ഈ ബാങ്ക് ഓഹരികള്‍ക്ക് 50 ശതമാനത്തോളം മുന്നേറാനാകും; വാങ്ങുന്നോ?

രാജ്യത്തെ പ്രമുഖ അനലിസ്റ്റുകളുടെ ഇടയില്‍ ബാങ്കിംഗ് ഓഹരികളുടെ സമീപ ഭാവിയിലെ പ്രകടനം വിലയിരുത്താനുള്ള സര്‍വേ നടത്തി. ഒരു ദേശീയ മാധ്യമമാണ് ഇത്തരത്തില്‍ അടുത്ത 12 മാസക്കാലയളവിലെ ബാങ്കിംഗ് ഓഹരികളുടെ പ്രകടനം സംബന്ധിച്ച നിരീക്ഷണം തേടിയത്. ഇതുപ്രകാരം 10 അനലിസ്റ്റുകള്‍ എങ്കിലും നിര്‍ദേശിക്കുകയും കുറഞ്ഞത് 20 ശതമാനം ഉയര്‍ച്ചയെങ്കിലും കൈവരിക്കാവുന്നതുമായ 11 ഓഹരികളെയാണ് ചുവടെ കൊടുത്തിരിക്കുന്നത്.

>> ആര്‍ബിഎല്‍ ബാങ്ക്- ഓഹരിക്ക് നല്‍കിയിരിക്കുന്ന ശരാശരി ലക്ഷ്യവില 141 രൂപയാണ്. ഈ സ്‌മോള്‍ കാപ് ഓഹരിയെ അനുകൂലിച്ചത് 17 അനലിസ്റ്റുകളാണ്. കഴിഞ്ഞ ദിവസം 92.15 രൂപയില്‍ ക്ലോസ് ചെയ്ത ആര്‍ബിഎല്‍ ബാങ്ക് ഓഹരിയില്‍ നിന്നും 53 ശതമാനം നേട്ടമാണ് പ്രതീക്ഷിക്കുന്നത്.

>> ഇക്വിറ്റാസ് സ്‌മോള്‍ ഫൈനാന്‍സ് ബാങ്ക്- ഓഹരിയുടെ ശരാശരി ലക്ഷ്യവില 69.40 രൂപയാണ്. ഈ സ്‌മോള്‍ കാപ് ഓഹരിയെ പിന്തുണച്ചത് 12 വിപണി വിദഗ്ധരാണ്. ഇന്നലെ 46.75 രൂപയില്‍ വ്യാപാരം നിര്‍ത്തിയ ഇക്വിറ്റാസ് എസ്എഫ്ബിയുടെ ഓഹരിയില്‍ നിന്നും 48 ശതമാനം നേട്ടമാണ് ലക്ഷ്യമിടുന്നത്.

>> ഡിസിബി ബാങ്ക്- ഓഹരിക്ക് നല്‍കിയിരിക്കുന്ന ശരാശരി ലക്ഷ്യവില 119 രൂപയാണ്. ഈ സ്‌മോള്‍ കാപ് ഓഹരിയെ അനുകൂലിച്ചത് 24 മാര്‍ക്കറ്റ് അനലിസ്റ്റുകളാണ്. കഴിഞ്ഞ ദിവസം 87.50 രൂപയില്‍ ക്ലോസ് ചെയ്ത ഡിസിബി ബാങ്ക് ഓഹരിയില്‍ നിന്നും 36 ശതമാനം നേട്ടമാണ് പ്രതീക്ഷിക്കുന്നത്.

>> ബന്ധന്‍ ബാങ്ക്- ഓഹരിയുടെ ശരാശരി ലക്ഷ്യവില 365 രൂപയാണ്. ഈ മിഡ് കാപ് ഓഹരിയെ പിന്തുണച്ചത് 25 വിപണി വിദഗ്ധരാണ്. ഇന്നലെ 270.70 രൂപയില്‍ വ്യാപാരം നിര്‍ത്തിയ ബന്ധന്‍ ബാങ്ക് ഓഹരിയില്‍ നിന്നും 35 ശതമാനം നേട്ടമാണ് ലക്ഷ്യമിടുന്നത്.

>> ആക്‌സിസ് ബാങ്ക്- ഓഹരിക്ക് നല്‍കിയിരിക്കുന്ന ശരാശരി ലക്ഷ്യവില 947 രൂപയാണ്. ഈ ലാര്‍ജ് കാപ് ഓഹരിയെ അനുകൂലിച്ചത് 43 അനലിസ്റ്റുകളാണ്. കഴിഞ്ഞ ദിവസം 706.45 രൂപയില്‍ വ്യാപാരം അവസാനിപ്പിച്ച ആക്‌സിസ് ബാങ്ക് ഓഹരിയില്‍ നിന്നും 34 ശതമാനം നേട്ടമാണ് പ്രതീക്ഷിക്കുന്നത്.

>> ഐഡിഎഫ്‌സി ഫസ്റ്റ് ബാങ്ക്- ഓഹരിയുടെ ശരാശരി ലക്ഷ്യവില 46.80 രൂപയാണ്. ഈ മിഡ് കാപ് ഓഹരിയെ പിന്തുണച്ചത് 10 വിപണി നിരീക്ഷകരാണ്. ഇന്നലെ 35.65 രൂപയില്‍ വ്യാപാരം നിര്‍ത്തിയ ഐഡിഎഫ്‌സി ഫസ്റ്റ് ബാങ്ക് ഓഹരിയില്‍ നിന്നും 31 ശതമാനം നേട്ടമാണ് ലക്ഷ്യമിടുന്നത്.

>> എച്ച്ഡിഎഫ്‌സി ബാങ്ക്- ഓഹരിക്ക് നല്‍കിയിരിക്കുന്ന ശരാശരി ലക്ഷ്യവില 1,800 രൂപയാണ്. ഈ ലാര്‍ജ് കാപ് ഓഹരിയെ അനുകൂലിച്ചത് 40 മാര്‍ക്കറ്റ് അനലിസ്റ്റുകളാണ്. കഴിഞ്ഞ ദിവസം 1,394 രൂപയില്‍ ക്ലോസ് ചെയ്ത എച്ച്ഡിഎഫ്‌സി ബാങ്ക് ഓഹരിയില്‍ നിന്നും 29 ശതമാനം നേട്ടമാണ് പ്രതീക്ഷിക്കുന്നത്.

>> കരൂര്‍ വൈശ്യ ബാങ്ക്- ഓഹരിയുടെ ശരാശരി ലക്ഷ്യവില 74.40 രൂപയാണ്. ഈ സ്‌മോള്‍ കാപ് ഓഹരിയെ പിന്തുണച്ചത് 11 വിപണി വിദഗ്ധരാണ്. ഇന്നലെ 58.70 രൂപയില്‍ വ്യാപാരം അവസാനിപ്പിച്ച കരൂര്‍ വൈശ്യ ബാങ്ക് ഓഹരിയില്‍ നിന്നും 27 ശതമാനം നേട്ടമാണ് ലക്ഷ്യമിടുന്നത്.

>> ഇന്‍ഡസ്ഇന്‍ഡ് ബാങ്ക്- ഓഹരിക്ക് നല്‍കിയിരിക്കുന്ന ശരാശരി ലക്ഷ്യവില 1,210 രൂപയാണ്. ഈ ലാര്‍ജ് കാപ് ഓഹരിയെ അനുകൂലിച്ചത് 43 അനലിസ്റ്റുകളാണ്. കഴിഞ്ഞ ദിവസം 962 രൂപയില്‍ വ്യാപാരം നിര്‍ത്തിയ ഇന്‍ഡസ്ഇന്‍ഡ് ബാങ്ക് ഓഹരിയില്‍ നിന്നും 26 ശതമാനം നേട്ടമാണ് പ്രതീക്ഷിക്കുന്നത്.

>> ഐസിഐസിഐ ബാങ്ക്- ഓഹരിയുടെ ശരാശരി ലക്ഷ്യവില 986 രൂപയാണ്. ഈ ലാര്‍ജ് കാപ് ഓഹരിയെ പിന്തുണച്ചത് 44 വിപണി നിരീക്ഷകരാണ്. ഇന്നലെ 796 രൂപയില്‍ ക്ലോസ് ചെയ്ത ഐസിഐസിഐ ബാങ്ക് ഓഹരിയില്‍ നിന്നും 24 ശതമാനം നേട്ടമാണ് ലക്ഷ്യമിടുന്നത്.

>> സ്‌റ്റേറ്റ് ബാങ്ക് ഓഫ് ഇന്ത്യ (എസ്ബിഐ)- ഓഹരിക്ക് നല്‍കിയിരിക്കുന്ന ശരാശരി ലക്ഷ്യവില 628 രൂപയാണ്. ഈ ലാര്‍ജ് കാപ് ഓഹരിയെ അനുകൂലിച്ചത് 43 മാര്‍ക്കറ്റ് അനലിസ്റ്റുകളാണ്. കഴിഞ്ഞ ദിവസം 514 രൂപയില്‍ വ്യാപാരം അവസാനിപ്പിച്ച എസ്ബിഐ ഓഹരിയില്‍ നിന്നും 22 ശതമാനം നേട്ടമാണ് പ്രതീക്ഷിക്കുന്നത്.

അറിയിപ്പ്

മുകളില്‍ കൊടുത്തിരിക്കുന്ന ലേഖനം മാധ്യമ റിപ്പോര്‍ട്ടിനെ അടിസ്ഥാനമാക്കിയും പഠനാവശ്യത്തിന് നല്‍കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.