ഒരു വ്യക്തിയുടെ അല്ലെങ്കിൽ സ്ഥാപനത്തിന്റെ വരുമാനത്തിന്മേൽ ചുമത്തുന്ന നികുതിയാണ് ആദായനികുതി. ഇങ്ങനെ ആദായനികുതിയിൽ നിന്ന് സ്വരൂപിക്കുന്ന ഫണ്ടാണ് സർക്കാർ നിരവധി വികസന പ്രവർത്തനങ്ങൾക്കായി ഉപയോഗിക്കുന്നത്. അതായത് ആദായനികുതി സർക്കാരുകളുടെ വരുമാന മാർഗ്ഗങ്ങളിലൊന്നാണ്.
സ്റ്റാൻഡേർഡ് ഡിഡക്ഷൻ എന്താണ്?
ചെലവുകളോ വ്യക്തി നടത്തിയ നിക്ഷേപമോ പരിഗണിക്കാതെ ആദായനികുതി അനുസരിച്ച് അനുവദനീയമായ കിഴിവാണ് സ്റ്റാൻഡേർഡ് ഡിഡക്ഷൻ. ഈ ആവശ്യത്തിനായി ഒരു വ്യക്തി നിക്ഷേപ തെളിവുകളോ ചെലവ് ബില്ലുകളോ വെളിപ്പെടുത്തേണ്ടതില്ല. സ്റ്റാൻഡേർഡ് ഡിഡക്ഷൻ ഒരു സാധാരണ നിരക്കിൽ അനുവദനീയമാണ്.
75,000 മുതൽ 5 ലക്ഷം രൂപ വരെ വാർഷിക വരുമാനം നേടുന്ന ശമ്പളക്കാരായ ജീവനക്കാർക്ക് അനുവദനീയമായ സ്റ്റാൻഡേർഡ് ഡിഡക്ഷൻ 30,000 രൂപ അല്ലെങ്കിൽ വരുമാനത്തിന്റെ 40% ആണ്. 5 ലക്ഷം രൂപയിൽ കൂടുതൽ വരുമാനം നേടുന്നവർക്ക് 20,000 രൂപയായി സ്റ്റാൻഡേർഡ് ഡിഡക്ഷന് പരിധി നിശ്ചയിച്ചിട്ടുണ്ട്
ശമ്പളക്കാർക്കുള്ള ഇളവുകൾ
ശമ്പളക്കാരായ വ്യക്തികൾക്ക് ആദായനികുതി നിയമപ്രകാരം നികുതി ലാഭിക്കുന്നതിന് ധാരാളം അവസരങ്ങൾ വാഗ്ദാനം ചെയ്യുന്നുണ്ട്. ഇത്തരം കിഴിവുകളുടെയും ഇളവുകളുടെയും സഹായത്തോടെ, നിങ്ങളുടെ നികുതി ഗണ്യമായി കുറയ്ക്കാൻ കഴിയും. ശമ്പളത്തിൽ നിന്നുള്ള വരുമാനം എന്ന തലക്കെട്ടിൽ സ്റ്റാൻഡേർഡ് ഡിഡക്ഷന്റെ ഭാഗമായി ശമ്പളക്കാരായ ജീവനക്കാർക്ക് വിനോദ അലവൻസും പ്രൊഫഷണൽ നികുതിയും ലഭിക്കും. ഇതുകൂടാതെ നിരവധി വിഭാഗങ്ങൾക്ക് കീഴിൽ ഇളവുകൾ നേടാൻ അവർ യോഗ്യരാണ്.
ഊബർ ഈറ്റ്സ് ഇന്ത്യ വിടുന്നു, ബിസിനസ് സൊമാറ്റോയ്ക്ക് വിറ്റു
വീട് വാടക അലവൻസ്: വാടകയ്ക്ക് താമസിക്കുന്ന ഒരു ശമ്പളക്കാരന് ഹൗസ് റെന്റ് അലവൻസ് (എച്ച്ആർഎ) ആനുകൂല്യം ലഭിക്കും. ഇത് ആദായനികുതിയിൽ നിന്ന് പൂർണ്ണമായോ ഭാഗികമായോ ഒഴിവാക്കാം. ഇത് ക്ലെയിം ചെയ്യാൻ ഒരു വ്യക്തി വാടക രസീതുകളും വാടകയ്ക്ക് നൽകിയ ഏതെങ്കിലും പേയ്മെന്റിന്റെ തെളിവുകളും സൂക്ഷിക്കേണ്ടത് പ്രധാനമാണ്.
യാത്ര അലവൻസ് (എൽടിഎ): ആദായനികുതി നിയമമനുസരിച്ച്, ശമ്പളക്കാരായ വ്യക്തികൾക്ക് എൽടിഎ ഇളവുകളിൽ നിന്നും പ്രയോജനം നേടാം. നിങ്ങളുടെ ജീവിതപങ്കാളി, കുട്ടികൾ, മാതാപിതാക്കൾ എന്നിവരോടൊപ്പമുള്ള ഒരു യാത്രയ്ക്ക് മാത്രമേ ഈ അലവൻസ് ക്ലെയിം ചെയ്യാൻ കഴിയൂ.
നിക്ഷേപങ്ങൾ: ശമ്പളക്കാർക്കിടയിൽ സമ്പാദ്യം ശീലം പ്രോത്സാഹിപ്പിക്കുന്നതിന്റെ ഭാഗമായി ആദായനികുതി നിയമത്തിലെ വ്യക്തിഗത വകുപ്പുകൾ പ്രകാരം സർക്കാർ കിഴിവുകൾ അനുവദിക്കുന്നുണ്ട്. ആദായ നികുതി നിയമത്തിലെ സെക്ഷൻ 80 സി, സെക്ഷൻ 80 സിസിസി, സെക്ഷൻ 80 സിസിഡി എന്നീ വകുപ്പുകൾ പ്രകാരം, ബാധകമായ ഏതെങ്കിലും ഉപകരണങ്ങൾ നിക്ഷേപിക്കുന്ന ശമ്പളക്കാർക്ക് പ്രതിവർഷം പരമാവധി 1.5 ലക്ഷം രൂപവരെയുള്ള നിക്ഷേപത്തിന് കിഴിവ് നേടാൻ അർഹതയുണ്ട്. ഇതിനുപുറമെ, നാഷണൽ പെൻഷൻ പദ്ധതിയിൽ (എൻപിഎസ്) നിക്ഷേപിക്കുന്നതിന് സെക്ഷൻ 80 സിസിഡി പ്രകാരം 50000 രൂപ അധിക കിഴിവും ലഭിക്കും.
പബ്ലിക് പ്രൊവിഡന്റ് ഫണ്ട്, ഇക്വിറ്റി മ്യൂച്വൽ ഫണ്ടുകൾ, അഞ്ച് വർഷത്തേക്കുള്ള നികുതി ലാഭിക്കൽ സ്ഥിര നിക്ഷേപ പെൻഷൻ പദ്ധതികൾ, എപ്ലോയീസ് പ്രൊവിഡന്റ് ഫണ്ട്, ഇൻഷൂറൻസ് പോളിസി, നാഷണൽ സേവിംഗ്സ് സർട്ടിഫിക്കറ്റ് (എൻഎസ്സി) വിദ്യാഭ്യാസ വായ്പയുടെ തിരിച്ചടവ് തുടങ്ങിയവയാണ് നികുതി ലാഭിക്കാനുള്ള നിക്ഷേപ മാർഗ്ഗങ്ങൾ.