800ന് മുകളിൽ ക്രെഡിറ്റ് സ്കോർ സ്വന്തമാക്കാം... ചെയ്യേണ്ടത് ഇത്രമാത്രം

ഒരാളുടെ സാമ്പത്തിക ആരോഗ്യം മനസിലാക്കുന്നതിന് ബാങ്കുകളുൾപ്പടെയുള്ള ധനകാര്യ സ്ഥാപനങ്ങൾ ഉപയോഗിക്കുന്ന അളവുകോലാണ് ക്രെഡിറ്റ് സ്കോർ. ഓരോ വ്യക്തികളുടെയും സാമ്പത്തിക വിനയോഗം, വിശ്വാസ്യതയെല്ലാം അക്കത്തിൽ ഇവിടെ കണക്കാക്കപ്പെടുന്നു. വിവിധ വായ്പകളെടുക്കുമ്പോഴും ക്രെഡിറ്റ് കാർഡുകളെടുക്കുമ്പോഴുമെല്ലാം പ്രധാന മാനദണ്ഡമായും മികച്ച ക്രെഡിറ്റ് സ്കോർ പരിഗണിക്കപ്പെടുന്നു. ഒരാൾക്ക് പണം വായ്പ നൽകുന്നതുമായി ബന്ധപ്പെട്ട അപകട സാധ്യത വിലയിരുത്തുന്നതിനുള്ള ഒരു പ്രധാന ഘടമായാണ് ധനകാര്യ സ്ഥാപനങ്ങൾ ക്രെഡിറ്റ് സ്കോർ ഉപയോഗിക്കുന്നത്.

വായ്പ ലഭ്യമാകാൻ മാത്രമല്ല, എളുപ്പത്തിൽ ലഭ്യമാകുന്നതിനും മികച്ച സ്കീമുകൾക്കുള്ളിൽ ലഭിക്കുന്നതിനും കുറഞ്ഞ പലിശ നിരക്കിനുമെല്ലാം മികച്ച ക്രെഡിറ്റ് സ്കോർ സഹായിക്കും. കാരണം, ഉയർന്ന ക്രെഡിറ്റ് സ്കോർ കുറഞ്ഞ അപകട സാധ്യത സൂചിപ്പിക്കുന്നു. അതേസമയം, ക്രെഡിറ്റ് സ്കോർ കുറഞ്ഞിരിക്കുന്നത് വായ്പ ലഭിക്കുന്നതിന് തടസമാകുകയോ ഉയർന്ന പലിശ നിരക്കിന് കാരണമാവുകയോ ചെയ്തേക്കാം. സാമ്പത്തിക സ്ഥിരതയ്ക്കും വിവിധ ആവശ്യങ്ങളിൽ പ്രയോജനപ്പെടുത്തുന്നതിനും ആരോഗ്യകരമായ ക്രെഡിറ്റ് സ്കോർ നിലനിർത്തേണ്ടത് അത്യാവശ്യമാണ്. 800ന് മുകളിൽ ക്രെഡിറ്റ് സ്കോർ നിലനിർത്തുന്നത് ശരിയായ കാര്യമായി പരിഗണിക്കപ്പെടുന്ന സാഹചര്യത്തിൽ അതിന് എന്തൊക്കെ ചെയ്യാമെന്ന് നോക്കാം.

കൃത്യസമയത്ത് തിരിച്ചടവ്: മുഴുവൻ കുടിശികയും തിരിച്ചടയ്ക്കാൻ സാധിക്കുന്നില്ലെങ്കിൽ കുറഞ്ഞ പ്രതിമാസ തവണയെങ്കിലും കൃത്യസമയത്ത് അടയ്ക്കുക. തവണമുടക്കം ഒഴിവാക്കേണ്ടത് പരമപ്രധാനമാണ്. ക്രെഡിറ്റ് കാർഡ് പേമെന്റുകൾ ഓട്ടോമേറ്റ് ചെയ്യുകയും സമയപരിധിക്ക് മുൻപ് തന്നെ കുടിശിക തീർക്കുകയും ചെയ്യുക.

പരിധിക്കുള്ളിൽ ചെലവ് ചെയ്യുക: ഉയർന്ന ക്രെഡിറ്റ് യൂട്ടിലൈസേഷൻ റേഷ്യോ (CUR) ക്രെഡിറ്റ് സ്‌കോറിനെ ബാധിക്കും. രു മാസത്തിനുള്ളിൽ നിങ്ങളുടെ ലഭ്യമായ ചെലവ് പരിധിയുടെ ശതമാനമാണിത്. 30 ശതമാനമോ അതിൽ കുറവോ ആയി നിലനിർത്തുക

സ്ഥിര നിക്ഷേപത്തിന് 8.50% പലിശ നേടാം, 2 വർഷം നിക്ഷേപിച്ചാൽ മതി; കൂടുതലറിയാം

മുഴുവൻ തുകയും തിരിച്ചടയ്ക്കാം: കുടിശികയിൽ ഏറ്റവും കുറഞ്ഞ തിരിച്ചടവ് തുക തന്നെ അടച്ചുകൊണ്ടിരിക്കുകയാണെങ്കിൽ പലിശയ്ക്കനുസരിച്ച് കുടിശികയും വർദ്ധിച്ചുകൊണ്ടിരിക്കും. ഇത് ക്രെഡിറ്റ് യൂട്ടിലൈസേഷൻ റേഷ്യോ വർധിക്കുന്നതിനും ക്രെഡിറ്റ് സ്കോർ കുറയുന്നതിനും കാരണമാകുന്നു. അതുകൊണ്ട് തന്നെ പരമാവധി മുഴുവൻ തുകയും നിശ്ചിത സമയത്തിനുള്ളിൽ ഒന്നിച്ച് തിരിച്ചടയ്ക്കാൻ ശ്രമിക്കുക.

ക്രെഡിറ്റ് കാർഡ് റദ്ദാക്കാതിരിക്കുക: അത്ര അത്യാവശ്യമല്ലെങ്കിൽ ക്രെഡിറ്റ് കാർഡ് റദ്ദാക്കാതിരിക്കുക. നിങ്ങളുടെ ക്രെഡിറ്റ് കാർഡ് എത്രത്തോളം പഴയതാണോ അത്രയും നല്ലത് നിങ്ങളുടെ ക്രെഡിറ്റ് സ്‌കോറിനാണ്. നിങ്ങൾ ഈ ക്രെഡിറ്റ് ലൈനിൽ പ്രശ്‌നങ്ങളിൽ ഏർപ്പെടാതെ വർഷങ്ങളായി മുറുകെ പിടിച്ചിട്ടുണ്ടെന്ന് ഇത് കാണിക്കുന്നു. അതേസമയം, മെച്ചപ്പെട്ട ആനുകൂല്യങ്ങളുള്ള ഒരു അപ്‌ഗ്രേഡഡ് കാർഡിനായി നിങ്ങളുടെ ബാങ്കിനോട് ആവശ്യപ്പെടാം.

കൂടുതൽ കാർഡുകളും വായ്പകളും ഒഴിവാക്കുക: നിങ്ങളുടെ ആവശ്യവും യോഗ്യതയും തിരിച്ചടവ് സാധ്യതകളും മനസിലാക്കി ശരിയായ തിരഞ്ഞെടുപ്പ് നടത്തുക. ഓരോ തവണയും നിങ്ങൾ ഒരു ക്രെഡിറ്റ് ലൈനിനായി അപേക്ഷിക്കുമ്പോൾ, കടം കൊടുക്കുന്നയാൾ നിങ്ങളുടെ ക്രെഡിറ്റ് ചരിത്രം പരിശോധിക്കുന്നു. ഇതിനെ നിങ്ങളുടെ ക്രെഡിറ്റ് സ്‌കോറിന്റെ 'ഹാർഡ്' ചെക്ക് എന്ന് വിളിക്കുന്നു. ഓരോ ഹാർഡ് ചെക്കും നിങ്ങളുടെ സ്കോർ നേരിയ തോതിൽ കുറയ്ക്കുന്നു. നിരവധി പരിശോധനകൾ നിങ്ങളുടെ സ്കോർ ഗണ്യമായി കുറയ്ക്കും.

ക്രെഡിറ്റ് കാർഡ് ഉപയോഗിക്കുക: വാലറ്റിൽ സൂക്ഷിക്കുക മാത്രം ചെയ്യാതെ കൃത്യമായി ക്രെഡിറ്റ് കാർഡുകൾ ഉപയോഗപ്പെടുത്തുക. സമയബന്ധിതവും പൂർണ്ണവുമായ തിരിച്ചടവോടുകൂടിയ സജീവമായ ക്രെഡിറ്റ് ജീവിതം നിങ്ങളുടെ സ്കോർ ഓരോന്നായി മെച്ചപ്പെടുത്തുകയും മറ്റ് പേയ്‌മെന്റ് രീതികൾ നൽകാത്ത റിവാർഡുകളും ഡീലുകളും ഡിസ്‌കൗണ്ടുകളും നിങ്ങൾക്ക് നൽകുകയും ചെയ്യും.