Click it and Unblock the Notifications
ആദായ നികുതി നിയമങ്ങൾ എല്ലാ വർഷവും മാറിക്കൊണ്ടിരിക്കും. നേരത്തെ 2024 കേന്ദ്ര ബജറ്റിൽ അവതരിപ്പിച്ച നിയമങ്ങൾക്ക് പുതിയ ബജറ്റ് പ്രഖ്യാപിക്കുമ്പോൾ മാറ്റം വരും. ഇത് 2025 ലെ ആദായ നികുതി റിട്ടേൺ ഫയലിംഗിനെ ബാധിക്കും. നികുതിദായകർക്ക് ആശ്വാസം നൽകാനും നികുതി നടപടികൾ ലളിതമാക്കാനും സർക്കാർ നിരവധി നടപടികൾ സ്വീകരിച്ചിട്ടുണ്ട്. നികുതി സ്ലാബുകളിലെ മാറ്റങ്ങൾ, ഇളവുകൾക്കും കിഴിവുകൾക്കുമുള്ള പുതിയ വ്യവസ്ഥകൾ, ഡിജിറ്റൽ പേയ്മെൻ്റുകൾ പ്രോത്സാഹിപ്പിക്കുന്ന നിയമങ്ങൾ എന്നിവ ഇതിൽ ഉൾപ്പെടുന്നു.
ഈ മാറ്റങ്ങളെ കുറിച്ചും അവ നിങ്ങളുടെ ഐ.ടി.ആർ (ഇൻകം ടാക്സ് റിട്ടേൺ) ഫയലിംഗിനെ എങ്ങനെ ബാധിക്കുമെന്നും പരിശോധിക്കാം. ഈ 10 ആദായനികുതി നിയമങ്ങൾ 2025-ൽ നിങ്ങളുടെ ഐ.ടി.ആർ ഫയലിംഗിനെ ബാധിക്കും.
1. പുതിയ ആദായ നികുതി സ്ലാബുകൾ
പുതിയ നികുതി വ്യവസ്ഥയ്ക്ക് കീഴിലുള്ള ആദായനികുതി സ്ലാബുകളിൽ സർക്കാർ മാറ്റം വരുത്തി. പുതിയ നികുതി സമ്പ്രദായത്തിന് കീഴിലുള്ള ആദായനികുതി സ്ലാബുകളിൽ വരുത്തിയ മാറ്റങ്ങൾ കാരണം നികുതിദായകർക്ക് ഒരു സാമ്പത്തിക വർഷം 17,500 രൂപ വരെ ആദായനികുതി ലാഭിക്കാൻ സഹായിക്കും.
2. പുതുക്കിയ അടിസ്ഥാന ഇളവ് പരിധി
പുതിയ നികുതി വ്യവസ്ഥയ്ക്ക് കീഴിൽ, സർക്കാർ അടിസ്ഥാന ഇളവ് പരിധി 50,000 രൂപയിൽ നിന്ന് 75,000 രൂപയായും കുടുംബ പെൻഷൻകാർക്കുള്ള അടിസ്ഥാന ഇളവ് പരിധി 15,000 രൂപയിൽ നിന്ന് 25,000 രൂപയായും വർദ്ധിപ്പിച്ചു. പഴയ നികുതി സമ്പ്രദായത്തിൻ്റെ അടിസ്ഥാന ഇളവ് പരിധിയിൽ മാറ്റമൊന്നും വരുത്തിയിട്ടില്ല.
3. എൻ.പി.എസ്
പുതിയ നികുതി സമ്പ്രദായത്തിൽ, എൻ.പി.എസിലേക്കുള്ള (നാഷണൽ പെൻഷൻ സിസ്റ്റം) ജീവനക്കാരുടെ സംഭാവനയിൽ കിഴിവ് പരിധി വർദ്ധിപ്പിച്ചു. നേരത്തെ പരിധി 10% ആയിരുന്നു. ഇപ്പോൾ 14 ശതമാനമായി ഉയർന്നു.
4. LTCG, STCG എന്നിവയ്ക്കുള്ള പുതിയ നികുതി നിരക്കുകൾ
ഹ്രസ്വകാല മൂലധന (STCG) നേട്ട നികുതി 15% ൽ നിന്ന് 20% ആയി വർദ്ധിച്ചു, ലിസ്റ്റ് ചെയ്ത ഷെയറുകളിലും ഇക്വിറ്റി മ്യൂച്വൽ ഫണ്ടുകളിലും ദീർഘകാല മൂലധന (LTCG) നേട്ട നികുതി 10% ൽ നിന്ന് 12.50% ആയി ഉയർന്നു. ദീർഘകാല മൂലധന നേട്ടത്തിനുള്ള നികുതി ഇളവ് പരിധിയും ഒരു ലക്ഷം രൂപയിൽ നിന്ന് 1,25,000 രൂപയായി ഉയർത്തി.
5. മൂലധന നേട്ട നികുതിയ്ക്കുള്ള ഹോൾഡിംഗ് കാലയളവിലെ മാറ്റം
മൂലധന നേട്ടങ്ങളെ ദീർഘകാല അല്ലെങ്കിൽ ഹ്രസ്വകാല മൂലധന നേട്ടങ്ങളായി തരംതിരിക്കുന്നതിന് മൂലധന ആസ്തികളുടെ സമയ കാലയളവും സർക്കാർ മാറ്റി. അതായത് ഇന് രണ്ട് ഹോൾഡിംഗ് കാലയളവുകൾ മാത്രമേ ഉണ്ടാകൂ. ലിസ്റ്റുചെയ്ത എല്ലാ സെക്യൂരിറ്റികൾക്കും, ഹോൾഡിംഗ് കാലയളവ് 12 മാസമാണെങ്കിൽ, അത് ദീർഘകാല മൂലധന നേട്ടമായി കണക്കാക്കും. മറുവശത്ത്, ലിസ്റ്റ് ചെയ്യാത്ത എല്ലാ സെക്യൂരിറ്റികൾക്കും ദീർഘകാല മൂലധന നേട്ടത്തിനുള്ള ഹോൾഡിംഗ് കാലയളവ് 24 മാസമായിരിക്കും.
6. TCS (ടാക്സ് കളക്ടഡ് അറ്റ് സോഴ്സ്) ക്രെഡിറ്റ്
ഇടത്തരക്കാരുടെ ആവശ്യങ്ങൾ മനസ്സിലാക്കി, കളക്ടർ ഒഴികെയുള്ള ആളുകളെ ടി.സി.എസ് ക്രെഡിറ്റ് ക്ലെയിം ചെയ്യാൻ സർക്കാർ അനുവദിച്ചു. വിദേശത്ത് പഠിക്കുന്ന കുട്ടികളുടെ ട്യൂഷൻ ഫീസ് അടയ്ക്കുകയും എന്നാൽ അവരുടെ പേരിൽ ടിസിഎസ് ക്രെഡിറ്റ് ക്ലെയിം ചെയ്യാൻ കഴിയാത്തതുമായ മാതാപിതാക്കളെ ഈ പുതിയ നിയമം സഹായിക്കും.
7. ടി.ഡി.എസ് (ടാക്സ് ഡിഡക്ടഡ് അറ്റ് സോഴ്സ്)
ടി.ഡി.എസ് നൽകേണ്ട ലിസ്റ്റിൽ സർക്കാർ ആർ.ബി.ഐ ഫ്ലോട്ടിംഗ് റേറ്റ് ബോണ്ടുകൾ ഉൾപ്പെടുത്തിയിട്ടുണ്ട്. ഇതിലൂടെ ലഭിക്കുന്ന പലിശ പ്രതിമാസം 10,000 രൂപയിൽ കൂടുതലാണെങ്കിൽ, ടി.ഡി.എസ് കുറയ്ക്കും.
8. ആഡംബര വസ്തുക്കളുടെ ടി.സി.എസ്
10 ലക്ഷം രൂപയിലധികം വിലയുള്ള സാധനങ്ങൾക്ക് ടി.സി.എസ് ചുമത്തും. ഈ പുതിയ നിയമം ഇന്ന് മുതൽ പ്രാബല്യത്തിൽ വന്നു. പക്ഷേ, ആഡംബര വസ്തുക്കളുടെ പട്ടികയെക്കുറിച്ചും ടി.സി.എസ് എങ്ങനെ നടപ്പാക്കുമെന്നതിനെക്കുറിച്ചും സർക്കാർ ഇതുവരെ വിവരങ്ങൾ നൽകിയിട്ടില്ല.
9. വീട് വിൽപ്പനയുമായി ബന്ധപ്പെട്ട് ടി.ഡി.എസിലെ മാറ്റം
വസ്തു വിൽപനയുമായി ബന്ധപ്പെട്ട് ടി.ഡി.എസ് നിയമത്തിൽ മാറ്റം. മൊത്തം അടവ് 50 ലക്ഷത്തിൽ കൂടുതലാണെങ്കിലും കുറവാണെങ്കിലും, വസ്തു വിൽപ്പനയുടെ ടി.ഡി.എസ് വിൽപ്പനക്കാരന് നൽകിയ മൊത്തം പണത്തിൽ നിന്ന് കുറയ്ക്കണം.
10. വിവാദ് സേ വിശ്വാസ് സ്കീം 2.0
നികുതിദായകരുടെ പഴയ ആദായനികുതി തർക്കങ്ങൾ അവസാനിപ്പിക്കാൻ സർക്കാർ 'വിവാദ് സേ വിശ്വാസ്' പദ്ധതി ആരംഭിച്ചു. പഴയ ആദായ നികുതി കേസുകൾ വേഗത്തിൽ തീർപ്പാക്കുകയാണ് ലക്ഷ്യം. ഈ സ്കീം ഇന്ന് മുതൽ പ്രാബല്യത്തിൽ വന്നു.
Sign in with Google