<p><strong>

</strong>മുംബൈ: 16138.29 വരെ ഉയര്‍ന്ന സെന്‍സെക്‌സ് 16020.64ലേക്ക് കൂപ്പ് കുത്തി വെറും 32.24 പോയിന്റിന്റെ നേട്ടത്തോടെ ക്ലോസ് ചെയതപ്പോള്‍ നിഫ്റ്റി 15.15 പോയിന്റ് ഉയര്‍ന്ന് 4863.30ല്‍ വില്‍പ്പന അവസാനിപ്പിച്ചു. ഒരു സമയത്ത് ദേശീയ ഓഹരി സൂചിക 4898 പോയിന്റ് വരെ ഉയര്‍ന്നിരുന്നു.</p> <p>രൂപയുടെ വിലയിലുണ്ടായ ചാഞ്ചാട്ടവും യൂറോപ്യന്‍ യൂനിയന്‍ പ്രതിസന്ധിയുമാണ് വിപണിയില്‍ പ്രതിഫലിച്ചത്. എല്‍ ആന്‍ഡ് ടിയും റിലയന്‍സും എസ്ബിഐയും പിടിച്ചുനിന്നതാണ് വിപണിയെ നഷ്ടത്തിലെത്താതെ പിടിച്ചുനിര്‍ത്തിയത്.</p> <p>എല്‍ ആന്‍ഡ് ടി, ഗ്രാസിം ഇന്‍ഡസ്ട്രീസ്, റിലയന്‍സ് ഇന്‍ഫ്രാസ്ട്രക്ചര്‍, കെയ്ന്‍ ഇന്ത്യ ലിമിറ്റഡ്, ഐഡിഎഫ്‌സി ഓഹരികള്‍ രണ്ടു മുതല്‍ മൂന്നു ശതമാനം വരെ നേട്ടമുണ്ടാക്കി. ടാറ്റാ മോട്ടോര്‍സ്, അംബുജാ സിമന്റ്‌സ് ലിമിറ്റഡ്, ഭാരതി എയര്‍ടെല്‍, സീമെന്‍സ് ലിമിറ്റഡ്, ഐടിസി ലിമിറ്റഡ് ഓഹരികള്‍ക്കാണ് ഏറ്റവും കൂടുതല്‍ തിരിച്ചടിയേറ്റത്.</p> <p>ജിഏഴ് അംഗരാജ്യങ്ങളിലെ ധനകാര്യമന്ത്രിമാരും യൂറോപ്യന്‍ സെന്‍ട്രല്‍ ബാങ്ക് പ്രതിനിധികളും തമ്മിലുള്ള ചര്‍ച്ച നടക്കുന്നതിനാല്‍ യൂറോപ്യന്‍ വിപണിയിലെ നിക്ഷേപകര്‍ ഏറെ കരുതലോടെയാണ് നീങ്ങിയത്. ഡോളറിനെതിരേ രൂപയുടെ മൂല്യത്തില്‍ 20 പൈസയുടെ കുറവുണ്ടായി. 55.85ലാണ് രൂപ ക്ലോസ് ചെയ്തത്.</p>