കുട്ടികൾക്കായി എസ്ബിഐ അക്കൌണ്ടുകൾ : പലിശ നിരക്കും ആനുകൂല്യങ്ങളും മറ്റ് വിശദാംശങ്ങളും

രാജ്യത്തെ ഏറ്റവും വലിയ പൊതുമേഖലാ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ)കുട്ടികൾക്കായി പെഹ്ല കദം , പെഹ്ലി ഉഡാൻ എന്ന പേരിൽ സേവിംഗ്സ് അക്കൗണ്ടുകൾ നൽകുന്നു. കഴിഞ്ഞ ശിശുദിനത്തിൽ കുട്ടികൾക്കായി 'പെഹ്‌ലാ കദം', 'പെഹ്‌ലി ഉഡാൻ' എന്നിങ്ങനെ രണ്ട് സേവിങ്‌സ് അക്കൗണ്ടുകളാണ് എസ്.ബി.ഐ. ആരംഭിച്ചിട്ടുള്ളത്. 18 വയസ്സിൽ താഴെയുള്ളവർക്കു മാത്രമായുള്ള ഇവ സീറോ ബാലൻസ് അക്കൗണ്ടുകളാണ്.

ഇതിൽ 10 വയസ്സിന് താഴെയുള്ള കുട്ടികൾക്കായാണ് പെഹ്‌ലാ കദം. ഒരേപോലെ ഒപ്പിടാൻ കഴിയുന്ന 10 വയസ്സും അതിന്‌ മുകളിലേക്കുമുള്ള കുട്ടികൾക്കാണ് പെഹ്‌ലി ഉഡാൻ അക്കൗണ്ട്. രണ്ട് അക്കൗണ്ടുകളിൽ ഉപഭോക്താക്കൾ മാസം തോറും മാനേജ്മെന്റ് ശരാശരി ബാലൻസ് (എം.എ.ബി) നിലനിർത്തേണ്ട ആവശ്യമില്ല. മറ്റൊരു വിധത്തിൽ പറഞ്ഞാൽ, ഈ ബാങ്ക് അക്കൗണ്ടുകൾ പൂജ്യം ബാലൻസ് ഉപയോഗിച്ച് പ്രവർത്തിപ്പിക്കാം. എന്നിരുന്നാലും, ഈ അക്കൌണ്ടുകളിലെ പരമാവധി ബാലൻസ്, Rs. 10 ലക്ഷത്തിൽ കവിയരുത്.

സമ്പാദ്യ ശീലം

ബാങ്കിന്റെ മൈക്രോബ്ലോഗിംഗ് ട്വിറ്റർ അക്കൗണ്ടിൽ പറയുന്നത് , പെഹ്ല കദം, പെഹ്ലി ഉഡാനിലൂടെ നിങ്ങളുടെ കുട്ടികളെ ആധുനികകാല ബാങ്കിംഗ് പരിചയപ്പെടുത്താനും ,ഉത്തരവാദിത്തത്തോടെ പണം ചിലവാക്കാനും സമ്പാദ്യ ശീലം വളർത്താനും പഠിപ്പിക്കാനുമാണ്" വിവിധ സവിശേഷതകൾ ഉള്ള ഈ അക്കൗണ്ട് നിങ്ങളുടെ കുഞ്ഞിന്റെ സാമ്പത്തിക ഭാവിക്ക് ഉപകാരപ്പെടും എന്നും മൈക്രോബ്ലോഗിൽ പറയുന്നു .

പെഹ്ല കദം , പെഹ്ല ഉഡാൻ എന്നത് രണ്ട് വ്യത്യസ്ത അക്കൗണ്ടുകളാണു. ഇവ രണ്ടും ഒരു കുട്ടിക്ക് വേണ്ടി മാതാപിതാക്കൾക്കു അല്ലെങ്കിൽ രക്ഷകർത്താവിനു കുട്ടിയുമായി ചേർന്ന് തുറക്കാൻ കഴിയും. സ്വന്തമായി ഒപ്പു രേഖപ്പെടുത്താൻ കഴിയുന്ന പത്തു വയസ്സ് പൂർത്തിയായ ഏതൊരു കുട്ടിക്കും എസ് ബി ഐ യിൽ സീറോ ബാലൻസ് അക്കൗണ്ട് തുറക്കാം.

 

ഇടപാട് തുക

ഒരു ദിവസത്തിൽ ഈ അക്കൗണ്ടുകൾക്കു പരമാവധി നടത്താവുന്ന ഇടപാടു തുക 5000 രൂപയാണ്. അക്കൗണ്ട് ഹോൾഡർക്കു ഇന്റർനെറ്റ് ബാങ്കിങ്/മൊബൈൽ ബാങ്കിങ് സൗകര്യം ഉണ്ടെങ്കിൽ ഈ തുക 2000 ആണ്.

എ.ടി.എമ്മും ഡെബിറ്റ് കാർഡും

മൈനർ അക്കൗണ്ട് ഉള്ള കുട്ടിക്ക് എ ടി എം കം ഡെബിറ്റ് കാർഡ് നൽകുന്നതാണ്. കുട്ടിയുടെ ഫോട്ടോ അതിൽ ചേർക്കുന്നതാണ്.

 

ഇന്റർനെറ്റ് ബാങ്കിങ്

അക്കൗണ്ട് ഉടമകൾക്ക് മൊബൈൽ ബാങ്കിങ്ങും ഇന്റർനെറ്റ് ബാങ്കിങ്ങും ലഭ്യമാണെങ്കിലും ബാങ്ക് നിഷ്കർഷിക്കുന്ന ഇടപാടുകളേ നടത്താൻ സാധിക്കുകയുള്ളൂ. ഇന്റർനെറ്റ് ബാങ്കിങ് വഴിയാണെങ്കിൽ ഒരു ദിവസം 5,000 രൂപയുടെയും മൊബൈൽ ബാങ്കിങ് വഴി പരമാവധി 2,000 രൂപയുടെയും ഇടപാടുകൾ നടത്താം. കൂടാതെ, 10 ലീഫ് ഉള്ള ചെക്ക് ബുക്കും ലഭിക്കുന്നതാണ്. അക്കൗണ്ട് നമ്പർ മാറാതെതന്നെ എസ്.ബി.ഐ.യുടെ ഏത് ശാഖയിലേക്കും അക്കൗണ്ട് മാറ്റാൻ അവസരമുണ്ട്.