മ്യൂച്വൽ ഫണ്ടിൽ നിക്ഷേപിക്കുന്നതുവഴി ആദായനികുതി ആനുകൂല്യങ്ങൾ ലഭിക്കാൻ; അറിഞ്ഞിരിക്കണം ഈ കാര്യങ്ങൾ

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

ഒരോ സാമ്പത്തിക വർഷം അവസാനിക്കുമ്പോഴും സ്ഥിരവരുമാനക്കാരും ബിസിനസുകാരും ഉൾപ്പെടെ മിക്ക ആളുകളും ആദായ നികുതി ഇളവ് ലഭിക്കാനുള്ള നെട്ടോട്ടത്തിലായിരിക്കും. എന്നാൽ പുതിയ സാമ്പത്തിക വര്‍ഷം ആരംഭിക്കുമ്പോൾ തന്നെ കൃത്യമായ പ്ലാനിംഗുകളോടെ മുന്നോട്ടു പോയാല്‍ ഈ സാഹചര്യം ഒഴിവാക്കാം. ഇങ്ങനെ മാർച്ച് മാസത്തിന്റെ അവസാനം നികുതി ഇളവ് അന്വേഷണങ്ങളുമായി ഇറങ്ങുന്നത്, ഒഴിവാക്കാമായിരുന്ന നികുതി പോലും അടയ്ക്കേണ്ടി വരുന്ന സാഹചര്യം ഉണ്ടാക്കാം.

 

1

ചിട്ടയായതും നിയമപരവുമായ സമ്പാദ്യമാര്‍ഗങ്ങളിലൂടെ ആദായ നികുതി ഇളവ് ലഭിക്കാൻ നിരവധി മാര്‍ഗങ്ങളാണ് നമുക്ക് മുന്നിലുള്ളത്. അതിൽ ഒന്നാണ് മ്യൂച്വൽ ഫണ്ട്. നികുതി ലാഭിക്കുന്ന മ്യൂച്വൽ ഫണ്ടുകളിൽ നിക്ഷേപിക്കുന്നത് ആദായനികുതി നിയമത്തിലെ സെക്ഷൻ 80 സി പ്രകാരം നികുതി ആനുകൂല്യങ്ങൾക്ക് അർഹമാണ്. 1961-ലെ ആദായനികുതി നിയമത്തിലെ സെക്ഷൻ 80സി പ്രകാരമുള്ള ഏതെങ്കിലും ഓപ്ഷനുകളിൽ നിക്ഷേപിക്കുന്നത് നികുതിദായകർക്ക് പ്രതിവർഷം 1,50,000 രൂപ വരെ നികുതിയിളവ് ലഭിക്കും. മ്യൂച്വൽ ഫണ്ടുകളിൽ, ഇക്വിറ്റി-ലിങ്ക്‌ഡ് സേവിംഗ്‌സ് സ്‌കീമുകൾ (ഇഎൽഎസ്എസ്) നികുതി ലാഭത്തിനായി പ്രത്യേകം രൂപകൽപ്പന ചെയ്തിട്ടുള്ളവയാണ്.

2

നികുതി ആനുകൂല്യങ്ങൾ ലഭിക്കുന്ന മ്യൂച്വൽ ഫണ്ടുകളെക്കുറിച്ച് അറിയേണ്ട പ്രധാന കാര്യങ്ങൾ ഇവയാണ്:

മൂന്നു വർഷം നിക്ഷേപ കാലയളവുള്ള, നികുതി ആനുകൂല്യങ്ങൾ ലഭിക്കുന്ന മ്യൂച്വൽ ഫണ്ടായ ഇക്വിറ്റി ലിങ്ക്‌ഡ് സേവിംഗ്‌സ് സ്‌കീം (ഇഎൽഎസ്എസ്) ഒരു ഓപ്പൺ-എൻഡ് ഇക്വിറ്റി-ലിങ്ക്ഡ് സേവിംഗ് സ്കീമാണ്. ഒറ്റത്തവണയായോ മാസ തവണകളായോ ഈ സ്‌കീമില്‍ നിക്ഷേപിക്കാം. സെക്ഷൻ 80സി-യിലെ വ്യവസ്ഥകൾ‌ പ്രകാരമാണ് ഇഎൽഎസ്എസ് നിക്ഷേപങ്ങൾക്ക് നികുതിയിളവുകൾ ലഭിക്കുന്നത്. ഓണ്‍ലൈനായോ അഡ്വൈസര്‍മാരുടെ സഹായം തേടിയോ ഈ പദ്ധതിയില്‍ ചേരാം. നിലവില്‍ പരമാവധി 1,50,000 രൂപ വരെയുള്ള നിക്ഷേപത്തിന് നികുതിയിളവ് ലഭിക്കും.

 

3

പരമ്പരാഗത നികുതി ലാഭിക്കൽ ഓപ്‌ഷനുകളായ എംപ്ലോയീസ് പ്രൊവിഡന്റ് ഫണ്ട് (ഇപിഎഫ്), പബ്ലിക് പ്രൊവിഡന്റ് ഫണ്ട് (പിപിഎഫ്), ബാങ്ക് ഫിക്‌സഡ് ഡെപ്പോസിറ്റുകൾ (എഫ്ഡി) എന്നിവയിൽ നിക്ഷേപിക്കുന്നതിലൂടെ, നിങ്ങളുടെ വരുമാനം ഒരു വർഷത്തിൽ 9 ശതമാനത്തിൽ താഴെയായി പരിമിതപ്പെടുത്തുന്നു. എന്നാൽ ഇഎൽഎസ്എസിൽ നിക്ഷേപിക്കുന്നതിലൂടെ, നികുതിയിളവിന്റെയും സമ്പത്ത് ശേഖരണത്തിന്റെയും ഇരട്ട ആനുകൂല്യം നിങ്ങൾക്ക് ലഭിക്കും. അതായത് എഫ്‌ഡികളുമായി താരതമ്യപ്പെടുത്തുമ്പോൾ, പണപ്പെരുപ്പത്തെ കാര്യക്ഷമമായി മറികടക്കാൻ ഇഎൽഎസ്എസ് ഉയർന്ന വരുമാനം നൽകുന്നു. എന്നാൽ ഇഎൽഎസ്എസ് നിക്ഷേപങ്ങൾ വിപണിയിലെ അപകടസാധ്യതകൾക്ക് വിധേയമായതിനാൽ വരുമാനം ഉറപ്പില്ല എന്നത് നിക്ഷേപകർ പ്രധാനമായും ശ്രദ്ധിക്കേണ്ട ഒരു കാര്യമാണ്.

English summary

മ്യൂച്വൽ ഫണ്ടിൽ നിക്ഷേപിക്കുന്നതുവഴി ആദായനികുതി ആനുകൂല്യങ്ങൾ ലഭിക്കാൻ; അറിഞ്ഞിരിക്കണം ഈ കാര്യങ്ങൾ

things to know about to get income tax benefits by investing in a mutual fund
Company Search
Thousands of Goodreturn readers receive our evening newsletter.
Have you subscribed?
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X