പേഴ്സണൽ ലോൺ നേരത്തെ അടച്ചുതീർത്താൽ! പിഴ മുതൽ നേട്ടങ്ങൾ വരെ, അറിയേണ്ടതെല്ലാം

അത്യാവശ്യ ഘട്ടത്തിൽ ആളുകൾ പ്രയോജനപ്പെടുത്തുന്ന സാമ്പത്തിക ഉപകരണങ്ങളിൽ ഒന്നാണ് പേഴ്സണൽ ലോൺ അഥവ വ്യക്തിഗത വായ്പ. എന്നാൽ പലപ്പോഴും ഇത് ഹ്രസ്വാകാല ആവശ്യങ്ങളാകാനുള്ള സാധ്യത കൂടുതലാണ്. അങ്ങനെ വരുന്ന സാഹചര്യങ്ങളിൽ വേഗത്തിൽ ലോൺ അടച്ചുതീർക്കാൻ അവസരമുണ്ട്. ഇങ്ങനെ ചെയ്യുമ്പോൾ ബാങ്കുകളും അല്ലെങ്കിൽ വായ്പ നൽകിയ മറ്റേതെങ്കിലും ധനകാര്യ സ്ഥാപനമാണെങ്കിലും പിഴ ഈടാക്കാനുള്ള സാധ്യത കൂടുതലാണ്. അതുപോലെ തന്നെ ലോൺ നേരത്തെ അടച്ചുതീർക്കുന്നതുകൊണ്ടിട്ട് നേട്ടങ്ങളുമുണ്ട്. അവയെല്ലാമാണ് ഈ ലേഖനത്തിൽ ചർച്ച ചെയ്യുന്നത്.

എന്തൊക്കെ കാരണങ്ങളാൽ ലോൺ കാലവധിയ്ക്ക് മുന്നേ തീർക്കുന്നത് ഉചിതമാണ്?

ബാധ്യത കുറയ്ക്കുന്നു: ഒന്നാമതായി, ഒരു ലോൺ ഫോർക്ലോസ് ചെയ്യുന്നത് സാമ്പത്തിക ബാധ്യതയിൽ നിന്ന് സ്വയം മോചിതരാകാൻ നിങ്ങളെ സഹായിക്കുന്നു. തിരിച്ചടവ് ഭാരം കുറയുന്നത് സമ്പത്ത് സൃഷ്ടിക്കുന്നതിനും സഹായം ചെയ്യും.

ക്രെഡിറ്റ് സ്കോർ മെച്ചപ്പെടുത്തുന്നു: ഒരു വ്യക്തിഗത വായ്പ നേരത്തെ ക്ലോസ് ചെയ്യുന്നതിന്റെ മറ്റൊരു നേട്ടം നിങ്ങളുടെ ക്രെഡിറ്റ് സ്കോർ വർദ്ധിപ്പിക്കാൻ സഹായിക്കുന്നു എന്നതാണ്. നിലവിലെ ലോൺ ബാധ്യത എത്രയും വേഗം മായ്‌ക്കപ്പെടുന്നുവോ അത്രയും നേട്ടം നിങ്ങളുടെ ക്രെഡിറ്റ് സ്‌കോറിനാണ്.

പലിശയിൽ ലാഭം: നിങ്ങൾ വായ്പ മുൻകൂറായി അടയ്ക്കുമ്പോൾ, ഒരു അധിക പലിശ ചെലവിൽ നിന്ന് നിങ്ങൾ സ്വയം രക്ഷപ്പെടും. പ്രീപേയ്‌മെന്റ് ചാർജുകളിലേക്ക് നയിക്കുമെങ്കിലും, ഇവ ഒറ്റത്തവണ നിരക്കുകളാണ്, ഭാവിയിൽ വായ്പ തുടരുകയാണെങ്കിൽ അധിക പലിശ ഘടകത്തേക്കാൾ ഇത് കുറവായിരിക്കും.

ലോൺ ഫോർക്ലോഷർ ചാർജുകൾ

സാധാരണഗതിയിൽ, പേഴ്‌സണൽ ലോൺ മുൻകൂർ പേയ്‌മെന്റ് ഫോർക്ലോഷർ ചാർജുകളിലേക്ക് അഥവ പിഴ ഈടാക്കുന്നതിലേക്ക് നയിക്കുന്നു. അത് കുടിശ്ശികയുള്ള വായ്പ തുകയുടെ 3-4 ശതമാനം വരെ ആയേക്കാം. അതേ സമയം, ചില ബാങ്കുകൾ വായ്പയുടെ ആദ്യ വർഷത്തിൽ ലോൺ തീർക്കുന്നത് അനുവദിക്കുന്നില്ല.

റിട്ടയർമെന്റ് പ്ലാനിംഗ്: 6 ലക്ഷം രൂപനിക്ഷേപിച്ച് 1.80 കോടി രൂപ സമ്പാദിക്കാം

ഉദ്ദാഹരണത്തിന്, ഐസിഐസിഐ ബാങ്ക് ലോൺ അടച്ചു തീർക്കുന്ന സമയത്ത് കുടിശ്ശികയുള്ള പ്രധാന തുകയുടെ 3 ശതമാനം ഈടാക്കുന്നു. എന്നാൽ 12 ഇഎംഐകൾക്ക് ശേഷം അത്തരം നിരക്കുകളൊന്നുമില്ല. അതേസമയം കൂടുതൽ തുക തിരിച്ചടവായി നൽകുമ്പോൾ ആദ്യ 24 മാസങ്ങളിൽ അടയ്‌ക്കുന്ന തുകയുടെ 3 ശതമാനം ഒരാൾ നൽകണം. ഈ കാലയളവിനുശേഷം, ഭാഗിക പേയ്‌മെന്റ് നിരക്കുകളൊന്നും ഇല്ല.