<p><strong>

</strong>മുംബൈ: ദിവത്തിന്റെ അധികസമയവും നഷ്ടത്തിലൂടെ നീങ്ങിയ സെന്‍സെക്‌സ് 78.04 പോയിന്റും നിഫ്റ്റി 25.35ഉം കുറഞ്ഞ് യഥാക്രമം 16446.02ലും 4945.90ലും ക്ലോസ് ചെയ്തു.<br />ഗ്രീസിനുള്ള നല്‍കാനുള്ള സാമ്പത്തികപാക്കേജിന്റെ കാര്യത്തില്‍ യൂറോപ്യന്‍ മന്ത്രിമാര്‍ക്കിടയില്‍ കടുത്ത അഭിപ്രായവ്യത്യാസമുണ്ടെന്ന റിപ്പോര്‍ട്ടുകള്‍ പുറത്തുവന്നത് അമേരിക്ക, യൂറോപ്പ്, ഏഷ്യ വിപണികളെ പ്രതികൂലമായി ബാധിച്ചു. ഡോളറിന്റെ മൂല്യത്തിലുണ്ടാവുന്ന വര്‍ധനവ് ഇന്ത്യന്‍ ഐടി മേഖലയില്‍ പുത്തന്‍ ഉണര്‍വ് പ്രദാനം ചെയ്തിരിക്കുകയാണ്.<br /><br />എച്ച്‌സിഎല്‍ ടെക്‌നോളജീസ്, ഡിഎല്‍എഫ് ലിമിറ്റഡ്, ഗെയ്ല്‍ ഇന്ത്യ, റാന്‍ബാക്‌സി ലാബ്, ഐടിസി എന്നീ ഓഹരികള്‍ രണ്ടു ശതമാനത്തോളം മുന്നേറ്റമുണ്ടാക്കിയപ്പോള്‍ റിലയന്‍സ് ക്യാപിറ്റല്‍, റിലയന്‍സ് ഇന്‍ഫ്രാ, ജയ്പ്രകാശ് അസോസിയേറ്റ്‌സ്, റിലയന്‍സ് പവര്‍, റിലയന്‍സ് കമ്മ്യൂണിക്കേഷന്‍ തുടങ്ങിയ കമ്പനികള്‍ മൂന്നു ശതമാനത്തിലധികം താഴേക്കിറങ്ങി.<br /><br />ഗ്രീസിനുള്ള ഉത്തേജകപാക്കേജിന്റെ വിവരങ്ങള്‍ ബുധനാഴ്ച പ്രഖ്യാപിക്കുകയാണെങ്കില്‍ വിപണിയില്‍ ഉണര്‍വുണ്ടാവുമെന്നാണ് പൊതുവേ വിലയിരുത്തുന്നത്.</p>