വരുമാനത്തിന് രേഖകളില്ലെങ്കിലും പേഴ്സണൽ ലോണിന് അപേക്ഷിക്കാം, ഈ കാര്യങ്ങൾ അറിഞ്ഞിരിക്കുക

ജീവിതത്തിൽ അപ്രതീക്ഷിത ചെലവുകൾ എപ്പോൾ വേണമെങ്കിലും ഉണ്ടാകാം. ഈ സമയത്താണ് പേഴ്സണൽ ലോണുകൾ പലരുടെയും രക്ഷകരാകുന്നത്. വളരെ എളുപ്പത്തിൽ ലഭിക്കുമെന്നതിനാൽ പേഴ്സണൽ ലോണുകൾ ജനപ്രിയമായി മാറിയിട്ടുണ്ട്. എന്നാൽ, സ്വയം തൊഴിൽ ചെയ്യുന്നയാളോ, ഫ്രീലാൻസറോ, അല്ലെങ്കിൽ ചെറിയ വരുമാനമുള്ളയാളോ ആണെങ്കിൽ, ലോൺ അപേക്ഷയ്ക്കൊപ്പം വരുമാന തെളിവ് നൽകാൻ കഴിഞ്ഞെന്നു വരില്ല. ഇതൊരു വെല്ലുവിളി നിറഞ്ഞതാണെങ്കിലും, വരുമാന സർട്ടിഫിക്കറ്റ് കൂടാതെ വ്യക്തിഗത വായ്പ നേടുകയെന്നത് അസാധ്യമല്ല.

വെറും 2 വർഷം കൊണ്ട് ലക്ഷങ്ങൾ സമ്പാദിക്കാം; സ്ത്രീകൾക്ക് നിക്ഷേപിക്കാവുന്ന കിടിലൻ സ്കീം

വരുമാന തെളിവ് ആവശ്യമില്ലാതെ ഒരു വ്യക്തിഗത വായ്പ നേടാൻ എങ്ങനെ സാധിക്കുമെന്നതിനെക്കുറിച്ച് നോക്കാം. പേഴ്സണൽ ലോണിന് അപേക്ഷിക്കുമ്പോൾ വരുമാന തെളിവ് നൽകാൻ താൽപ്പര്യപ്പെടുന്നില്ലെങ്കിൽ നിങ്ങൾക്കുള്ള ഓപ്ഷനുകൾ ഇവയാണ്.

കൊളാറ്ററൽ ലോണുകൾ: സ്വർണ്ണം, ഓഹരികൾ, അല്ലെങ്കിൽ ഇൻഷുറൻസ്, സ്ഥിര നിക്ഷേപങ്ങൾ എന്നിവ പണയപ്പെടുത്തി വായ്പ ലഭിക്കും. വായ്പയെടുക്കാനുള്ള നിങ്ങളുടെ ശേഷി നിങ്ങൾ നൽകുന്ന കൊളാറ്ററലിന്റെ മൂല്യത്തെ ആശ്രയിച്ചിരിക്കും.

ക്രെഡിറ്റ് സ്കോർ അടിസ്ഥാനമാക്കിയുള്ള വായ്പകൾ: സാധാരണയായി 750-ൽ കൂടുതൽ നല്ല ക്രെഡിറ്റ് സ്കോർ ഉള്ളവർക്ക് വരുമാന തെളിവ് നൽകാതെ തന്നെ ലോൺ നേടിയെടുക്കാൻ സാധിക്കും. നല്ലൊരു ക്രെഡിറ്റ് ചരിത്രം, നിങ്ങൾ സമയബന്ധിതമായി കടങ്ങൾ തിരിച്ചടയ്ക്കുന്ന ഒരു വിശ്വസനീയ കടക്കാരനാണെന്ന് ധനകാര്യ സ്ഥാപനങ്ങളെ ബോധ്യപ്പെടുത്തുന്നു.

ക്രെഡിറ്റ് കാർഡ് വായ്പകൾ: ചില വായ്പാ കമ്പനികൾ നിങ്ങളുടെ ക്രെഡിറ്റ് കാർഡ് പരിധിയെ അടിസ്ഥാനമാക്കി വായ്പകൾ നൽകുന്നു. ഈ രീതി ഉപയോഗിച്ച്, അധിക പേപ്പർവർക്കുകൾ ഇല്ലാതെ തന്നെ വേഗത്തിൽ ഫണ്ടുകൾ ആക്‌സസ് ചെയ്യാൻ കഴിയും.

വരുമാന തെളിവില്ലാതെ വ്യക്തിഗത വായ്പ ലഭിക്കുന്നതിന്റെ ഗുണങ്ങൾ

വേഗത്തിൽ പണമായി ലഭിക്കും.

വളരെ കുറഞ്ഞ രേഖകൾ മാത്രം മതി.

സൗകര്യപ്രദമായ നിബന്ധനകളും വ്യവസ്ഥകളും

വരുമാന തെളിവില്ലാതെ വ്യക്തിഗത വായ്പ എടുക്കുന്നതിന്റെ പോരായ്മകൾ

സാധാരണ വ്യക്തിഗത വായ്പകളെ അപേക്ഷിച്ച് ലഭിക്കുന്ന തുക കുറവാണ്.

ഉയർന്ന പലിശ നിരക്കുകൾ.

വായ്പയ്ക്ക് നൽകുന്ന ഈട് ഉപയോഗിച്ച് തിരിച്ചടയ്ക്കാത്തപക്ഷം വസ്തുവകകൾ നഷ്ടപ്പെടാനുള്ള സാധ്യതയുണ്ട്.

വരുമാന തെളിവില്ലാതെ എങ്ങനെയാണ് പേഴ്സണൽ ലോണിന് അപേക്ഷിക്കുന്നത്?

1. യോഗ്യതാ മാനദണ്ഡങ്ങളും രേഖകളും: ആദ്യം യോഗ്യതാ മാനദണ്ഡങ്ങളും വായ്പ നൽകുന്നയാളിൽ നിന്ന് ഏതൊക്കെ രേഖകൾ ആവശ്യമാണെന്നും ആദ്യം പരിശോധിക്കുക.

2. വായ്പ നൽകുന്നവരെ താരതമ്യം ചെയ്യുക: മികച്ച വായ്പാദാതാവിനെ കണ്ടെത്താൻ, വായ്പാ നിബന്ധനകൾ, പലിശ നിരക്കുകൾ, പ്രോസസ്സിംഗ് ഫീസ്, തിരിച്ചടവ് ഓപ്ഷനുകൾ എന്നിവ താരതമ്യം ചെയ്യണം.

3. അപേക്ഷ സമർപ്പിക്കുക: വായ്പ നൽകുന്നയാളുടെ നടപടിക്രമമനുസരിച്ച്, നേരിട്ടോ ഓൺലൈനായോ അപേക്ഷിക്കാം.

4. സപ്പോർട്ടിങ് ഡോക്യുമെന്റുകൾ: അടിസ്ഥാന വിശദാംശങ്ങളും ഏതെങ്കിലും കൊളാറ്ററലും അടങ്ങിയ കെവൈസി രേഖകൾ.

5. പെട്ടെന്നുള്ള ഫണ്ട് വിതരണം: പണം സാധാരണയായി പെട്ടെന്ന് കൈമാറും, ചിലപ്പോൾ ലോൺ അപേക്ഷ സ്വീകരിച്ച് ഒരു മണിക്കൂറിനുള്ളിൽ.