<p><strong>

</strong>മുംബൈ: ഏഷ്യ, യൂറോപ്പ് വിപണികളില്‍ അനുഭവപ്പെട്ട വില്‍പ്പന സമ്മര്‍ദ്ദത്തെ തുടര്‍ന്ന് സെന്‍സെക്‌സും നിഫ്റ്റിയും താഴേക്കിറങ്ങി. ജിഡിപി നിരക്കിലും കയറ്റുമതിയിലും ഉണ്ടായ കുറവും വര്‍ധിച്ചുവരുന്ന ധനക്കമ്മിയുമായി ബന്ധപ്പെട്ട ആശങ്കകളും ഇതോടൊപ്പം ചേര്‍ന്നതോടെ തകര്‍ച്ചയുടെ ആക്കം കൂടി.<br /> <br />മുംബൈ ഓഹരി സൂചിക 253.37 പോയിന്റ് താഴേക്കിറങ്ങി 15965.16ലേക്കും ദേശീയ സൂചിക 82.65 പോയിന്റ് കുറഞ്ഞ് 4841.60ലേക്കും കൂപ്പുകുത്തി. മണ്‍സൂണ്‍ ഇന്ത്യയിലെത്താന്‍ വൈകുമെന്ന റിപ്പോര്‍ട്ടുകളും വിപണിയെ പ്രതികൂലമായി ബാധിച്ചുവെന്ന് വേണം വിലയിരുത്താന്‍. <br /><br />അദാനി എന്റര്‍പ്രൈസസ് ലിമിറ്റഡ്, പാന്റലൂണ്‍ റീട്ടെയില്‍, ജെഎസ്ഡബ്ല്യു എനര്‍ജി ലിമിറ്റഡ്, ഏഷ്യന്‍ പെയിന്റ്‌സ്, അപ്പോളോ ടയേഴ്‌സ് എന്നീ ഓഹരികള്‍ക്കാണ് ഏറ്റവും കൂടുതല്‍ നഷ്ടമുണ്ടായത്. ബ്രെന്റ് ക്രൂഡിലുണ്ടായ വിലയിടിവ് എണ്ണ വിതരണ കമ്പനികളുടെ ഓഹരി വില ഉയര്‍ത്തി. <br /><br />ഇന്ദ്രപ്രസ്ഥ ഗ്യാസ് ലിമിറ്റഡ്, ഗുജറാത്ത് ഗ്യാസ് കോ, നെയ്‌വേലി ലിഗ്നൈറ്റ്, ഗുജറാത്ത് സ്‌റ്റേറ്റ് പെട്രോനെറ്റ്, പെട്രോനെറ്റ് എല്‍എന്‍ജി കമ്പനികള്‍ മികച്ച നേട്ടമുണ്ടാക്കി. ഇന്ദ്രപ്രസ്ഥ ഒറ്റ ദിവസം കൊണ്ട് 55.60 പോയിന്റാണ് മുന്നേറിയത്.<br /><br /></p>