Click it and Unblock the Notifications
ഇന്ത്യയിലെ ആദ്യ രാജ്യാന്തര എക്സ്ചേഞ്ചായ ഇന്ത്യാ ഐഎന്എക്സ് 'ഐഎന്ആര്-യുഎസ്ഡി ഫ്യൂച്ചേഴ്സ് ആന്ഡ് ഓപ്ഷന്സ്' വ്യാപാര മാര്ഗ്ഗം അവതരിപ്പിച്ചു. ബിഎസ്ഇയില് ഇന്ത്യാ ഐഎന്എക്സും എന്എസ്ഇയില് എന്എസ്ഇ-ഐഎഫ്എസ്സിയും വഴി പുതിയ വ്യാപാര മാര്ഗ്ഗം നിക്ഷേപകര്ക്ക് തിരഞ്ഞെടുക്കാം.
വെള്ളിയാഴ്ച്ച ധനമന്ത്രി നിര്മ്മല സീതാരാമനാണ് ഐഎന്ആര്-യുഎസ്ഡി ഫ്യൂച്ചേഴ്സ് ആന്ഡ് ഓപ്ഷന്സിന് രാജ്യത്ത് തുടക്കമിട്ടത്. ഗാന്ധിനഗറിലെ GIFT ഇന്റര്നാഷണല് ഫൈനാന്ഷ്യല് സര്വീസസ് സെന്റര് ഇതിന് വേദിയായി. വീഡിയോ കോണ്ഫറന്സ് മുഖേനയാണ് ധനമന്ത്രി ഉദ്ഘാടനം നടത്തിയത്.
പറഞ്ഞുവരുമ്പോള് ഐഎന്ആര്-യുഎസ്ഡി ഫ്യൂച്ചേഴ്സ് ആന്ഡ് ഓപ്ഷനുകളെന്ന പുതിയ വ്യാപാര മാര്ഗ്ഗം ഏറെ ഉപയോഗപ്രദമാണ്. കാരണം ഇന്ത്യന് വിപണിയിലെ ചാഞ്ചാട്ടവും അപകടസാധ്യതയും ഒരുപരിധി തടഞ്ഞുനിര്ത്താന് പുതിയ നീക്കത്തിന് സാധിക്കും.
എന്താണ് ഫ്യൂച്ചേഴ്സ് ആന്ഡ് ഓപ്ഷന്സ്?
നിക്ഷേപകന് ഭാവി തീയതിയില് ഓഹരി വാങ്ങാനോ വില്ക്കാനോ അവസരം നല്കുന്ന വ്യാപാര മാര്ഗ്ഗമാണ് ഫ്യൂച്ചേഴ്സ് ആന്ഡ് ഓപ്ഷന്സ്. ഉദ്ദാഹരണത്തിന് ഈ വര്ഷം നവംബറില് ഡോളറിനെതിരെ ഇന്ത്യന് രൂപ ഇടിയുമെന്ന് കരുതുന്നുണ്ടെങ്കില് നവംബര് കരാര് അടിസ്ഥാനപ്പെടുത്തി ഫ്യൂച്ചേഴ്സ് ആന്ഡ് ഓപ്ഷന്സ് വിപണിയില് നിന്നും ഇപ്പോള് ഡോളറുകള് വാങ്ങാം.
ഇനി രൂപയ്ക്ക് എതിരെ ഡോളറാണ് വീഴുന്നതെങ്കിലോ? നവംബര് കരാര് അടിസ്ഥാനപ്പെടുത്തി ഡോളറുകള് ഇപ്പോള് വില്ക്കാം. ചുരുക്കത്തില് നിക്ഷേപകന് വാങ്ങാനോ വില്ക്കാനോ നവംബര് വരെ കാത്തിരിക്കേണ്ടതില്ല. നവംബര് കേവലം ഒരു ഉദ്ദാഹരണം മാത്രമാണ്. ജൂണ്, ജൂലായ് എന്നിങ്ങനെ വിവിധ മാസങ്ങളില് കാലപരിധിയുള്ള ഫ്യൂച്ചേഴ്സ് ആന്ഡ് ഓപ്ഷന്സ് കരാറുകള് തിരഞ്ഞെടുക്കാന് അവസരമുണ്ട്.
കൈവശം ഡോളറില്ലാതെ അവ എങ്ങനെ വില്ക്കാം? ഫ്യൂച്ചേഴ്സ് ആന്ഡ് ഓപ്ഷന്സ് മാര്ഗ്ഗത്തെക്കുറിച്ചുള്ള പ്രധാന സംശയമിതാണ്. എന്നാല് എഫ് ആന്ഡ് ഓ വിപണിയില് ഡോളറുകള് കൈവശമില്ലാതെതന്നെ വില്ക്കാം. ഇതേസമയം, ഒരു കാര്യം ഓര്മ്മിക്കണം. നവംബര് കരാറിലാണ് നിങ്ങള് ഡോളറുകള് വില്ക്കുന്നതെങ്കില് നവംബര് കരാറിന്റെ കാലപരിധി തീരുംമുന്പുതന്നെ ഡോളറുകള് തിരിച്ചുവാങ്ങേണ്ടതുണ്ട്.
ഫ്യൂച്ചേഴ്സ് ആന്ഡ് ഓപ്ഷന്സ് വിപണിയില് നിന്നും ഓഹരി വാങ്ങുകയാണെങ്കില് ധാരാളമായി വേണം വാങ്ങാന്. ഉദ്ദാഹരണത്തിന് ആയിരമോ അഞ്ഞൂറോ ഓഹരികളുണ്ടാകും എഫ് ആന്ഡ് ഓ വിപണിയില് ലഭ്യമാകുന്ന ഏറ്റവും കുറഞ്ഞ പാക്കേജിന്. കറന്സി വിപണിയില് നിന്നും നിങ്ങള്ക്ക് ആയിരം ഡോളര് വാങ്ങാനോ വില്ക്കാനോ കഴിയും. എന്നാല് പ്രത്യേക മാര്ജിന് നിശ്ചയിക്കണമെന്നു മാത്രം.
എന്താണ് ഈ മാര്ജിന്?
നിങ്ങള് വിദേശത്തേക്ക് യാത്ര ചെയ്യുകയാണെന്ന് കരുതുക. ഡോളറുകള് കൈവശം വെയ്ക്കണമെങ്കില് 75,000 രൂപയോളം അടയ്ക്കേണ്ടതുണ്ട് (75 ത 1000 ഡോളര്). എന്നാല് 'എഫ് ആന്ഡ് ഓ'യില് കേവലം പത്തു ശതമാനം മാര്ജിന് അടച്ചാല് മതി. അതായത് 7,500 രൂപ. എഫ് ആന്ഡ് ഓ വിപണിയുടെ പ്രധാന ഗുണമിതാണ്. ചെറിയ തുക വെച്ച് വലിയ നിക്ഷേപങ്ങള് നടത്താം. എന്നാല് അപകടസാധ്യത കൂടുതലാണ്.
ഐഎന്ആര്-യുഎസ്ഡി എഫ് ആന്ഡ് ഓ കരാറുകളുടെ ആനുകൂല്യം
പ്രധാനമായും വിപണിയിലെ അപകട സാധ്യത കുറയ്ക്കാന് ഐഎന്ആര്-യുഎസ്ഡി ഫ്യൂച്ചേഴ്സ് ആന്ഡ് ഓപ്ഷന്സ് വ്യാപാര മാര്ഗ്ഗത്തിന് കഴിയും. കറന്സി വിപണിയില് സംഭവിക്കുന്ന പരിഭ്രാന്തി പലപ്പോഴും മൂലധന വിപണികളിലെ വിദേശ പോര്ട്ട്ഫോളിയോകളെയാണ് ബാധിക്കാറ്. എന്തായാലും നിലവില് ഇന്ത്യയില് ഈ പ്രതിസന്ധി തടുക്കാന് ആവശ്യത്തിലേറെ ഫോറക്സ് റിസര്വുകളുണ്ട്.
More From GoodReturns
എല്പിജി പ്രതിസന്ധി: ഗാര്ഹിക ഉപഭോക്താക്കള് ഇ-കെവൈസി പൂര്ത്തിയാക്കണം: ഘട്ടങ്ങള് ഇതാ
കൊച്ചി പഴയ കൊച്ചിയല്ല! റെനോ ഡെസ്റ്റര് തിരിച്ചെത്തുമ്പോള് എതിരാളികള് കൂടി, ഇനി മത്സരം കടുക്കും
ബെംഗളൂരുവിൽ നിന്നും കേരളത്തിലെത്താം, ട്രെയിൻ കിട്ടില്ലേ എന്ന പേടി വേണ്ട, ഈ ട്രെയിൻ പിടിച്ചിങ്ങ് പോര്...
പ്രതിമാസം 2000 രൂപ നിക്ഷേപിക്കാനുണ്ടോ? 40,000 രൂപ പെൻഷനുള്ള വഴി പറഞ്ഞുതരാം...
എല്പിജി ക്ഷാമം: കേരളത്തില് മാര്ച്ച് 23 ന് ഹോട്ടലുകള് അടച്ചിടും, പിഎന്ജിയിലേക്ക് മാറാന് നിര്ദ്ദേശം
കേന്ദ്രസര്ക്കാര് ഗ്യാരണ്ടിയുള്ള ചെറു സമ്പാദ്യ പദ്ധതികള്: ആകര്ഷകമായ പലിശ; നിക്ഷേപം പോസ്റ്റ് ഓഫീസ് വഴിയും
ബെംഗളൂരു: ഗ്യാസ് സിലിണ്ടര് കിട്ടാതെ ഉപഭോക്താക്കള്, ഏജന്സികള് വാണിജ്യസ്ഥാപനങ്ങള്ക്ക് മറിച്ചുവില്ക്കുന്നു?
ഇതുവരെ ഇടിഞ്ഞത് 13,520 രൂപ, പൊന്നിന്റെ തിളക്കം കുറയുന്നു, കല്യാണപാർട്ടികൾക്ക് ആശ്വാസം
Gold Rate Live: യുദ്ധത്തിൽ തകർന്ന് സ്വർണം, ഇന്നും പവന്റെ വില കുറഞ്ഞു, തത്സമയം വിവരങ്ങൾ അറിയാം
പിപിഎഫ് മുതൽ സുകന്യ സമൃദ്ധി വരെ; ചെറുകിട നിക്ഷേപ പദ്ധതികളെക്കുറിച്ച് അറിയേണ്ടതെല്ലാം
പോസ്റ്റ് ഓഫീസിൽ 1000 രൂപ നിക്ഷേപിച്ച് അക്കൗണ്ട് തുറക്കൂ; മാസം 9,250 രൂപ കയ്യിൽ വാങ്ങാം
Sign in with Google