പ്രതിവര്‍ഷം പഴയ നികുതി വ്യവസ്ഥയില്‍ നിന്ന് പുതിയതിലേക്ക് മാറാന്‍ കഴിയുന്നത് ആര്‍ക്കൊക്കെ?

Subscribe to GoodReturns Malayalam
For Quick Alerts
ALLOW NOTIFICATIONS  
For Daily Alerts

2020 ബജറ്റില്‍ കേന്ദ്ര സര്‍ക്കാര്‍ പുതിയ നികുതി സ്ലാബുകളും നികുതി സമ്പ്രദായവും അവതരിപ്പിച്ചു. ഇതിനോടൊപ്പം മറ്റൊരു കാര്യം കൂടി ഗവണ്‍മെന്റ് പ്രസ്താവിച്ചിട്ടുണ്ട്. ഒരു നികുതിദായകന് നിലവിലെ നികുതി വ്യവസ്ഥയോ (നികുതി ബാധ്യത ഒഴിവാക്കല്‍, പലതരം കിഴിവുകള്‍ എന്നിവ ഉള്‍പ്പെടുന്നത്) അല്ലെങ്കില്‍ ഈ ആനുകൂല്യങ്ങളൊന്നുമില്ലാത്ത, കുറഞ്ഞ നിരക്കുള്ള പുതിയ നികുതി വ്യവസ്ഥയോ പ്രതിവര്‍ഷം തെരഞ്ഞെടുക്കാവുന്നതാണ്. എന്നാല്‍, എല്ലാവര്‍ക്കും ഇത്തരത്തില്‍ ഇഷ്ട വ്യവസ്ഥ തെരഞ്ഞടുക്കാനാവില്ല. നിശ്ചിത നിബന്ധന പൂര്‍ത്തിയാക്കിയവര്‍ക്ക് മാത്രമെ പ്രതിവര്‍ഷം ഇഷ്ട നികുതി വ്യവസ്ഥ തെരഞ്ഞെടുക്കാന്‍ അര്‍ഹതയുള്ളൂ.

2020 സാമ്പത്തിക ബില്‍ പ്രകാരം, ബിസിനസ് വരുമാനമുള്ള നികുതിദായകര്‍ക്ക് ഓരോ വര്‍ഷവും ഏത് നികുതിവ്യവസ്ഥ തെരഞ്ഞെടുക്കണമെന്ന് തീരുമാനിക്കാനാവില്ല. ബിസനസ് വരുമാനമില്ലാത്ത വ്യക്തിക്കോ ഹിന്ദു അവിഭക്ത കുടുംബത്തിനോ മാത്രമെ കഴിഞ്ഞു പോവുന്ന വര്‍ഷങ്ങളില്‍ ഇത് തെരഞ്ഞെടുക്കാനുള്ള സ്വാതന്ത്ര്യമുണ്ടാവൂ എന്നും ബജറ്റ് മെമോറാണ്ടത്തില്‍ പറയുന്നു. ഒരിക്കല്‍ ഈ രീതി സ്വീകരിച്ചാല്‍ പിന്നീടുള്ള വര്‍ഷങ്ങളിലും ഇത് അവലംബിക്കാവുന്നതാണ്. അതായത്, ബിസിനസ് വരുമാനമില്ലാത്ത എല്ലാ ശമ്പളക്കാര്‍ക്കും പെന്‍ഷന്‍കാര്‍ക്കും ഈ രണ്ടു നികുതി വ്യവസ്ഥകളില്‍ നിന്ന് ഇഷ്ടമുള്ളത് സ്വീകരിക്കാന്‍ യോഗ്യരാണ്. എന്നാല്‍, ഒരു കണ്‍സള്‍ട്ടിന്റെ പ്രതിഫലം ബിസിനസ് വരുമാനമായി കണക്കാക്കുന്നതു കൊണ്ട് കണ്‍സള്‍ട്ടന്റായി ജോലി ചെയ്യുന്നവര്‍ ഈ രീതി സ്വീകരിക്കാന്‍ അര്‍ഹരല്ല.

 

പുത്തന്‍ നികുതി വ്യവസ്ഥയില്‍ എന്‍പിഎസ് നികുതി ആനുകൂല്യം എങ്ങനെ നേടാം?

പ്രതിവര്‍ഷം പഴയ നികുതി വ്യവസ്ഥയില്‍ നിന്ന് പുതിയതിലേക്ക് മാറാന്‍ കഴിയുന്നത് ആര്‍ക്കൊക്കെ?

കൂടാതെ ശമ്പളക്കാരായി ജോലി ചെയ്ത് മറ്റു ഫ്രീലാന്‍സിങ് വഴികളിലൂടെയും വരുമാനം നേടുന്നവര്‍ക്കും ഇത്തരത്തില്‍ ഓരോ വര്‍ഷവും നികുതി വ്യവസ്ഥകള്‍ മാറ്റാനാവില്ല. ബിസിനസ് വരുമാനമുള്ള വ്യക്തികള്‍ പുതിയ നികുതി വ്യവസ്ഥയാണ് സ്വീകരിക്കുന്നതെങ്കില്‍, തുടര്‍ന്നു വരുന്ന സാമ്പത്തിക വര്‍ഷങ്ങളിലും ഇവര്‍ക്ക് പുതിയ വ്യവസ്ഥയിലൂടെ മാത്രമെ ആദായനികുതി ഒടുക്കാന്‍ കഴിയൂവെന്ന് വിദഗ്ധര്‍ ചൂണ്ടിക്കാട്ടുന്നു. ബിസനസ് വരുമാനമുള്ള ഒരു വ്യക്തി ആദായനികുതി നിയമപ്രകാരമുള്ള ആനുകൂല്യങ്ങള്‍ ഇതിനകം തന്നെ നേടിക്കഴിഞ്ഞിട്ടുണ്ടെങ്കില്‍ ഇവര്‍ നിലവിലുള്ള നികുതി വ്യവസ്ഥ സ്വീകരിച്ചതായി കണക്കാക്കുമെന്ന് ബജറ്റ് രേഖകളില്‍ പ്രതിപാദിക്കുന്നു.

ഭാവിയില്‍ ഇവര്‍ക്ക് പുതിയ നികുതി വ്യവസ്ഥ തെരഞ്ഞെടുക്കാന്‍ കഴിയില്ലെന്നും ബജറ്റ് രേഖകള്‍ ശരിവെക്കുന്നു. എന്നാല്‍, ബിസിനസ് വരുമാനമുള്ള വ്യക്തിക്ക്, പുതിയ നികുതി വ്യവസ്ഥയില്‍ നിന്ന് നിലവിലുള്ളതിലേക്ക് മാറാന്‍ സാധിക്കുന്നതാണ്. ഇത് ഒരുതവണ മാത്രമെ ചെയ്യാനാവൂ. അതായത്, ഒരിക്കല്‍ ഇക്കൂട്ടര്‍ നിലവിലെ വ്യവസ്ഥ സ്വീകരിച്ചാല്‍ പിന്നീടൊരിക്കലും മാറ്റാന്‍ അനുവദിക്കുന്നതല്ല.

Read more about: tax നികുതി
English summary

പ്രതിവര്‍ഷം പഴയ നികുതി വ്യവസ്ഥയില്‍ നിന്ന് പുതിയതിലേക്ക് മാറാന്‍ കഴിയുന്നത് ആര്‍ക്കൊക്കെ? | people who can switch between existing and new tax regimes every year

people who can switch between existing and new tax regimes every year
Company Search
Thousands of Goodreturn readers receive our evening newsletter.
Have you subscribed?
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Goodreturns sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Goodreturns website. However, you can change your cookie settings at any time. Learn more
X