ദില്ലി: കാത്തിരിപ്പിനും അഭ്യൂഹങ്ങള്ക്കും വിരാമമിട്ട് ഷവോമിയുടെ റെഡ്മി നോട്ട് 7ഉം റെഡ്മി നോട്ട് 7 പ്രോയും ഇന്ത്യന് വിപണിയിലുമെത്തി. 48 എംപി സോണി ഐഎംഎക്സ് 586 സെന്സര് ആണ് റെഡ്മി നോട്ട് 7 പ്രോയുടെ പ്രധാന സവിശേഷത. 13 മെഗാ പിക്സലിന്റെ സെല്ഫി കാമറയും ഇതിനുണ്ട്. റെഡ്മി നോട്ട് 7നാവട്ടെ 12 എംപിയുടെയും 2 എംപിയുടെയും രണ്ട് റിയര് കാമറകളും 13 എംപിയുടെ ഫ്രന്റ് കാമറയുമുണ്ട്. വാട്ടര്ഡ്രോപ് നോച്ച്, ഇരട്ട റിയര് ക്യാമറ, ഫിംഗര്പ്രിന്റ് സെന്സര്, 4000 എംഎഎച്ച് ബാറ്ററി എന്നിവ പ്രധാന ഫീച്ചറുകളാണ്. ഇരുഭാഗത്തും 2.5ഡി ഗ്ലാസ് സുരക്ഷയുണ്ട്. 6.3 ഇഞ്ചാണ് ഡിസ്പ്ലെ.
![കാത്തിരിപ്പിനൊടുവില് ഷവോമിയുടെ റെഡ്മി നോട്ട് 7, റെഡ്മി നോട്ട് 7 പ്രോ ഇന്ത്യന് വിപണിയിലും; വില 999 കാത്തിരിപ്പിനൊടുവില് ഷവോമിയുടെ റെഡ്മി നോട്ട് 7, റെഡ്മി നോട്ട് 7 പ്രോ ഇന്ത്യന് വിപണിയിലും; വില 999](https://images.goodreturns.in/ml/img/2019/03/xiaomi-redmi-note-7-redmi-note-7-pro-and-redmi-go-likely-coming-soon-to-india-1547917214-1551419142.jpg)
മിതമായ വിലയില് മികച്ച ഫീച്ചറുകളോടു കൂടിയ സ്മാര്ട്ട് ഫോണുകളെന്നു വിശേഷിപ്പിക്കുന്ന ഷവോമി സ്മാര്ട് ഫോണുകളിലെ ഏറ്റവും പുതിയ പതിപ്പുകളാണ് ഇന്ത്യന് വിപണി കീഴടക്കാനെത്തിയിരിക്കുന്നത്. കഴിഞ്ഞ മാസം റെഡ്മി നോട്ട് 7 ചൈനീസ് വിപണിയിലെത്തിയിരുന്നു. ലോഞ്ച് ചെയ്ത് മൂന്നാഴ്ചകള്ക്കകം 10 ലക്ഷം റെഡ്മി നോട്ട് 7 ഫോണുകളാണ് ചൈനയില് വിറ്റുപോയത്.
രാജ്യത്തെ സ്മാര്ട്ട് ഫോണ് വിപണിയില് വന് മാറ്റത്തിന് വഴിയൊരുക്കുമെന്ന് അവകാശപ്പെടുന്ന ഈ ഫോണിന് 9,999 രൂപ മുതലാണ് വില. മൂന്ന് ജിബി റാം, 32 ജിബി ഇന്റേണല് സ്റ്റോറേജ് എന്നിവയുള്ള റെഡ്മി നോട്ട് 7 മോഡലിന്റെ വിലയാണിത്. നാല് ജിബി റാം 64 ജിബി സ്റ്റോറേജ് പതിപ്പിന് 11,999 രൂപയുണ്ട്.
![കാത്തിരിപ്പിനൊടുവില് ഷവോമിയുടെ റെഡ്മി നോട്ട് 7, റെഡ്മി നോട്ട് 7 പ്രോ ഇന്ത്യന് വിപണിയിലും; വില 999 കാത്തിരിപ്പിനൊടുവില് ഷവോമിയുടെ റെഡ്മി നോട്ട് 7, റെഡ്മി നോട്ട് 7 പ്രോ ഇന്ത്യന് വിപണിയിലും; വില 999](https://images.goodreturns.in/ml/img/2019/03/mi-oneindia-1523340113-1551419133.jpg)
റെഡ്മി നോട്ട് 7 പ്രോയുടെ 3 ജിബി വേരിയന്റിന് 13,999 രൂപയും 6 ജിബി വേരിയന്റിന് 16,999 രൂപയുമാണ് ഇന്ത്യന് വിപണിയിലെ വില. റെഡ്മി നോട്ട് 7 മാര്ച്ച് 6 മുതലും റെഡ്മി നോട്ട് 7 പ്രോ മാര്ച്ച് 13 മുതലും വില്പ്പന തുടങ്ങും. ഫ്ളിപ്കാര്ട്ട്, മൈ ഡോട്ട്കോം, മൈഹോം സ്റ്റോറുകളില് ഇവ ലഭിക്കും.
ആധാര് വീണ്ടും; ബാങ്ക് അക്കൗണ്ടിനും സിം കണക്ഷനും രേഖയാക്കി പുതിയ ഓര്ഡിനന്സ്
4000 എംഎഎച്ച് ബാറ്ററി കപ്പാസിറ്റിയുള്ള ഫോണിന് ഫാസ്റ്റ് ചാര്ജിംഗ് സംവിധാനവുമുണ്ട്. രണ്ട് നാനോ സിം ഉപയോഗിക്കാനാവുന്ന ഫോണിന് 6.3 ഇഞ്ച് ഫുള് എച്ച്ഡി പ്ലസ് എല്ടിപിഎസ് ഡിസ്പ്ലേയാണുള്ളത്. ട്വിലൈറ്റ് ഗോള്ഡ്, ഫാന്റസി ബ്ലൂ, ബ്രൈറ്റ് ബ്ലാക്ക് എന്നീ നിറങ്ങളിലാണ് റെഡ്മി നോട്ട് 7 ഇന്ത്യന് വിപണിയിലെത്തിയിരിക്കുന്നത്.