ഗൂ​ഗിൾ പേയുണ്ടോ? എങ്കിൽ വീട്ടിലിരുന്ന് കൊണ്ട് നിങ്ങൾക്ക് കെ.എസ്.എഫ്.ഇ ചിട്ടിത്തുക അടക്കാം; എങ്ങനെ?

കേരള സ്റ്റേറ്റ് ഫിനാൻഷ്യൽ എന്റർപ്രൈസസ് ലിമിറ്റഡ് അഥവാ കെ.എസ്.എഫ്.ഇ ഏറ്റവും മികച്ച പൊതുമേഖലാ ധനകാര്യ സ്ഥാപനമാണ്. 1969 നവംബർ 6ന് തൃശൂരിലാണ് ഈ സ്ഥാപനം ആരംഭിക്കുന്നത്. അന്ന് 45 ജീവനക്കാരും 10 ശാഖകളും രണ്ട് ലക്ഷം രൂപ അടച്ച മൂലധനവുമായി കെ.എസ്.എഫ്.ഇ സ്ഥാപിതമായി. കെ.എസ്.എഫ്.ഇ എന്നത് ചിട്ടികൾക്ക് പ്രസിദ്ധമാണ്. സാധാരണക്കാരനും പണക്കാരനും ഒരുപോലെ നിക്ഷേപിക്കാൻ സാധിക്കുന്ന കെ.എസ്.എഫ്.ഇയിൽ നിരവധി മറ്റു നിക്ഷേപ ഓപ്ഷനുകളുമുണ്ട്.

എന്നാൽ കെ.എസ്.എഫ്.ഇയിൽ ചിട്ടിയടക്കാനും മറ്റും ഇപ്പോഴും ബ്രാഞ്ചിൽ പോവേണ്ടി വരുന്നത് ഏറെ പ്രയാസകരമാണ്. ബാങ്ക് ഇടപാടുകൾ പോലും ഓൺലൈനായി മാറിയ ഈ കാലഘട്ടത്തിൽ കെ.എസ്.എഫ്.ഇക്കും ഓൺലൈൻ ഇടപാടുകൾ സാധിക്കും. പലർക്കും കെ.എസ്.എഫ്.ഇയുടെ ഓൺലൈൻ ഇടപാടുകളെ കുറിച്ച് ഇപ്പോഴും അറിയില്ല. പക്ഷേ ​ഗൂ​ഗിൾ പേ വഴി നിങ്ങളുടെ കെ.എസ്.എഫ്.ഇ പ്രതിമാസ ചിട്ടിത്തുക അടക്കാൻ സാധിക്കും. അതിനാൽ വീട്ടിലിരുന്ന് തന്നെ പണം ചിട്ടിയിലേക്ക് അടക്കാൻ സാധിക്കും.

കെ.എസ്.എഫ്.ഇ ബ്രാഞ്ച്, ചിട്ടി നമ്പർ, ക്ലാസ്, ഡിവിഷൻ, ചിറ്റാൽ നമ്പർ, ചിറ്റാൽ പേര് എന്നീ വിവരങ്ങളെല്ലാം ഓൺലൈൻ പേയ്മെന്റുകൾ നടത്തുവാൻ ആവശ്യമുണ്ട്. ഇതെല്ലാം നിങ്ങളുടെ കെ.എസ്.എഫ്.ഇ പാസ്ബുക്കിൽ കാണാം. ഇനി എങ്ങനെയാണ് ഈ പേയ്മെന്റ് ചെയ്യുന്നതെന്ന് അറിയാ...

കെ.എസ്.എഫ്.ഇ ചിട്ടിത്തുക ​ഗൂ​ഗിൾ പേയിലൂടെ അടക്കാം.....

ആദ്യം https://ksfeonline.com/ എന്ന വെബ്സൈറ്റിൽ ലോഗിൻ ചെയ്യുക. വെബ്സൈറ്റിൽ പേ ചിട്ടി എന്ന ഓപ്ഷനിൽ ക്ലിക്ക് ചെയ്താൽ നിങ്ങളുടെ ചിട്ടി വിവരങ്ങൾ നൽകേണ്ടി വരും. ഈ ചിട്ടി വിവരങ്ങൾ ഇതാണ്;

• ആദ്യം ബ്രാഞ്ച് സെലക്ട് ചെയ്യുക.
• ചിട്ടി നമ്പറാണ് നൽകാം.
• ചിട്ടി ക്ലാസ്
• ചിട്ടി ഡിവിഷൻ
• ചിറ്റാൽ നമ്പറാണ്
• ചിറ്റാൽ നെയിം

വീട്ടിലിരുന്ന് ചിട്ടിത്തുക അടക്കാം, കെ.എസ്.എഫ്.ഇ പവർ ആപ്പ് ഇനിയും ഡൗൺലോഡ് ചെയ്തില്ലേ..? നേട്ടങ്ങൾ അറിയാം...

വിവിധ പേയ്മെൻ്റ് ഓപ്ഷനുകൾ...

മുകളിൽ പറഞ്ഞ വിവരങ്ങളെല്ലാം നൽകിയാൽ സെലക്ട് പേയ്മെന്റ് ഗേറ്റ്‌വേ എന്ന ഓപ്ഷനിൽ ഏതു ബാങ്ക് വഴിയാണ് പണമടക്കേണ്ടത് എന്ന് നൽകിയിരിക്കും. ആ ബാങ്കിൽ നിങ്ങൾക്ക് അക്കൗണ്ട് വേണമെന്ന് നിർബന്ധമൊന്നുമില്ല. നിങ്ങൾ ബാങ്ക് സെലക്ട് ചെയ്തു കഴിഞ്ഞാൽ പണം അടക്കാനുള്ള ഒരുപാട് ഓപ്ഷനുകൾ കാണാം. ക്രെഡിറ്റ് കാർഡ് വഴിയും യുപിഐ വഴിയും നെറ്റ് ബാങ്കിങ് വഴിയും പേയ്മെന്റ് ചെയ്യാം. ഇതിൽ നിങ്ങൾക്ക് ​ഗൂ​ഗിൾ പേ വഴി എളുപ്പത്തിൽ ഇടപാട് നടത്താം.

അതിനായി യു.പി.ഐയിൽ ഗൂഗിൾ പേ സെലക്ട് ചെയ്യുക. അവിടെ പണമടക്കാനുള്ള തുക കാണാൻ സാധിക്കും. ഇവിടെ പേ ഓപ്ഷൻ നൽകിയാൽ ​ഗൂ​ഗിൾ പേയിൽ ഈ റിക്വസ്റ്റ് വന്നിട്ടുണ്ടാകും. നമ്മൾ സാധാരണ രീതിയിൽ പേ ചെയ്യുന്നത് പോലെ ഗൂഗിൾ പേ വഴി ആ തുക അടക്കുക. പണമടച്ചു കഴിഞ്ഞാൽ അത് സക്സസ്ഫുൾ ആയി എന്ന മെസ്സേജ് വരും. ആവശ്യമെങ്കിൽ പണമടച്ചതിനുള്ള തെളിവായി രസീത് ഡൗൺലോഡ് ചെയ്യാം. ഇതിൽ പേയ്മെന്റുമായി ബന്ധപ്പെട്ട എല്ലാ വിവരങ്ങളും ഉൾപ്പെടുന്നു.