മികച്ച റിസ്‌ക് റിവാര്‍ഡ്; വരുന്നയാഴ്ച വാങ്ങാവുന്ന 5 ഓഹരികള്‍; പട്ടികയില്‍ അശോക് ലെയ്‌ലാന്‍ഡും

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

തുടര്‍ച്ചയായ നാലാമത്തെ വ്യാപാര ആഴ്ചയാണ് പ്രധാന സൂചികകള്‍ നേട്ടത്തോടെ വ്യാപാരം പൂര്‍ത്തിയാക്കുന്നത്. ഇതോടെ വിപണിയും നാലു മാസത്തെ ഉയര്‍ന്ന നിലവാരത്തിലേക്ക് എത്തിച്ചേര്‍ന്നു. ടെക്നിക്കലായി വിലയിരുത്തിയാല്‍ ചാര്‍ട്ടില്‍ തുടര്‍ച്ചയായി 'ഹയര്‍ ടോപ് ഹയര്‍ ബോട്ടം' പ്രകടമാകുന്നത് പോസിറ്റീവ് സൂചനയാണ്.

 

നിഫ്റ്റി

നിഫ്റ്റിയുടെ ആഴ്ച കാലയളവിലെ ചാര്‍ട്ടിലും ബുള്ളിഷ് കാന്‍ഡിലാണ് രൂപപ്പെട്ടിരിക്കുന്നത്. എന്നിരുന്നാലും 17,900/ 18,000 നിലവാരത്തില്‍ ശക്തമായ പ്രതിരോധം നേരിടാം. ഇതിനോടൊപ്പം ഉയര്‍ന്ന നിലവാരത്തില്‍ ലാഭമെടുപ്പിനുള്ള സാധ്യതയും ടെക്നിക്കല്‍ സൂചികകളായ സ്റ്റോക്കാസ്റ്റിക്കും ആര്‍എസ്ഐയും നല്‍കുന്നു. ഓവര്‍ബോട്ട് (Overbought) മേഖലയിലേക്ക് നിഫ്റ്റി സൂചിക താത്കാലികമായി കടന്നതോടെ സ്ഥിരതയാര്‍ജിക്കലിന്റെ പാതയിലേക്കും ഇനി മാറിയേക്കാം. അതേസമയം 17,400/ 17,300 നിലവാരത്തിലാണ് നിഫ്റ്റിയുടെ തൊട്ടടുത്ത സപ്പോര്‍ട്ട്. വരുന്നയാഴ്ച വാങ്ങാവുന്ന 5 ഓഹരികള്‍ ചുവടെ ചേര്‍ക്കുന്നു.

Also Read: 100 രൂപയില്‍ നിന്നുള്ള ഈ ടാറ്റ മള്‍ട്ടിബാഗറിന്റെ കുതിപ്പ് 10,000 കടന്നു; അന്നത്തെ 1 ലക്ഷം 1 കോടിയായി!Also Read: 100 രൂപയില്‍ നിന്നുള്ള ഈ ടാറ്റ മള്‍ട്ടിബാഗറിന്റെ കുതിപ്പ് 10,000 കടന്നു; അന്നത്തെ 1 ലക്ഷം 1 കോടിയായി!

എപില്‍ അപ്പോളോ ട്യൂബ്‌സ്

എപില്‍ അപ്പോളോ ട്യൂബ്‌സ്

രാജ്യത്തെ മുന്‍നിര ബ്രാന്‍ഡഡ് സ്റ്റീല്‍ ഉത്പന്നങ്ങളുടെ നിര്‍മാതാക്കളായ എപിഎല്‍ അപ്പോളോ ട്യൂബ്‌സിന്റെ ഓഹരികള്‍ 1,080-നും 1,100 രൂപയ്ക്കും ഇടയില്‍ നില്‍ക്കുമ്പോള്‍ വാങ്ങാമെന്ന് ഏഞ്ചല്‍ വണ്‍ നിര്‍ദേശിച്ചു. ഇവിടെ നിന്നും 1,260 രൂപയിലേക്ക് ഓഹരി വില മുന്നേറാം. ഇതിലൂടെ ഹ്രസ്വകാലയളവില്‍ 17 ശതമാനം നേട്ടമാണ് ഈ മിഡ് കാപ് ഓഹരിയില്‍ നിന്നും പ്രതീക്ഷിക്കുന്നത്. ഈ ട്രേഡിനുള്ള സ്‌റ്റോപ് ലോസ് 1,020 രൂപയില്‍ ക്രമീകരിക്കണമെന്നും ബ്രോക്കറേജ് സ്ഥാപനം വ്യക്തമാക്കി.

എപില്‍ അപ്പോളോ ട്യൂബ്‌സ് (BSE: 533758, NSE : APLAPOLLO) ഓഹരിയുടെ റെക്കോഡ് നിലവാരത്തിന് സമീപമാണ് തങ്ങിനില്‍ക്കുന്നത്. ഉയര്‍ന്ന ഇടപാടുകളുടെ എണ്ണവും ബുള്ളിഷ് കുതിപ്പിന് അടിവരയിടുന്നു.

എസ്ബിഐ ലൈഫ്

എസ്ബിഐ ലൈഫ്

പ്രമുഖ ഇന്‍ഷൂറന്‍സ് സേവനദാതാവും എസ്ബിഐയുടെ ഉപകമ്പനിയുമായ എസ്ബിഐ ലൈഫ് ഇന്‍ഷൂറന്‍സ് ഓഹരികള്‍ 1,270- 1,280 രൂപ നിലവാരത്തിനിടയില്‍ നില്‍ക്കുമ്പോള്‍ വാങ്ങാമെന്ന് ഏഞ്ചല്‍ വണ്‍ നിര്‍ദേശിച്ചു. ഇവിടെ നിന്നും 1,400 രൂപയിലേക്ക് ഓഹരി വില കുതിക്കാം. ഇതിലൂടെ ഹ്രസ്വകാലയളവില്‍ 10 ശതമാനം നേട്ടമാണ് ഈ ലാര്‍ജ് കാപ് ഓഹരിയില്‍ നിന്നും ലക്ഷ്യമിടുന്നത്. ഈ ട്രേഡിനുള്ള സ്‌റ്റോപ് ലോസ് 1,220 രൂപയില്‍ ക്രമീകരിക്കണമെന്നും ബ്രോക്കറേജ് സ്ഥാപനം വ്യക്തമാക്കി.

ഇടക്കാലയളവിലെ സപ്പോര്‍ട്ട് നിലവാരത്തില്‍ നിന്നും എസ്ബിഐ ലൈഫ് (BSE: 540719, NSE : SBILIFE) പിന്തുണയാര്‍ജിച്ച് കരകയറുകയാണ്. ഓഹരിയുടെ ചാര്‍ട്ടില്‍ കുതിപ്പിനുള്ള സൂചനയായ 'ഫ്‌ലാഗ് & പെന്നന്റ്' പാറ്റേണ്‍ രൂപപ്പെടുന്നു.

വോള്‍ട്ടാസ്

വോള്‍ട്ടാസ്

ടാറ്റ ഗ്രൂപ്പിന്റെ ഭാഗവും ഇന്ത്യയിലെ പ്രമുഖ കണ്‍സ്യൂമര്‍ ഇലക്ട്രോണിക്‌സ് കമ്പനിയുമായ വോള്‍ട്ടാസിന്റെ ഓഹരികള്‍ 1,000 രൂപ നിലവാരത്തില്‍ നില്‍ക്കുമ്പോള്‍ വാങ്ങാമെന്ന് ഏഞ്ചല്‍ വണ്‍ നിര്‍ദേശിച്ചു. ഇവിടെ നിന്നും 1,080 രൂപയിലേക്ക് ഓഹരി വില മുന്നേറാം. ഇതിലൂടെ ഹ്രസ്വകാലയളവില്‍ 8 ശതമാനം നേട്ടമാണ് ഈ ലാര്‍ജ് കാപ് ഓഹരിയില്‍ നിന്നും പ്രതീക്ഷിക്കുന്നത്. ഈ ട്രേഡിനുള്ള സ്‌റ്റോപ് ലോസ് 958 രൂപയില്‍ ക്രമീകരിക്കണമെന്നും ബ്രോക്കറേജ് സ്ഥാപനം വ്യക്തമാക്കി.

വോള്‍ട്ടാസ് (BSE: 500575, NSE : VOLTAS) ഓഹരികള്‍ 'റൈസിങ് ചാനലി'ലാണ് വ്യാപാരം പുരോഗമിക്കുന്നത്. നിലവില്‍ റൈസിങ് ചാനലിന്റെ ലോവര്‍ ബാന്‍ഡില്‍ നിന്നും പിന്‍തിരിഞ്ഞ് മുകളിലേക്ക് നീങ്ങുകയാണ്.

അശോക ലെയ്‌ലാന്‍ഡ്

അശോക ലെയ്‌ലാന്‍ഡ്

പ്രമുഖ വാഹന നിര്‍മാതാക്കളായ അശോക് ലെയ്‌ലാന്‍ഡിന്റെ ഓഹരികള്‍ 146 രൂപയില്‍ നിന്നും വാങ്ങാമെന്ന് ഏഞ്ചല്‍ വണ്‍ നിര്‍ദേശിച്ചു. ഈ നിലവാരത്തില്‍ നിന്നും 154 രൂപയിലേക്ക് ഓഹരി വില കുതിക്കാം. ഇതിലൂടെ ഹ്രസ്വകാലയളവില്‍ 6 ശതമാനം നേട്ടമാണ് ഈ ലാര്‍ജ് കാപ് ഓഹരിയില്‍ നിന്നും ലക്ഷ്യമിടുന്നത്. ഈ ട്രേഡിനുള്ള സ്‌റ്റോപ് ലോസ് 141 രൂപയില്‍ ക്രമീകരിക്കണമെന്നും ബ്രോക്കറേജ് സ്ഥാപനം വ്യക്തമാക്കി.

കഴിഞ്ഞ കുറെ നാളുകളായി ചുരുങ്ങിയ റേഞ്ചിനുള്ളിലാണ് അശോക ലെയ്‌ലാന്‍ഡ് (BSE: 500477, NSE : ASHOKLEY) ഓഹരി തങ്ങിനില്‍ക്കുന്നത്. എങ്കിലും ഓഹരി പ്രധാനപ്പെട്ട എല്ലാ ഇഎംഎ നിലവാരങ്ങള്‍ക്കും മുകളിലേക്കെത്തി. ആര്‍എസ്‌ഐ സൂചകത്തില്‍ പോസിറ്റീവ് ക്രോസ്ഓവര്‍ ദൃശ്യമാണ്.

Also Read: ഓഹരി ഇരട്ടിക്കും! വരുന്നയാഴ്ച സ്റ്റോക്ക് സ്പ്ലിറ്റ് ചെയ്യുന്ന 2 കമ്പനികള്‍; കൈവശമുണ്ടോ?Also Read: ഓഹരി ഇരട്ടിക്കും! വരുന്നയാഴ്ച സ്റ്റോക്ക് സ്പ്ലിറ്റ് ചെയ്യുന്ന 2 കമ്പനികള്‍; കൈവശമുണ്ടോ?

യുണൈറ്റഡ് ബ്രുവറീസ്

യുണൈറ്റഡ് ബ്രുവറീസ്

രാജ്യത്തെ ഏറ്റവും വലിയ ബിയര്‍ ഉത്പാദകരിലൊന്നായ യുണൈറ്റഡ് ബ്രുവറീസിന്റെ ഓഹരികള്‍ 1,630- 1640 രൂപ നിലവാരത്തിനിടയില്‍ നില്‍ക്കുമ്പോള്‍ വാങ്ങാമെന്ന് ഏഞ്ചല്‍ വണ്‍ നിര്‍ദേശിച്ചു. ഇവിടെ നിന്നും 1,720 രൂപയിലേക്ക് ഓഹരി വില മുന്നേറാം. ഇതിലൂടെ ഹ്രസ്വകാലയളവില്‍ 6 ശതമാനം നേട്ടമാണ് ഈ ലാര്‍ജ് കാപ് ഓഹരിയില്‍ നിന്നും പ്രതീക്ഷിക്കുന്നത്. ഈ ട്രേഡിനുള്ള സ്‌റ്റോപ് ലോസ് 1,570 രൂപയില്‍ ക്രമീകരിക്കണമെന്നും ബ്രോക്കറേജ് സ്ഥാപനം വ്യക്തമാക്കി.

യുണൈറ്റഡ് ബ്രുവറീസ് (BSE: 532478, NSE : UBL) ഓഹരികള്‍ പ്രധാനപ്പെട്ട എല്ലാ ഇഎംഎ നിലവാരങ്ങള്‍ക്കും മുകളിലേക്കെത്തി. ആര്‍എസ്‌ഐ സൂചകത്തില്‍ പോസിറ്റീവ് ക്രോസ്ഓവര്‍ പ്രകടമായി. അടുത്തിടെയുള്ള ബ്രേക്കൗട്ട് മേഖലയില്‍ നിന്നും പിന്തുണയാര്‍ജിച്ചു.

അറിയിപ്പ്

അറിയിപ്പ്

മുകളില്‍ കൊടുത്തിരിക്കുന്ന ലേഖനം ഏഞ്ചല്‍ വണ്‍ പുറത്തിറക്കിയ റിപ്പോര്‍ട്ടിനെ അടിസ്ഥാനപ്പെടുത്തിയും പഠനാവശ്യത്തിന് നല്‍കുന്നതുമാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ എടുക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭ നഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.

Read more about: stocks shares stock market
English summary

Short Term Stocks To Buy: Good Risk Reward 5 Shares Include SBI Life And Ashok Leyland

Short Term Stocks To Buy: Good Risk Reward 5 Shares Include SBI Life And Ashok Leyland
Story first published: Saturday, August 13, 2022, 18:27 [IST]
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X