മറ്റ് ബാങ്കുകളെപ്പോലെ തന്നെ സ്റ്റേറ്റ് ബാങ്ക് ഓഫ് ഇന്ത്യയും ഉപഭോക്താക്കൾക്ക് റിക്കറിംഗ് ഡിപ്പോസിറ്റ് സേവനം വാഗ്ദാനം ചെയ്യുന്നുണ്ട്. ഈ നിക്ഷേപത്തിലൂടെ ദീർഘകാലാടിസ്ഥാനത്തിൽ ഓരോ മാസവും നിശ്ചിത തുക ശേഖരിച്ച് വലിയ തുക സമ്പാദിക്കാവുന്നതാണ്. ഉപഭോക്താക്കൾക്ക് എസ്ബിഐ ആർഡി അക്കൌണ്ടിൽ നിന്ന് വായ്പയും ലഭിക്കും. എസ്ബിഐ ആർഡി അക്കൌണ്ടിനെക്കുറിച്ച് നിങ്ങൾ തീർച്ചയായും അറിയേണ്ട ചില കാര്യങ്ങൾ ഇതാ..
കാലാവധി
എസ്ബിഐ റിക്കറിംഗ് നിക്ഷേപം 12 മാസം മുതൽ 10 വർഷം വരെ അല്ലെങ്കിൽ 120 മാസം വരെ കാലാവധികളിൽ ലഭ്യമാണ്. എസ്ബിഐയുടെ എല്ലാ ശാഖകളിലും ഈ സൗകര്യം ലഭ്യമാണ്. നിങ്ങൾക്ക് ഇതിനകം തന്നെ എസ്ബിഐയിൽ ഒരു സേവിംഗ്സ് ബാങ്ക് അക്കൌണ്ട് ഉണ്ടെങ്കിൽ, നിങ്ങൾക്ക് ഓൺലൈനിലും ആർഡി അക്കൌണ്ട് തുറക്കാൻ കഴിയും. എല്ലാ മാസവും നിങ്ങളുടെ ആർഡി അക്കൌണ്ടിൽ നിക്ഷേപിക്കാൻ ആഗ്രഹിക്കുന്ന തുക നിങ്ങളുടെ സേവിംഗ്സ് അക്കൌണ്ടിൽ നിന്ന് ഡെബിറ്റ് ചെയ്യപ്പെടും.
നിക്ഷേപ പരിധി
ഒരാൾക്ക് കുറഞ്ഞത് 100 രൂപ ഒരു എസ്ബിഐ ആർഡി അക്കൌണ്ടിലും അതിനുശേഷം 10 രൂപയുടെ ഗുണിതത്തിലും നിക്ഷേപം നടത്താം. നിക്ഷേപ തുകയ്ക്ക് ഉയർന്ന പരിധിയില്ല.
പോസ്റ്റ് ഓഫീസ് റിക്കറിംഗ് ഡിപ്പോസിറ്റ്: പുതുക്കിയ പലിശ നിരക്ക് എത്രയെന്ന് അറിയണ്ടേ?
പിഴ
5 വർഷം വരെ കാലാവധിയുള്ള ആർഡികളിൽ നിക്ഷേപം നടത്താൻ കാലതാമസം നേരിട്ടാൽ, പ്രതിമാസം 100 രൂപയ്ക്ക് 1.50 രൂപ പിഴ ഈടാക്കും. 5 വർഷത്തിൽ കൂടുതൽ കാലാവധിയുള്ള ആർഡികൾക്ക് പ്രതിമാസം 100 രൂപയ്ക്ക് 2.00 രൂപ പിഴ ഈടാക്കും. തുടർച്ചയായി മൂന്നോ അതിലധികമോ തവണകളിൽ നിക്ഷേപം നടത്താൻ കാലതാമസം നേരിട്ടാൽ ആർഡി അക്കൌണ്ടുകളിൽ നിന്ന് 10 രൂപ ഈടാക്കും.
റിക്കറിംഗ് ഡിപ്പോസിറ്റിന് എസ്ബിഐ ആണോ പോസ്റ്റ് ഓഫീസ് ആണോ ബെസ്റ്റ്?
പലിശ നിരക്ക്
ആർഡിയിൽ ബാധകമായ പലിശ നിരക്ക് ടേം ഡെപ്പോസിറ്റിന് തുല്യമായിരിക്കും. എസ്ബിഐ സ്റ്റാഫുകൾക്കും പെൻഷൻകാർക്കും, സാധാരണ നിരക്കിനേക്കാൾ 1% അധിക പലിശയും മുതിർന്ന പൗരന്മാർക്ക് സാധാരണ നിരക്കിനേക്കാൾ 0.50 ശതമാനം അധിക പലിശയും ലഭിക്കും. നിക്ഷേപ തുകയുടെ 90% വരെ നിങ്ങൾക്ക് വായ്പയായി ലഭിക്കും.
അക്കൌണ്ട് ക്ലോസ് ചെയ്യും
തുടർച്ചയായി ആറ് തവണകളായി നിക്ഷേപം നടത്തിയില്ലെങ്കിൽ ആർഡി അക്കൗണ്ട് ക്ലോസ് ചെയ്യുകയും ബാക്കി തുക അക്കൗണ്ട് ഉടമയ്ക്ക് നൽകുകയും ചെയ്യും.
കൈയിലുള്ള വെറും 10 രൂപ മുതൽ ആർക്കും നിക്ഷേപിക്കാം; ആർഡിയ്ക്ക് ബെസ്റ്റ് എസ്ബിഐയോ പോസ്റ്റ് ഓഫീസോ?