ഇന്ത്യയിലെ ഏറ്റവും വലിയ ബാങ്കായ സ്റ്റേറ്റ് ബാങ്ക് ഓഫ് ഇന്ത്യ (എസ്ബിഐ) ഇപ്പോൾ ഉപഭോക്താക്കളെ അവരുടെ പാസ്ബുക്ക് തടസ്സരഹിതമായി സ്വയമേ അപ്ഡേറ്റ് ചെയ്യാൻ അനുവദിക്കുന്നു. അക്കൗണ്ട് തുറക്കുന്ന തീയതി മുതൽ ഇടപാടുകൾ കാണാനും പ്രിന്റ് ചെയ്യാനും ഇതുവഴി ഉടമകൾക്ക് സാധിക്കും.
ബാർകോഡ് സാങ്കേതികവിദ്യ
ബാർകോഡ് സാങ്കേതികവിദ്യ ഉപയോഗിച്ചാണ് സ്വയം സേവന മോഡിൽ പാസ്ബുക്ക് അച്ചടി നടത്താൻ ഉപഭോക്താക്കൾക്ക് സാധിക്കുക. ബാങ്ക് സമയത്തിന് ശേഷവും ഉപയോക്താക്കൾക്ക് അവരുടെ സേവിംഗ്സ്, റിക്കറിംഗ് ഡിപ്പോസിറ്റ്, പിപിഎഫ് അക്കൗണ്ടുകൾ എന്നിവയുടെ പാസ്ബുക്കുകൾ ഇത്തരത്തിൽ പ്രിന്റുചെയ്യാൻ കഴിയും. നിങ്ങളുടെ പാസ്ബുക്ക് അപ്ഡേറ്റ് ചെയ്യുന്നതിന് ക്യൂവിൽ കാത്തു നിൽക്കേണ്ട ആവശ്യമില്ലെന്നാണ് ബാങ്ക് ട്വിറ്ററിലൂടെ ഉപഭോക്താക്കളെ അറിയിച്ചത്. കൂടാതെ, യോനോ ലൈറ്റ് അപ്ലിക്കേഷനിലെ എം-പാസ്ബുക്ക് വഴി പാസ്ബുക്ക് കാണാമെന്നും ബാങ്ക് വ്യക്തമാക്കി.
നിങ്ങൾ ചെയ്യേണ്ടത് എന്ത്?
- ബാർകോഡ് സ്റ്റിക്കറിനായി നിങ്ങളുടെ ബ്രാഞ്ച് സന്ദർശിക്കുക.
- കിയോസ്കിൽ നിങ്ങളുടെ ഭാഷ തിരഞ്ഞെടുക്കുക.
- നിങ്ങളുടെ പാസ്ബുക്കിന്റെ അവസാന അച്ചടിച്ച പേജ് ചേർക്കുക
- അച്ചടി ഒന്നിൽ കൂടുതൽ പേജുകൾ കവിയുന്നുവെങ്കിൽ ഓവർലീഫ് തിരിക്കുക.
എസ്ബിഐ എടിഎം കാർഡ് നാളെ മുതൽ ബ്ലോക്കാകും, ഇന്ന് തന്നെ നിങ്ങൾ ചെയ്യേണ്ടത് എന്ത്?
എം പാസ്ബുക്ക് വഴി നിങ്ങളുടെ പാസ്ബുക്ക് എങ്ങനെ കാണാം?
- എസ്ബിഐയുടെ യോനോ അപ്ലിക്കേഷനിൽ പ്രവേശിക്കുക
- 'അക്കൗണ്ടുകൾ' എന്ന ഓപ്ഷനിൽ ക്ലിക്കുചെയ്യുക
- 'മൈ ബാലൻസ്' ക്ലിക്കുചെയ്ത് സേവിംഗ്സ് അക്കൗണ്ട് തിരഞ്ഞെടുക്കുക
- നിങ്ങൾക്ക് മുഴുവൻ ഇടപാടുകളും ഇതുവഴി കാണാൻ കഴിയും
എസ്ബിഐ ഭവന വായ്പയുടെ പലിശ നിരക്ക് കുറച്ചു
സ്വയം സേവന പാസ്ബുക്ക് പ്രിന്റർ
ഉപഭോക്താവിന് അവരുടെ പാസ്ബുക്ക് സ്വയം അച്ചടിക്കാൻ കഴിയുന്ന ഒരു ഓട്ടോമേറ്റഡ് കിയോസ്കാണ് സ്വയം സേവന പാസ്ബുക്ക് പ്രിന്റർ. കവർ പേജ് മാത്രം തുറന്ന് ഉപഭോക്താവ് പാസ്ബുക്ക് നൽകണം. എസ്ബിഐയുടെ ഓട്ടോമേറ്റഡ് പാസ്ബുക്ക് പ്രിന്റിംഗ് സൗകര്യത്തിന്റെ പേര് തന്നെ 'സ്വയം' എന്നാണ്. ഇതുവഴി നിങ്ങൾക്ക് പാസ്ബുക്കിന്റെ തടസ്സരഹിതമായ അപ്ഡേറ്റ് ലഭിക്കുകയും സമയം ലാഭിക്കുകയും ചെയ്യാം.
ജനുവരി 1 മുതൽ എടിഎമ്മിൽ നിന്ന് കാശ് പിൻവലിക്കാൻ പുതിയ രീതി