സ്റ്റേറ്റ് ബാങ്ക് ഓഫ് ഇന്ത്യയുടെ (എസ്ബിഐ) ഇടപാട് പരിധിയുള്ള ഡെബിറ്റ് കാർഡായ വിർച്വൽ കാർഡിനെ കുറിച്ച് നിങ്ങൾക്ക് അറിയാമോ? ഇ-കൊമേഴ്സ് ഇടപാടുകൾക്കായി എസ്ബിഐയുടെ ഇന്റർനെറ്റ് ബാങ്കിംഗ് സേവനം ഉപയോഗിച്ച് വിർച്വൽ കാർഡ് സൃഷ്ടിക്കാൻ കഴിയും. സാധാരണ കാർഡ് ഉപയോഗിക്കുന്നതു പോലെ തന്നെ വിസ കാർഡുകൾ സ്വീകരിക്കുന്ന ഏത് മർച്ചന്റ് വെബ്സൈറ്റിലും ഓൺലൈനിൽ ഷോപ്പുചെയ്യാൻ ഈ കാർഡ് ഉപയോഗിക്കാമെന്ന് എസ്ബിഐയുടെ ഔദ്യോഗിക വെബ്സൈറ്റിൽ പറയുന്നു.
സവിശേഷതകൾ
എസ്ബിഐ വിർച്വൽ കാർഡ് പ്രാഥമിക കാർഡും അക്കൌണ്ട് വിശദാംശങ്ങളും വ്യാപാരികളിൽ നിന്ന് മറയ്ക്കുന്നുണ്ട്. അതുകൊണ്ട് തന്നെ തട്ടിപ്പുകൾക്കുള്ള സാധ്യത വളരെ കുറവാണ്. എസ്ബിഐ വിർച്വൽ കാർഡിന് 48 മണിക്കൂർ അല്ലെങ്കിൽ ഇടപാട് പൂർത്തിയാകുന്നതുവരെ മാത്രമേ സാധുതയുള്ളൂ.
ബിൽഡർ പദ്ധതി വൈകിപ്പിച്ചാലും ആശങ്കപ്പെടേണ്ടതില്ല; ഭവന വായ്പക്കാർക്ക് പുതിയ പദ്ധതിയുമായി എസ്ബിഐ
മൊബൈൽ നമ്പർ
നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് അയച്ച വൺ ടൈം പാസ്വേഡ് (ഒടിപി) വിജയകരമായി സാധൂകരിച്ചതിനുശേഷം മാത്രമേ എസ്ബിഐ വിർച്വൽ കാർഡ് സൃഷ്ടിക്കാനും ഓൺലൈൻ ഇടപാടുകൾ നടത്താനും സാധിക്കൂ. എസ്ബിഐ ഉപഭോക്താക്കൾക്ക് അവരുടെ നെറ്റ് ബാങ്കിംഗ് വഴി പണമടയ്ക്കാം. വിസ കാർഡുകൾ സ്വീകരിക്കുന്ന ഏത് ഓൺലൈൻ വ്യാപാര സൈറ്റിലും എസ്ബിഐ വിർച്വൽ കാർഡ് ഉപയോഗിക്കാൻ കഴിയും.
എസ്ബിഐ ഉപഭോക്താക്കൾക്ക് ഇനി പാസ്ബുക്ക് പതിപ്പിക്കാൻ ക്യൂ നിൽക്കേണ്ട, ഓൺലൈനിൽ കാണാം, പ്രിന്റെടുക്കാം
ഒറ്റത്തവണ
എസ്ബിഐ വിർച്വൽ കാർഡ് ഒറ്റ തവണ മാത്രം ഉപയോഗിക്കാവുന്ന കാർഡാണ്, അതായത് ഒരിക്കൽ വിജയകരമായി ഉപയോഗിച്ചാൽ പിന്നീട് വീണ്ടും ഉപയോഗിക്കാൻ കഴിയില്ല. വിർച്വൽ കാർഡ് ഉപയോഗിച്ച് യഥാർത്ഥ വാങ്ങൽ വിജയകരമായി പൂർത്തിയാകുമ്പോൾ മാത്രമാണ് തുക ഡെബിറ്റ് ചെയ്യുന്നത്.എസ്ബിഐ വിർച്വൽ കാർഡ് സൃഷ്ടിക്കുന്നതിനുള്ള ഏറ്റവും കുറഞ്ഞ ഇടപാട് തുക 100 രൂപയും പരമാവധി തുക 50,000 രൂപയുമാണ്. എസ്ബിഐ വിർച്വൽ കാർഡ് സൃഷ്ടിക്കുന്നതിനുള്ള നടപടിക്രമങ്ങൾ ഇതാ
സ്റ്റെപ് 1
- നിങ്ങളുടെ എസ്ബിഐ ഓൺലൈൻ ബാങ്കിംഗ് അക്കൌണ്ടിൽ (www.onlinesbi.com) പ്രവേശിക്കുക.
- മുകളിലെ ബാറിലെ 'ഇ-കാർഡ്' ടാബിൽ ക്ലിക്കുചെയ്യുക.
- 'വിർച്വൽ കാർഡ് ജനറേറ്റുചെയ്യുക' എന്ന ടാബിൽ ക്ലിക്കുചെയ്യുക.
- ഇപ്പോൾ, വെർച്വൽ കാർഡിലേക്ക് പണം കൈമാറാൻ നിങ്ങൾ ആഗ്രഹിക്കുന്ന അക്കൗണ്ട് തിരഞ്ഞെടുക്കുക.
- വെർച്വൽ കാർഡിലേക്ക് നിങ്ങൾ കൈമാറാൻ ആഗ്രഹിക്കുന്ന തുക നൽകുക.
സ്റ്റെപ് 2
- ടിക്ക് ബോക്സിൽ ക്ലിക്കുചെയ്ത് നിബന്ധനകളും വ്യവസ്ഥകളും അംഗീകരിക്കുക.
- 'ജനറേറ്റ്' ക്ലിക്കുചെയ്യുക.
- ഇപ്പോൾ, നിങ്ങൾ കാർഡ് ഉടമയുടെ പേര്, ഡെബിറ്റ് കാർഡ് അക്കൌണ്ട് നമ്പർ, വിർച്വൽ കാർഡ് പരിധി എന്നിവ പരിശോധിക്കേണ്ടതുണ്ട്.
- എസ്ബിഐ നിങ്ങളുടെ രജിസ്റ്റർ ചെയ്ത മൊബൈൽ നമ്പറിലേക്ക് ഒരു ഒടിപി അയയ്ക്കും.
- ഒടിപി നൽകി 'സ്ഥിരീകരിക്കുക' ക്ലിക്കുചെയ്യുക.
സ്റ്റെപ് 3
- വിജയകരമായ മൂല്യനിർണ്ണയത്തിന് ശേഷം, കാർഡ് നമ്പറുള്ള കാർഡ് ചിത്രം, കാലഹരണപ്പെടൽ തീയതി തുടങ്ങിയവ സ്ക്രീനിൽ ദൃശ്യമാകും.
- ഇനി എസ്ബിഐ വിച്വൽ കാർഡ് ഇ-കൊമേഴ്സ് ഇടപാടിനായി ഉപയോഗിക്കാം.
മൊബൈൽ നമ്പർ ബാങ്കിൽ രജിസ്റ്റർ ചെയ്തിട്ടുണ്ടോ? ഇല്ലെങ്കിൽ എടിഎമ്മിൽ നിന്ന് കാശ് കിട്ടില്ല