<p><strong>

</strong>മുംബൈ: ചൈനയിലെ സാമ്പത്തിക പ്രശ്‌നങ്ങളും യൂറോപ്പിനെ വേട്ടയാടുന്ന കടക്കെണിയും ഫ്യൂച്ചര്‍/ഓപ്ഷന്‍ അവധി ദിവസം അടുത്തതും ഇന്ത്യന്‍ ഓഹരി വിപണിയെ പ്രതികൂലമായി ബാധിച്ചു. സെന്‍സെക്‌സ് 126.43 പോയിന്റ് താഴേക്കിറങ്ങി 16312.15ലും നിഫ്റ്റി 39.35 പോയിന്റ് ഇടിഞ്ഞ് 4950.75ലും വില്‍പ്പന അവസാനിപ്പിച്ചു.<br /><br />സ്‌പെയിന്‍ ബാങ്കിങ് മേഖലയില്‍ നിലനില്‍ക്കുന്ന പ്രതിസന്ധികള്‍ യൂറോപ്പിനെ ആകെ ബാധിച്ചിട്ടുണ്ട്. യൂറോ 23 മാസത്തെ ഏറ്റവും താഴ്ന്ന നിലയിലാണ് വിനിമയം നടക്കുന്നത്. രൂപയുടെ മൂല്യം തുടര്‍ച്ചയായ മൂന്നാം ദിവസവും താഴേക്കിറങ്ങുന്നതും ജിഡിപി നിരക്കിനെ കുറിച്ചുള്ള ആശങ്കയും വിപണിയെ സ്വാധീനിച്ചു.<br /><br />ടാറ്റാ മോട്ടോര്‍സിനാണ് ഏറ്റവും കൂടുതല്‍ നഷ്ടം നേരിട്ടത്. 11.80 ശതമാനത്തോളം താഴേക്കിറങ്ങിയ ഓഹരി 243.35ലാണ് ക്ലോസ് ചെയ്തത്. ഹാവെല്‍സ് ഇന്ത്യ, യൂനിടെക്, യുനൈറ്റഡ് സ്പിരിറ്റ്‌സ് ലിമിറ്റഡ്, സുസ്‌ലോണ്‍ എനര്‍ജി ലിമിറ്റഡ് ഓഹരികള്‍ക്ക് ആറു ശതമാനത്തോളം നഷ്ടം നേരിട്ടു.<br /><br />കണ്ടെയ്‌നര്‍ കോര്‍പ്പറേഷന്‍, ടെക് മഹീന്ദ്ര ലിമിറ്റഡ്, ക്രോംപ്ടണ്‍ ഗ്രീവ്‌സ്, അംബുജ സിമന്റ്‌സ് ലിമിറ്റഡ്, സണ്‍ ഫാര്‍മ ഓഹരികള്‍ തകര്‍ച്ചക്കിടയിലും നേട്ടമുണ്ടാക്കി.</p>