ആദായനികുതി റിട്ടേണ്‍ ഫയല്‍ ചെയ്യുന്നതിന് ഫോം 16 ലഭിക്കാൻ കാത്തിരിക്കുകയാണോ? അറിയേണ്ട കാര്യങ്ങൾ

ആദായനികുതി റിട്ടേണ്‍ സമര്‍പ്പിക്കുന്നതിനാവശ്യമായ ഏറ്റവും പ്രധാനപ്പെട്ട രേഖകളില്‍ ഒന്നാണ് ഫോം 16. ഇത് അടിസ്ഥാനപരമായി ഒരു തൊഴിലുടമ തന്റെ ജീവനക്കാര്‍ക്ക് നല്‍കുന്നൊരു സര്‍ട്ടിഫിക്കറ്റ് ആണ്. ജീവനക്കാര്‍ക്ക് വേണ്ടി ടിഡിഎസ് കുറയ്ക്കുകയും അധികാരികളില്‍ നിന്ന് നിക്ഷേപിക്കുകയും ചെയ്തു എന്ന വസ്തുത ഇത് സാധൂകരിക്കുന്നു. ഫോം 16 എന്നത് ഒരു തൊഴിലുടമ നല്‍കുന്ന സര്‍ട്ടിഫിക്കറ്റ് ആണ്, അതില്‍ നിങ്ങളുടെ നികുതി റിട്ടേണ്‍ തയ്യാറാക്കാനും ഫയല്‍ ചെയ്യാനും ആവശ്യമായ വിവരങ്ങള്‍ അടങ്ങിയിരിക്കുന്നു. നികുതി കുറച്ച സാമ്പത്തിക വര്‍ഷത്തിന് തൊട്ടുപിന്നാലെയായി, അടുത്ത വര്‍ഷം ജൂണ്‍ 15 നോ അതിനുമുമ്പോ തൊഴിലുടമകള്‍ ഇത് നല്‍കണം. എന്നിരുന്നാലും, ഈ വര്‍ഷം ആദായനികുതി റിട്ടേണ്‍ ഫയലിംഗ് തീയതി നവംബര്‍ 30 വരെ നീട്ടിയതിനാല്‍, ഫോം 16 നല്‍കുന്നതിനുള്ള തീയതിയും ഇളവ് ചെയ്തിട്ടുണ്ട്.

ഫോം 16 ഘടകകങ്ങള്‍

ഫോം 16 ന് രണ്ട് ഘടകങ്ങളാണുള്ളത് - പാര്‍ട്ട് എ, പാര്‍ട്ട് ബി. നിങ്ങളുടെ ഫോം 16 നഷ്ടപ്പെടുകയാണെങ്കില്‍, നിങ്ങളുടെ തൊഴിലുടമയില്‍ നിന്ന് ഒരു തനിപ്പകര്‍പ്പിനായി അഭ്യര്‍ത്ഥിക്കാവുന്നതാണ്. ഒരു സാമ്പത്തിക വര്‍ഷത്തില്‍ നിങ്ങള്‍ ജോലി മാറ്റുകയാണെങ്കില്‍, ഓരോ തൊഴിലുടമയുടെയും തൊഴില്‍ കാലയളവിനായി ഫോം 16 ന്റെ പ്രത്യേക ഭാഗമായ എ നല്‍കും.

പാര്‍ട്ട് എ യുടെ ഘടകങ്ങള്‍ ഇവയാണ്:

- തൊഴിലുടമയുടെ പേരും വിലാസവും

- തൊഴിലുടമയുടെ ടാന്‍, പാന്‍ എന്നിവ

- ജീവനക്കാരന്റെ പാന്‍

- നികുതിയിളവ്, നിക്ഷേപിച്ച ത്രൈമാസത്തിന്റെ സംഗ്രഹം, തൊഴിലുടമയാല്‍ സാക്ഷ്യപ്പെടുത്തിയത്.

 

പാര്‍ട്ട് ബി പാര്‍ട്ട് എയിലേക്കുള്ള ഒരു അനുബന്ധമാണ്. നിങ്ങള്‍ ഒരു സാമ്പത്തിക വര്‍ഷത്തില്‍ നിങ്ങളുടെ ജോലി മാറ്റുകയാണെങ്കില്‍, ഫോമിന്റെ പാര്‍ട്ട് ബി തൊഴിലുടമകളില്‍ നിന്നോ അവസാന തൊഴിലുടമയില്‍ നിന്നോ വേണോയെന്ന് തീരുമാനിക്കേണ്ടതുണ്ട്.

പാര്‍ട്ട് ബി യുടെ ഘടകങ്ങള്‍:

- വിശദമായ ശമ്പള വിവരങ്ങള്‍

- വകുപ്പ് 10 പ്രകാരം ഒഴിവാക്കിയ അലവന്‍സുകളുടെ വിശദമായ വിഭജനം.

- ആദായനികുതി നിയമപ്രകാരം അനുവദനീയമായ കിഴിവുകള്‍.

 

ഫോം 16 ഇഷ്യൂ ചെയ്യുന്നതുള്‍പ്പടെ നികുതി സംബന്ധിയായ വിവിധ സമയപരിധികളില്‍ സര്‍ക്കാര്‍ ഇളവുകള്‍ പ്രഖ്യാപിച്ചത് ശ്രദ്ധിക്കുക. ഈ സാമ്പത്തിക വര്‍ഷത്തില്‍ തൊഴിലുടമകള്‍ക്ക് ഓഗസ്റ്റ് 15 വരെ ഫോം 16 സമര്‍പ്പിക്കാവുന്നതാണ്. കൊവിഡ് 19 പ്രതിസന്ധി കണക്കിലെടുത്ത് ഇതില്‍ വിപുലീകരണം നല്‍കിയിട്ടുണ്ട്.

 

അതിനാല്‍, ഇതുവരെ ടിഡിഎസ് റിട്ടേണ്‍ സമര്‍പ്പിക്കാത്ത തൊഴിലുടമകള്‍ ഫോം 16 നല്‍കുന്നത് വൈകിയേക്കാം. ഒരു വ്യക്തിക്ക് ഫോം 16 നഷ്ടപ്പെടുകയാണെങ്കില്‍, അവര്‍ക്ക് തങ്ങളുടെ തൊഴിലുടമയില്‍ നിന്ന് ഒരു തനിപ്പകര്‍പ്പ് അഭ്യര്‍ഥിക്കാന്‍ കഴിയും. ശമ്പളത്തിന്മേല്‍ നികുതി കുറയ്ക്കുന്നതിനും ഫോം 16 നല്‍കുന്നതിനുമുള്ള ഉത്തരവാദിത്തം തൊഴിലുടമയിലാണെന്ന് കാര്യം ഓര്‍ക്കുക.

അതുപോലെ തന്നെ, നികുതി അടയ്ക്കാനും നികുതി റിട്ടേണ്‍ സമര്‍പ്പിക്കാനുമുള്ള ഉത്തരവാദിത്തം നികുതിദായകനാണ്. എല്ലാ ഉറവിടങ്ങളില്‍ നിന്നുമുള്ള നിങ്ങളുടെ വരുമാനം മിനിമം നികുതി സ്ലാബിന് മുകളിലാണെങ്കില്‍, നിങ്ങളുടെ തൊഴിലുടമ ടിഡിഎസ് കുറയ്ക്കുകയോ അല്ലെങ്കില്‍ നിങ്ങള്‍ക്ക് ഒരു ഫോം 16 നല്‍കുന്നതില്‍ പരാജയപ്പെടുകയോ ചെയ്തിട്ടുണ്ടെങ്കില്‍പ്പോലും നിങ്ങള്‍ നികുതി നല്‍കേണ്ടതുണ്ട്.