ആധാർ കാർഡിലെ ഈ വിവരങ്ങൾ അപ്‍ഡേറ്റ് ചെയ്യണോ? ഇനി രേഖകൾ ആവശ്യമില്ല

രേഖകളൊന്നും സമർപ്പിക്കാതെ തന്നെ ഇനി നിങ്ങളുടെ ഏറ്റവും പുതിയ ഫോട്ടോ ആധാർ കാർഡിൽ അപ്‌ഡേറ്റ് ചെയ്യാൻ കഴിയും. ഫോട്ടോ മാത്രമല്ല, ബയോമെട്രിക്സ്, മൊബൈൽ നമ്പർ, ഇമെയിൽ ഐഡി തുടങ്ങിയ വിശദാംശങ്ങളും ഒരു രേഖകളും സമർപ്പിക്കാതെ തന്നെ അപ്ഡേറ്റ് ചെയ്യാനാകും. നിങ്ങളുടെ ആധാർ കാർഡുമായി ഒരു ആധാർ കേന്ദ്രത്തിലെത്തിയാൽ മാത്രം മതി.

യുഐ‌ഡി‌എഐയുടെ നോട്ടീസ്

ആധാർ കാർഡ് ഉടമകളുടെ സ്വകാര്യ വിവരങ്ങൾ അപ്‌ഡേറ്റ് ചെയ്യുന്നതിന് രേഖകളൊന്നും ആവശ്യമില്ലെന്ന് യൂണിക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ പുറത്തിറക്കിയ നോട്ടീസിലാണ് അറിയിച്ചിരിക്കുന്നത്. ഫോട്ടോ, ബയോമെട്രിക്സ്, മൊബൈൽ നമ്പർ അല്ലെങ്കിൽ ഇമെയിൽ ഐഡി പോലുള്ള വിശദാംശങ്ങൾ അപ്‌ഡേറ്റ് ചെയ്യാൻ ആഗ്രഹിക്കുന്ന ആധാർ കാർഡ് ഉപഭോക്താക്കൾ ആധാർ സേവാ കേന്ദ്രം സന്ദർശിച്ച് അവരുടെ വിശദാംശങ്ങൾ അപ്‌ഡേറ്റ് ചെയ്താൽ മാത്രം മതിയെന്നും അപ്‌ഡേറ്റ് ചെയ്യുന്നതിന് ഒരു രേഖയും ആവശ്യമില്ലെന്നും യുഐ‌ഡി‌എഐ ട്വിറ്ററിലൂടെയും അറിയിച്ചിരുന്നു. ഇതിന് മുമ്പത്തെ ട്വീറ്റിൽ, പേര്, വിലാസം, ജനനത്തീയതി തുടങ്ങിയ വിശദാംശങ്ങൾ അപ്‌ഡേറ്റ് ചെയ്യുന്നതിന് ആവശ്യമായ രേഖകളുടെ ഒരു പട്ടിക യുഐ‌ഡി‌എഐ പങ്കുവച്ചിരുന്നു.

ആധാർ സേവാ കേന്ദ്രങ്ങൾ

താഴെ പറയുന്ന നഗരങ്ങളിൽ യുഐ‌ഡി‌എ‌ഐ നടത്തുന്ന ആധാർ സേവാ കേന്ദ്രങ്ങളുടെ സേവനം ലഭ്യമാണ്.

• ഡൽഹി
• ഭോപ്പാൽ
• ആഗ്ര
• ചെന്നൈ
• വിജയവാഡ
• ഹിസാർ
• ചണ്ഡിഗഡ്

സേവനങ്ങൾ

താഴെ പറയുന്ന സേവനങ്ങൾ ആധാർ സേവാ കേന്ദ്രങ്ങളിൽ ലഭ്യമാണ്

• പുതിയ ആധാർ എൻറോൾമെന്റ്
• പേര് അപ്‌ഡേറ്റ്
• വിലാസം അപ്‌ഡേറ്റ്
• മൊബൈൽ നമ്പർ അപ്‌ഡേറ്റ്
• ഇ-മെയിൽ ഐഡി അപ്‌ഡേറ്റ്
• ജനനത്തീയതി (DOB) അപ്‌ഡേറ്റ്
• ലിംഗ അപ്‌ഡേറ്റ്
• ബയോമെട്രിക് (ഫോട്ടോ + ഫിംഗർപ്രിൻറുകൾ + ഐറിസ്) അപ്‌ഡേറ്റ്

അപ്‌ഡേറ്റ് പരിധി

ചില സേവനങ്ങളുടെ അപ്‌ഡേറ്റ് പരിധി വിശദാംശങ്ങൾ ചുവടെ ചേർക്കുന്നു

• ജനനത്തീയതി തിരുത്തൽ - ഒരു തവണ
• പേര് തിരുത്തൽ - രണ്ട് തവണ
• ലിംഗഭേദം തിരുത്തൽ - ഒരു തവണ

malayalam.goodreturns.in