പ്രതിയോഹരി 36 രൂപ വരെ ലഭിക്കും; ഉടന്‍ അധിക വരുമാനം കൈമാറുന്ന 12 കമ്പനികള്‍

ഒരു കമ്പനിയുടെ ആദായത്തില്‍ നിന്നും ഓഹരിയുടമകള്‍ക്ക് നല്‍കുന്ന പ്രതിയോഹരി വീതമാണ് ലാഭവിഹിതം (ഡിവിഡന്റ്). ഓഹരി വിലയിലുണ്ടാകുന്ന നേട്ടത്തിനു പുറമെ, നിക്ഷേപകര്‍ക്ക് അധിക വരുമാനം നേടുന്നതിനായുള്ള മറ്റൊരു മാര്‍ഗം കൂടിയാണിത്. ലാഭവിഹിതം നല്‍കാനുള്ള തീരുമാനം അംഗീകരിക്കുമ്പോഴോ അല്ലെങ്കില്‍ പ്രഖ്യാപനത്തിന്റെയോ 30 ദിവസത്തിനുള്ളില്‍ പണം ഓഹരിയുടമകള്‍ക്ക് കൈമാറുകയാണ് സാധാരണ ഗതിയില്‍ പതിവ്.

ഇരട്ട നേട്ടം

ഡിവിഡന്റ് കിട്ടുമെന്ന് കരുതി ഓഹരി വാങ്ങുന്നതിന് മുമ്പെ അവയുടെ സാമ്പത്തിക സ്ഥിതിയും പരിശോധിക്കേണ്ടതുണ്ട്. പറയത്തക്ക കടബാധ്യതകള്‍ ഇല്ലാത്തതിനൊപ്പം മുടങ്ങാതെ ലാഭിവിഹിതം നല്‍കുന്ന ചരിത്രവുമുണ്ടോ എന്നു പരിശോധിക്കേണ്ടതും പ്രധാനമാണ്. അതേസമയം ഡിവിഡന്റ് എന്നത് നിക്ഷേപകര്‍ക്ക് ലഭിക്കുന്ന അധിക നേട്ടമാണ്. അതിനാല്‍ ഉയര്‍ന്ന നിലവാരമുള്ളതും കൃത്യമായി ലാഭവിഹിതം നല്‍കുന്നതുമായ കമ്പനികളെ തെരഞ്ഞെടുക്കുന്നത് മികച്ച നിക്ഷേപ തന്ത്രമാണ്. അതേസമയം ഈയാഴ്ച ഡിവിഡന്റ് നല്‍കുന്ന ഓഹരികളുടെ വിശദാംശങ്ങളാണ് ചുവടെ ചേര്‍ക്കുന്നത്.

ആര്‍ഇസി- ഇടക്കാല ലാഭവിഹിതമായി ഓഹരിയൊന്നിന് 5.00 രൂപ വീതം നിക്ഷേപകര്‍ക്ക് കൈമാറും. ഇതിന്റെ ഭാഗമായുള്ള എക്സ് ഡിവിഡന്റ് തീയതി നവംബര്‍ 7-നും റെക്കോഡ് തീയതി 9 ആയും തീരുമാനിച്ചു.

സുപ്രീം ഇന്‍ഡസ്ട്രീസ്- ഇടക്കാല ലാഭവിഹിതമായി പ്രതിയോഹരി 6.00 രൂപ വീതം നിക്ഷേപകര്‍ക്ക് വിതരണം ചെയ്യും. ഇതിനായുള്ള എക്സ് ഡിവിഡന്റ് തീയതി നവംബര്‍ 7-നും റെക്കോഡ് തീയതി 9 ആയും നിശ്ചയിച്ചു.

സുപ്രീം പെട്രോകെം- ഇടക്കാല ലാഭവിഹിതമായി ഓഹരിയൊന്നിന് 4.00 രൂപ വീതം നിക്ഷേപകര്‍ക്ക് കൈമാറും. ഇതിന്റെ ഭാഗമായുള്ള എക്സ് ഡിവിഡന്റ് തീയതി നവംബര്‍ 7-നും റെക്കോഡ് തീയതി 9 ആയും തീരുമാനിച്ചു.

ടെക് മഹീന്ദ്ര- വിശേഷാല്‍ ലാഭവിഹിതമായി പ്രതിയോഹരി 18.00 രൂപ വീതം നിക്ഷേപകര്‍ക്ക് വിതരണം ചെയ്യും. ഇതിനായുള്ള എക്സ് ഡിവിഡന്റ് തീയതി നവംബര്‍ 9-നും റെക്കോഡ് തീയതി 10 ആയും നിശ്ചയിച്ചു.

എല്‍ടി ഫൂഡ്‌സ്- ഇടക്കാല ലാഭവിഹിതമായി ഓഹരിയൊന്നിന് 0.50 രൂപ വീതം നിക്ഷേപകര്‍ക്ക് കൈമാറും. ഇതിന്റെ ഭാഗമായുള്ള എക്സ് ഡിവിഡന്റ് തീയതി നവംബര്‍ 10-നും റെക്കോഡ് തീയതി 11 ആയും തീരുമാനിച്ചു.

ഷെയര്‍ ഇന്ത്യ- ഇടക്കാല ലാഭവിഹിതമായി പ്രതിയോഹരി 2.00 രൂപ വീതം നിക്ഷേപകര്‍ക്ക് വിതരണം ചെയ്യും. ഇതിനായുള്ള എക്സ് ഡിവിഡന്റ് തീയതി നവംബര്‍ 10-നും റെക്കോഡ് തീയതി 11 ആയും നിശ്ചയിച്ചു.

ജില്ലെറ്റ് ഇന്ത്യ- അന്തിമ ലാഭവിഹിതമായി ഓഹരിയൊന്നിന് 36.00 രൂപ വീതം നിക്ഷേപകര്‍ക്ക് കൈമാറും. ഇതിന്റെ ഭാഗമായുള്ള എക്സ് ഡിവിഡന്റ് തീയതി നവംബര്‍ 10 ആയിരിക്കും.

ഡാല്‍മിയ ഭാരത്- ഇടക്കാല ലാഭവിഹിതമായി പ്രതിയോഹരി 4.00 രൂപ വീതം നിക്ഷേപകര്‍ക്ക് വിതരണം ചെയ്യും. ഇതിനായുള്ള എക്സ് ഡിവിഡന്റ് തീയതി നവംബര്‍ 10-നും റെക്കോഡ് തീയതി 11 ആയും നിശ്ചയിച്ചു.

നിക്കോ പാര്‍ക്ക്‌സ് & റിസോര്‍ട്ട്‌സ്- ഇടക്കാല ലാഭവിഹിതമായി ഓഹരിയൊന്നിന് 0.40 രൂപ വീതം നിക്ഷേപകര്‍ക്ക് കൈമാറും. ഇതിന്റെ ഭാഗമായുള്ള എക്സ് ഡിവിഡന്റ് തീയതി നവംബര്‍ 11-നും റെക്കോഡ് തീയതി 14 ആയും തീരുമാനിച്ചു.

സിയാറാം സില്‍ക്ക്- ഇടക്കാല ലാഭവിഹിതമായി പ്രതിയോഹരി 4.00 രൂപ വീതം നിക്ഷേപകര്‍ക്ക് വിതരണം ചെയ്യും. ഇതിനായുള്ള എക്സ് ഡിവിഡന്റ് തീയതി നവംബര്‍ 11-നും റെക്കോഡ് തീയതി 14 ആയും നിശ്ചയിച്ചു.

ജിഎംഎം ഫോഡ്‌ലര്‍- ഇടക്കാല ലാഭവിഹിതമായി ഓഹരിയൊന്നിന് 1.00 രൂപ വീതം നിക്ഷേപകര്‍ക്ക് കൈമാറും. ഇതിന്റെ ഭാഗമായുള്ള എക്സ് ഡിവിഡന്റ് തീയതി നവംബര്‍ 11-നും റെക്കോഡ് തീയതി 14 ആയും തീരുമാനിച്ചു.

അജന്ത ഫാര്‍മ- ഇടക്കാല ലാഭവിഹിതമായി പ്രതിയോഹരി 7.00 രൂപ വീതം നിക്ഷേപകര്‍ക്ക് വിതരണം ചെയ്യും. ഇതിനായുള്ള എക്സ് ഡിവിഡന്റ് തീയതി നവംബര്‍ 11-നും റെക്കോഡ് തീയതി 14 ആയും നിശ്ചയിച്ചു.

അറിയിപ്പ്

മുകളില്‍ കൊടുത്തിരിക്കുന്ന ലേഖനം പഠനാവശ്യത്തിന് നല്‍കുന്നതാണ്. ഇതുമായി ബന്ധപ്പെട്ട് നിക്ഷേപ തീരുമാനങ്ങള്‍ സ്വീകരിക്കും മുന്‍പ് സാമ്പത്തിക വിദഗ്ധന്റെ നിര്‍ദേശം തേടാം. ഓഹരി വിപണിയിലെ നിക്ഷേപം നഷ്ട സാധ്യതകള്‍ക്ക് വിധേയമാണ്. സ്വന്തം റിസ്‌കില്‍ മാത്രം നിക്ഷേപ തീരുമാനം കൈക്കൊള്ളുക. ലേഖനം വായിച്ചിട്ട് എടുക്കുന്ന തീരുമാനത്തിന്റെ അടിസ്ഥാനത്തില്‍ സംഭവിക്കുന്ന ലാഭനഷ്ടങ്ങള്‍ക്ക് ഗ്രേനിയം ഇന്‍ഫര്‍മേഷന്‍ ടെക്നോളജീസും ലേഖകനും ഉത്തരവാദികളല്ല.