നിങ്ങളുടെ എടിഎം കാർഡ് എസ്ബിഐയുടേതാണോ? എങ്കിൽ ഇനി മുതൽ 50000 രൂപയിൽ കൂടുതൽ വരെ എടിഎം വഴി പിൻവലിക്കാവുന്നതാണ്. എന്നാൽ നിങ്ങളുടെ കൈയിലുള്ള എടിഎം കാർഡ് ഏതാണ് എന്നതിന് അനുസരിച്ചാണ് പിൻവലിക്കാവുന്ന പരമാവധി തുക വ്യത്യാസപ്പെടുന്നത്.
ക്ലാസിക് ഡെബിറ്റ് കാർഡ് കൈവശമുള്ളവർക്ക് പ്രതിദിനം 40,000 രൂപ വരെ എടിഎമ്മിൽ നിന്ന് പിൻവലിക്കാം. എന്നാൽ ഉയർന്ന മൂല്യമുള്ള മറ്റ് കാർഡുകൾ വഴി പ്രതിദിനം ഒരു ലക്ഷം രൂപ വരെ പിൻവലിക്കാനാകും. എസ്ബിഐയുടെ നിലവിലുള്ള വിവിധ തരം ഡെബിറ്റ് കാർഡുകളും അവയുടെ സർവ്വീസ് ചാർജും എത്രയെന്ന് പരിശോധിക്കാം.
ഡെബിറ്റ് കാർഡുകൾ
താഴെ പറയുന്നവയാണ് എസ്ബിഐയുടെ നിലവിലുള്ള പ്രധാന ഡെബിറ്റ് കാർഡുകൾ.
- എസ്ബിഐ ക്ലാസിക് ഡെബിറ്റ് കാർഡ്
- സ്റ്റേറ്റ് ബാങ്ക് എ ടി എം-കം-ഡെബിറ്റ് കാർഡ്
- എസ്ബിഐ ഗ്ലോബൽ ഇന്റർനാഷണൽ ഡെബിറ്റ് കാർഡ്
- എസ്ബിഐ ഗോൾഡ് ഇന്റർനാഷണൽ ഡെബിറ്റ് കാർഡ്.
എടിഎം വഴി ലഭിക്കുന്ന സേവനങ്ങൾ
എടിഎമ്മിലൂടെ എസ്ബിഐ ഉപഭോക്താക്കൾക്ക് നിരവധി സേവനങ്ങൾ ലഭിക്കുന്നുണ്ട്. താഴെ പറയുന്നവയാണ് അവയിൽ ചില സേവനങ്ങൾ.
- പണം പിൻവലിക്കൽ
- പിൻ നമ്പർ മാറ്റൽ
- ബാലൻസ് പരിശോധന
- മിനി സ്റ്റേറ്റ്മെൻറ് എടുക്കൽ
- ചെക്ക് ബുക്കിന് അപേക്ഷിക്കൽ
- യൂട്ടിലിറ്റി ബിൽ പേയ്മെന്റ്
സർവ്വീസ് ചാർജ്
എ.ടി.എമ്മുകളുടെ വിവിധ ഉപയോഗത്തിന് ബാങ്ക് സർവ്വീസ് ചാർജ് നിങ്ങളിൽ നിന്ന് ഈടാക്കുന്നുണ്ട്. ഫ്രീ ഈടപാടുകൾക്ക് ശേഷമുള്ള ഓരോ എടിഎം ഉപയോഗത്തിനും ബാങ്ക് സർവ്വീസ് ചാർജ് ഈടാക്കും. ഇതിനുപുറമേ, എ.ടി.എം കാർഡ് കൈവശം വയ്ക്കുന്നവരിൽ നിന്ന് വാർഷിക മെയിന്റനൻസ് ഫീസും എസ്ബിഐ ഈടാക്കുന്നുണ്ട്.
വിവിധ എടിഎം/ ഡെബിറ്റ് കാർഡും സർവ്വീസ് ചാർജും
എസ്ബിഐയുടെ വിവിധ എടിഎം കാർഡുകളും അവയുടെ സർവ്വീസ് ചാർജും താഴെ കൊടുക്കുന്നു.
- നോർമൽ (ക്ലാസിക്/ഗ്ലോബൽ) കാർഡ് - സൗജന്യം
- ഗോൾഡ് ഡെബിറ്റ് കാർഡ് - 100 രൂപ (നികുതി ഉൾപ്പെടെ)
- പ്ലാറ്റിനം ഡെബിറ്റ് കാർഡ് - 306 രൂപ (നികുതി ഉൾപ്പെടെ)
- ക്ലാസിക് ഡെബിറ്റ് കാർഡ് - 100 രൂപ + നികുതി
- സിൽവർ/ഗ്ലോബൽ/യുവ/ഗോൾഡ് ഡെബിറ്റ് കാർഡ് - 150 രൂപ + നികുതി
- പ്ലാറ്റിനം ഡെബിറ്റ് കാർഡ് - 200 രൂപ + നികുതി
- പ്രൈഡ്/പ്രീമിയം ബിസിനസ് ഡെബിറ്റ് കാർഡ് - 300 + നികുതി
malayalam.goodreturns.in