഫണ്ട് സ്റ്റാറ്റസ് പരിശോധിക്കാൻ ഉദ്ദേശിക്കുന്ന വർഷം തിരഞ്ഞെടുക്കുക.

5.ഹൈപ്പർലിങ്കിൽ, നിന്നും ഐ.ടി. ആർ. അക്നോളഡ്ജ്മെന്റ് നമ്പർ തിരഞ്ഞെടുക്കുക

6 അതിനുശേഷം നിങ്ങൾക്കു പോപ്പ്-അപ്പ് നോട്ടിഫിക്കേഷൻ ലഭിക്കുന്നതാണ്.ഐ.ടി.ആർ ഫയൽ ചെയ്ത സമയം മുതലുള്ള എല്ലാ വസ്തുതകളെയും വിശദമായി നിങ്ങൾക്കു പരിശോധിക്കാം,റീഫണ്ട് ഇഷ്യൂ ചെയ്യുന്ന തീയതിയും വെബ്സൈറ്റ് വഴി അറിയാൻ സാധിക്കും

7.കൂടാതെ,റീഫണ്ട് കാൻസൽ ചെയ്തെങ്കിൽ അതിനെ കുറിച്ചുള്ള വിശദാംശങ്ങൾ,റീഫണ്ട് തുക ലഭിക്കുക ഏതു വഴിയാണ് തുടങ്ങിയ വിവരങ്ങളും നിങ്ങൾക്കു മനസിലാക്കാം

 

എൻ.എസ്.ഡി.എൽ. അല്ലെങ്കിൽ ടി.ഐ.എൻ. വെബ്സൈറ്റിൽ:

ഭൂരിഭാഗം കേസുകളിലും,ആദായ നികുതി വകുപ്പ് നിങ്ങളുടെ ബാങ്ക് അക്കൗണ്ടിലേക്കു റീഫണ്ട് തുക ട്രാൻസ്ഫർ ചെയ്തതിനു ശേഷം പത്തു ദിവസത്തിനുള്ളിൽ റീഫണ്ട് സ്റ്റാറ്റസ് വെബ്സൈറ്റിൽ ഹൈലൈറ്റ് ചെയ്യപ്പെടും.

ഈ വെബ്‌സൈറ്റിൽ നിങ്ങൾ റീഫണ്ട് സ്റ്റാറ്റസ് പരിശോധിക്കാനായി ഇൻകം ടാക്സിന്റെ ലിങ്കിൽ പോകേണ്ടതുണ്ട്.

പാൻ നമ്പർ,സ്റ്റാറ്റസ് പരിശോധിക്കേണ്ട വർഷം എന്നീ വിവരങ്ങൾ നൽകണം