എല്ലാ തരത്തിലുള്ള പണമിടപാടുകളും ഓൺലൈനിൽ നടക്കുന്ന കാലമാണ് ഇന്ന്. സാങ്കേതിക പുരോഗതി ബാങ്കിംഗ് ഇടപാടുകൾ കൂടുതൽ സൗകര്യപ്രദമാക്കിയിട്ടുണ്ടെങ്കിലും തട്ടിപ്പുകാർക്ക് പണം തട്ടാൻ ഏറ്റവും മികച്ച മാർഗം കൂടിയാണിത്. അതുകൊണ്ട് നിങ്ങളുടെ എസ്ബിഐ അക്കൗണ്ടിൽ ഏതെങ്കിലും തരത്തിലുള്ള അനധികൃത ഇടപാടുകൾ നടന്നാൻ ഉടൻ ചെയ്യേണ്ട കാര്യങ്ങൾ ഇവയാണ്.
കോൾ
നിങ്ങളുടെ എടിഎം കാർഡ് നഷ്ട്ടപ്പെടുകയോ മറ്റ് ഏതെങ്കിലും തരത്തിലുള്ള അനധികൃത ഇടപാടുകൾ നിങ്ങളുടെ അക്കൗണ്ടിൽ നടക്കുകയോ ചെയ്താൽ ഉടൻ എസ്ബിഐയുടെ താഴെ പറയുന്ന ടോൾ ഫ്രീ നമ്പറുകളിൽ ഉടൻ ബന്ധപ്പെടുക.
- 1-800-425-3800
- 1-800-11-2211
ഓൺലൈൻ
ഓൺലൈനായും നിങ്ങൾക്ക് പരാതി രജിസ്റ്റർ ചെയ്യാവുന്നതാണ്. അതിനായുള്ള നടപടിക്രമങ്ങൾ ചുവടെ ചേർക്കുന്നു.
സ്റ്റെപ് 1
- എസ്ബിഐ വെബ്സൈറ്റ് സന്ദർശിച്ച് കംപ്ലൈന്റ്സ് ആൻഡ് കോംപ്ലിമെന്റ് എന്ന ഓപ്ഷനിൽ ക്ലിക്ക് ചെയ്യുക
- അതിനുശേഷം രജിസ്റ്റർ കംപ്ലെയ്ന്റ് എന്ന സ്ഥലത്ത് ക്ലിക്ക് ചെയ്യുക
- തുടർന്ന് ഉപഭോക്തൃ പരാതി ഫോമിലേക്ക് റീ ഡയറക്ട് ചെയ്യപ്പെടും
സ്റ്റെപ് 2
ഉപഭോക്തൃ പരാതി ഫോമിൽ താഴെ പറയുന്ന കാര്യങ്ങൾ പൂരിപ്പിക്കുക
- അക്കൗണ്ട് നമ്പർ
- പേര്
- ബ്രാഞ്ച് കോഡ്
- മൊബൈൽ നമ്പർ
- കസ്റ്റമർ ടൈപ്പ്
- ഇ-മെയിൽ ഐഡി
- 500 വാക്കിൽ കവിയാതെ പരാതി എന്നിവ വിവരിക്കുക
സ്റ്റെപ് 3
- കാപ്ച കോഡ് നൽകുക
- സബ്മിറ്റ് ബട്ടണിൽ ക്ലിക്ക് ചെയ്യുക
- തുടർന്ന് കംപ്ലൈറ്റ് സ്റ്റാറ്റസ് പരിശോധിക്കാവുന്നതാണ്
ഉപഭോക്താവ് ഉത്തരവാദിയാകുന്നത് എപ്പോൾ?
ഉപഭോക്താവ് അവരുടെ പാസ്വേഡ് പോലുള്ള വിവരങ്ങൾ മറ്റ് ആരോടെങ്കിലുമായി പങ്ക് വച്ചാണ് അനധികൃത ഇടപാട് നടത്തുന്നതെങ്കിൽ പണം നഷ്ട്ടപ്പെടുന്നതിന് ബാങ്ക് ഉത്തരവാദിയല്ല. എന്നാൽ ബാങ്കിൽ പരാതിപ്പെട്ടതിന് ശേഷവും തട്ടിപ്പ് നടന്നാൽ ബാങ്ക് ഉത്തരവാദിത്തം ഏറ്റെടുക്കേണ്ടി വരും.
malayalam.goodreturns.in