പണപ്പെരുപ്പ ഭീഷണിയും സാമ്പത്തിക മാന്ദ്യ ആശങ്കകളും ആഗോള വിപണിയെ പ്രതികൂലമായി ബാധിക്കുന്നുണ്ട്. ഇതിന്റെ പ്രഭാവത്തില് ആഭ്യന്തര വിപണിയിലും ചാഞ്ചാട്ടം പ്രകടമാണ്. ഇതിനിടെ കോര്പറേറ്റ് കമ്പനികളുടെ ഒന്നാം പാദ പ്രവര്ത്തന ഫലങ്ങള് താമസിയാതെ പ്രസിദ്ധീകരിച്ചു തുടങ്ങും. ഇതോടെ ഓഹരി കേന്ദ്രീകരിച്ചുള്ള നീക്കങ്ങളും സജീവമാകും. അതേസമയം ഹ്രസ്വകാലയളവില് വില ഇടിയാവുന്ന 2 ഓഹരികള് ചുവടെ ചേര്ക്കുന്നു.
ചോളമണ്ഡലം ഇന്വെസ്റ്റ്മെന്റ്
ഇന്ന് രാവിലെ 650 രൂപ നിലവാരത്തിലാണ് ചോളമണ്ഡലം ഇന്വെസ്റ്റ്മെന്റ് ഓഹരികള് വ്യാപാരം ചെയ്യപ്പെടുന്നത്. ഈ നിലവാരത്തില് നിന്നും ധനകാര്യ ഓഹരിയുടെ വില 600 രൂപയിലേക്ക് ഇടിയാമെന്ന് 5പൈസ.കോം സൂചിപ്പിച്ചു. വിപണി വിലയേക്കാള് 8 ശതമാനത്തോളം താഴെയാണിത്. അതേസമയം ചോളമണ്ഡലം ഇന്വെസ്റ്റ്മെന്റ് ഓഹരിയില് ഷോര്ട്ട് സെല് ചെയ്യുന്നവര് 662 രൂപ നിലവാരത്തില് സ്റ്റോപ് ലോസ് ക്രമീകരിക്കണമെന്നും ബ്രോക്കറേജ് സ്ഥാപനം നിര്ദേശിച്ചു.
Also Read: ദുഃസൂചനയായി ബോണ്ട് യീല്ഡ് ഇന്വേര്ഷന്! സാമ്പത്തിക മാന്ദ്യം പടിവാതിക്കലെത്തിയോ?
'റൈസിങ് വെഡ്ജ്' പാറ്റേണില് നിന്നും ബ്രേക്ക്ഡൗണ് സംഭവിച്ചതിനു ശേഷം ഓഹരിയില് തിരുത്തല് നേരിട്ടു. തുടര്ന്ന് ചോളമണ്ഡളം ഇന്വസ്റ്റ്മെന്റ് (BSE: 511243, NSE : CHOLAFIN) ഓഹരി തിരികെ കയറാന് നോക്കുമ്പോഴും ശക്തമായ വില്പന സമ്മര്ദം പ്രകടമാണ്. ഇത്തരം പുള് ബാക്ക് റാലിയില് വോളിയം കുറവാണെന്നതും ശ്രദ്ധേയം. അതിനാല് സമീപകാല ട്രെന്ഡ്ലൈന് സപ്പോര്ട്ട് വീണ്ടും പരീക്ഷിക്കപ്പെടാം.
അതേസമയം വാഹന, ഭവന, വസ്തു വായ്പാ സേവനമൊരുക്കുന്ന പ്രമുഖ ബാങ്ക് ഇതര ധനകാര്യ സ്ഥാപനമാണ് ചോളമണ്ഡളം ഇന്വസ്റ്റ്മെന്റ് & ഫൈനാന്സ്.
എസ്ആര്എഫ്
വ്യാഴാഴ്ച രാവിലെ 2,090 രൂപ നിലവാരത്തിലാണ് എസ്ആര്എഫ് ഓഹരികള് വ്യാപാരം ചെയ്യപ്പെടുന്നത്. ഇവിടെ നിന്നും സമീപ കാലയളവില് കെമിക്കല് ഓഹരിയുടെ വില 1,900 രൂപ നിലവാരത്തിലേക്ക് ഇടിയാമെന്ന് 5പൈസ.കോം സൂചിപ്പിച്ചു. ഇത് വിപണി വിലയേക്കാള് 10 ശതമാനത്തോളം താഴ്ന്ന നിലവാരമാണ്. ഈ ഓഹരിയില് ഷോര്ട്ട് സെല് ട്രേഡ് ചെയ്യുന്നവര് 2,120 രൂപ നിലവാരത്തില് സ്റ്റോപ് ലോസ് ക്രമീകരിക്കണമെന്നും ബ്രോക്കറേജ് സ്ഥാപനം സൂചിപ്പിച്ചു.
കഴിഞ്ഞ ദിവസം സമീപകാല സപ്പോര്ട്ട് നിലവാരം തകര്ത്ത് താഴേക്ക് വീണു. ഈ സമയത്ത് ഓഹരി ഇടപാടുകളുടെ എണ്ണം കൂടുതലായിരുന്നു എന്നതും ശ്രദ്ധേയം.
Also Read: പാദഫലത്തില് ആശങ്ക! സെല് റേറ്റിങ് നിലനിര്ത്തിയ ഈ ധനകാര്യ ഓഹരി 16% ഇടിയാം
ഇതിനോടൊപ്പം എസ്ആര്എഫ് ഓഹരിയുടെ വിപണി വില ഹ്രസ്വകാല, ഇടക്കാല, ദീര്ഘകാല മൂവിങ് ആവറേജ് നിലവാരങ്ങള്ക്ക് താഴെയാണ് തുടരുന്നത്. ഇതും ബെയറിഷ് സൂചനയാണ്. കൂടാതെ ടെക്നിക്കല് സൂചകങ്ങളും മൂവിങ് ആവറേജ് ക്രോസ്ഓവറിലും ഓഹരിയില് ബെയറിഷ് ട്രെന്ഡ് ആണ് പ്രകടിപ്പിക്കുന്നത്.
അതേസമയം കെമിക്കല് അധിഷ്ഠിതമായി ബഹുവിധ ഉത്പന്നങ്ങള് നിര്മിക്കുന്ന പ്രമുഖ കമ്പനിയാണ് എസ്ആര്ഫ് ലിമിറ്റഡ് (BSE: 503806, NSE : SRF). റെഫ്രിജെറന്റ്സ്, എന്ജിനീയറിംഗ് പ്ലാസ്റ്റിക്സ്, ഇന്ഡസ്ട്രിയല് യാണ്സ് എന്നീ വിഭാഗങ്ങളില് മുന്നിര കമ്പനിയാണിത്. 80-ഓളം രാജ്യങ്ങളിലേക്ക് ഉത്പന്നങ്ങള് കയറ്റുമതി ചെയ്യുന്നു.
അറിയിപ്പ്
മുകളില് കൊടുത്തിരിക്കുന്ന ലേഖനം 5പൈസ.കോം പുറത്തിറക്കിയ റിപ്പോര്ട്ടിനെ അടിസ്ഥാനമാക്കിയും പഠനാവശ്യത്തിന് നല്കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള് എടുക്കും മുന്പ് സാമ്പത്തിക വിദഗ്ധന്റെ നിര്ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്ക്ക് വിധേയമാണ്. സ്വന്തം റിസ്കില് മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില് സംഭവിക്കുന്ന ലാഭ നഷ്ടങ്ങള്ക്ക് ഗ്രേനിയം ഇന്ഫര്മേഷന് ടെക്നോളജീസും ലേഖകനും ഉത്തരവാദികളല്ല.