ആധാർ കാർ‍ഡ് എസ്ബിഐ ബാങ്ക് അക്കൗണ്ടുമായി ബന്ധിപ്പിക്കുന്നത് എങ്ങനെ?

നിങ്ങളുടെ ആധാർ കാർഡ് എസ്‌ബി‌ഐ ബാങ്ക് അക്കൗണ്ടുമായി ബന്ധിപ്പിച്ചിട്ടുണ്ടോ? ബാങ്ക് അക്കൗണ്ടുമായി ആധാർ കാർഡ് ബന്ധിപ്പിക്കാൻ ഒരു നിർബന്ധവുമില്ല, പക്ഷേ, സർക്കാർ സഹായത്തോടെയുള്ള സബ്സിഡികൾ നേടുന്നതിനും മറ്റ് നിരവധി സംസ്ഥാന പരിപാടികളുടെ പ്രയോജനം നേടുന്നതിനും ആധാർ നിർബന്ധമാണ്. അഞ്ച് മാർ​ഗങ്ങളിലൂടെ ആധാർ കാർഡ് ലിങ്കുചെയ്യാൻ സ്റ്റേറ്റ് ബാങ്ക് ഓഫ് ഇന്ത്യ (എസ്‌ബി‌ഐ) ഉപയോക്താക്കളെ അനുവദിക്കുന്നു. അവ എന്തൊക്കെയാണെന്ന് പരിശോധിക്കാം.

എസ്‌ബി‌ഐ കോർപ്പറേറ്റ് വെബ്‌സൈറ്റ്

എസ്‌ബി‌ഐ കോർപ്പറേറ്റ് വെബ്‌സൈറ്റായ www.sbi.co.in ന്റെ ഹോം‌ പേജിൽ നൽകിയിരിക്കുന്ന ‘Link your AADHAAR Number with your bank account' എന്ന ഓപ്ഷനിൽ ഉപയോക്താക്കൾക്ക് ക്ലിക്കു ചെയ്യാം. ഉപയോക്താവിന്റെ രജിസ്റ്റർ ചെയ്ത മൊബൈൽ നമ്പറിൽ എസ്‌ബി‌ഐ അക്കൗണ്ടുമായി ലിങ്കുചെയ്യുന്ന ആധാറിന്റെ സ്റ്റാറ്റസ് ബാങ്ക് ഉപഭോക്താക്കളെ അറിയിക്കും.

എസ്‌ബി‌ഐ നെറ്റ് ബാങ്കിംഗ് പോർട്ടൽ

എസ്‌ബി‌ഐ നെറ്റ് ബാങ്കിംഗ് പോർട്ടലായ www.onlinesbi.com തുറന്നതിന് ശേഷം സ്‌ക്രീനിന്റെ ഇടത് പാനലിൽ ദൃശ്യമാകുന്ന ‘My Accounts' എന്നതിന് കീഴിലുള്ള ‘Link your Aadhaar number' എന്നതിൽ ക്ലിക്ക് ചെയ്യുക. ഇതിനു ശേഷം, അക്കൗണ്ട് നമ്പർ തിരഞ്ഞെടുത്ത് ആധാർ നമ്പർ നൽകി സബ്മിറ്റ് ബട്ടണിൽ ക്ലിക്കു ചെയ്യുക.

എസ്‌ബി‌ഐ എനിവെയർ ആപ്ലിക്കേഷൻ

എസ്‌ബി‌ഐ എനിവെയർ ആപ്ലിക്കേഷനിൽ പ്രവേശിച്ച ശേഷം, ‘Requests' --> ‘Aadhaar' --> ‘Aadhaar linking' എന്നിവ തിരഞ്ഞെടുക്കുക. ഡ്രോപ്പ്-ഡൗൺ ലിസ്റ്റിൽ നിന്ന് CIF തിരഞ്ഞെടുത്ത് നിങ്ങളുടെ ആധാർ നമ്പർ നൽകുക. സബ്മിറ്റ് ബട്ടണിൽ ക്ലിക്ക് ചെയ്യുക.

എസ്‌ബി‌ഐ എ‌ടി‌എം

ഒരു എസ്‌ബി‌ഐ എ‌ടി‌എമ്മിൽ‌ കയറി എസ്‌ബി‌ഐ എ‌ടി‌എം-കം-ഡെബിറ്റ് കാർഡ് സ്വൈപ്പുചെയ്‌ത് PIN നൽകുക. തുടർന്ന് ‘Service -- Registrations'ൽ നിന്ന് Aadhaar Registration തിരഞ്ഞെടുക്കുക. അക്കൗണ്ട് തരം തിരഞ്ഞെടുക്കുക. ആധാർ നമ്പർ നൽകി സബ്മിറ്റ് ചെയ്യുക.

എസ്‌ബി‌ഐ ബ്രാഞ്ച്

മേൽപ്പറഞ്ഞ ഏതെങ്കിലും രീതികളിലൂടെ എസ്‌ബി‌ഐ അക്കൗണ്ടുമായി ആധാർ കാർഡ് ലിങ്കുചെയ്യാൻ കഴിയാത്ത ഉപയോക്താക്കൾക്ക് ബാങ്ക് ബ്രാഞ്ച് സന്ദർശിച്ച് ചെയ്യാൻ കഴിയും. എസ്‌ബി‌ഐ അക്കൗണ്ടുമായി ആധാർ കാർഡ് ലിങ്കുചെയ്യുന്നതിനുള്ള ‘അഭ്യർത്ഥന കത്ത്' പൂരിപ്പിച്ച് ആധാർ കാർഡിന്റെ പകർപ്പിനൊപ്പം ഫോം സമർപ്പിക്കുക. ബ്രാഞ്ച് ഇത് പരിശോധിച്ചതിന് ശേഷം എസ്‌ബി‌ഐ അക്കൗണ്ട് ആധാർ കാർഡുമായി ബന്ധിപ്പിക്കും. ബാങ്ക് രേഖകളിൽ രജിസ്റ്റർ ചെയ്തിട്ടുള്ള ഒരു മൊബൈൽ നമ്പറിൽ ഉപയോക്താക്കളെ SMS വഴി അറിയിക്കുകയും ചെയ്യും.

malayalam.goodreturns.in