പിഎഫ് നിക്ഷേപം ഓൺലൈനിലൂടെ എങ്ങനെ പിൻവലിക്കാം? ചെയ്യേണ്ടത്

എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ (ഇപിഎഫ്ഒ) സ്ഥാപിച്ച റിട്ടയർമെന്റ് ആനുകൂല്യ പദ്ധതിയാണ് എംപ്ലോയീസ് പ്രൊവിഡന്റ് ഫണ്ട് അല്ലെങ്കിൽ ഇപിഎഫ്. ശമ്പളക്കാരായ ജോലിക്കാർക്ക് റിട്ടയർമെന്റിൽ നല്ലൊരു തുക നേടുന്നതിനുള്ള മികച്ചൊരു മാർഗമാണിത്.

നേട്ടം ഉറപ്പ്; പോസ്റ്റ്‌ ഓഫീസിന്റെ ഈ പദ്ധതികളിൽ പലിശ 7 ശതമാനത്തിലധികം

അടിയന്തരാവശ്യങ്ങളിൽ പിഎഫ് അക്കൗണ്ടിൽനിന്നും പണം പിൻവലിക്കാം. അപേക്ഷ കൊടുത്ത് ഒരാഴ്ചയ്ക്കുള്ളിൽ പണം അക്കൗണ്ടിലെത്തും. പിഎഫ് അക്കൗണ്ടിലെ പണം ഓൺലൈനായി പിൻവലിക്കുന്നതിന് ഇപിഎഫ്ഒ ​​വെബ്‌സൈറ്റിൽ ഓപ്ഷൻ നൽകിയിട്ടുണ്ട്. അതിനായി നിങ്ങൾ ചെയ്യേണ്ടത് ആധാർ കാർഡ് ലിങ്ക് ചെയ്യുക മാത്രമാണ്. നിങ്ങളുടെ തൊഴിലുടമയുടെ സാക്ഷ്യപ്പെടുത്തലിന്റെ ആവശ്യമില്ലാതെ പണം പിൻവലിക്കുന്നതിനുള്ള നടപടിക്രമങ്ങൾ പൂർത്തിയാക്കാൻ സാധിക്കും.

അക്കൗണ്ടിൽ നിന്ന് ഇപിഎഫ് പണം പിൻവലിക്കുന്നതിന് മുമ്പ് ചില കാര്യങ്ങൾ പരിശോധിക്കേണ്ടതുണ്ട്. ഇപിഎഫ് അക്കൗണ്ടുമായി ബന്ധിപ്പിച്ചിട്ടുള്ള യൂണിവേഴ്സൽ അക്കൗണ്ട് നമ്പർ (യുഎഎൻ) ആക്ടീവേറ്റായിരിക്കണം. ആധാർ നമ്പർ സാധൂകരിക്കുകയും UAN-മായി ബന്ധിപ്പിച്ചിരിക്കണം. യുഎഎൻ ഒരു ബാങ്ക് അക്കൗണ്ടുമായി ബന്ധിപ്പിച്ചിരിക്കണം.

ഇപിഎഫ് തുക എങ്ങനെ ഓൺലൈനായി പിൻവലിക്കാം

ഇപിഎഫ്ഒ വെബ്‌സൈറ്റായ www.epfindia.gov.in ൽ ലോഗിൻ ചെയ്യുക

ഓൺലൈൻ സർവീസസ് ഓപ്ഷനിൽ ക്ലിക്ക് ചെയ്ത് ക്ലെയിം ഫോം പൂരിപ്പിക്കുക.

പിഎഫ് അക്കൗണ്ടിന്റെ അവസാന 4 നമ്പറുകൾ നൽകി പരിശോധിച്ചുറപ്പിക്കുക

ഇതിന് ശേഷം Proceed For Online Claim എന്നതിൽ ക്ലിക്ക് ചെയ്ത് ഫോം 31 പൂരിപ്പിക്കുക.

പിൻവലിക്കാൻ ആഗ്രഹിക്കുന്ന തുക കൊടുക്കുക. ചെക്ക് അല്ലെങ്കിൽ ബാങ്ക് പാസ്ബുക്കിന്റെ സ്കാൻ ചെയ്ത പകർപ്പ് അപ്‌ലോഡ് ചെയ്യുക.

ആധാർ ലിങ്ക് ചെയ്ത മൊബൈലിൽ ലഭിച്ച ഒടിപി നൽകുക.

സാധാരണ സാഹചര്യങ്ങളിൽ ഇപിഎഫ് ക്ലെയിം പരിശോധിച്ച് തുക കൈമാറുന്നതിന് ഏകദേശം 20 ദിവസമെടുക്കും. ഈ സമയപരിധിക്കുള്ളിൽ അപേക്ഷകന് തുക ലഭിച്ചില്ലെങ്കിൽ റീജിയണൽ പിഎഫ് കമ്മീഷണറെ സമീപിക്കാം. ഇപിഎഫ്ഒയുടെ ഔദ്യോഗിക വെബ്‌സൈറ്റിലും ഇതു സംബന്ധിച്ച് പരാതിപ്പെടാം.