സ്‌റ്റെര്‍ലൈറ്റും എച്ച്ഡിഎഫ്‌സിയും തിളങ്ങി

</strong>മുംബൈ: വളരെ നാളുകള്‍ക്കു ശേഷമാണ് ഓഹരി വിപണിയില്‍ ഇത്തരമൊരു വ്യാപാരം നടന്നത്. തുടക്കം മുതല്‍ ഒടുക്കം വരെ വിപണിയില്‍ പച്ചക്കത്തിയ ദിവസമായിരുന്നു വ്യാഴാഴ്ച. സെന്‍സെക്‌സ് 194.75 പോയിന്റ് നേട്ടത്തോടെ 16649.05ലും നിഫ്റ്റി 52.55 പോയിന്റ് ലാഭത്തില്‍ 5049.65ലും ക്ലോസ് ചെയ്തു.</p> <p>ആഗോളവിപണിയിലെ അനുകൂല കാലാവസ്ഥയ്‌ക്കൊപ്പം അടിസ്ഥാന നിരക്കുകളില്‍ കുറവ് വരുത്തുമെന്ന വാര്‍ത്തകള്‍ കൂടി ചേര്‍ന്നതോടെയാണ് കാളക്കൂറ്റന്‍മാര്‍ ദലാല്‍ സ്ട്രീറ്റില്‍ വീണ്ടും സജീവമായത്. സാമ്പത്തിക ഉദാരവത്കരണ നടപടികളുമായി മുന്നോട്ടുപോകുമെന്ന പ്രധാനമന്ത്രിയുടെ പ്രസ്താവനയും കുതിപ്പിന് ഊര്‍ജ്ജം പകര്‍ന്നു.</p> <p>വിപണിയിലെ മുന്നേറ്റം ഒരേ ക്രമത്തിലായിരുന്നുവെന്നത് പ്രതീക്ഷ നല്‍കുന്നു. സ്റ്റെര്‍ലൈറ്റ് ഇന്‍ഡസ്ട്രീസ്, ആക്‌സിസ് ബാങ്ക്, ജയപ്രകാശ് അസോസിയേറ്റ്‌സ്, എച്ച്ഡിഎഫ്‌സി ബാങ്ക്, മാരുതി സുസുക്കി ഇന്ത്യ ഓഹരികള്‍ മൂന്നു മുതല്‍ നാലു ശതമാനം വരെ മുന്നോട്ടുകയറി.</p> <p>വിപ്രോ ലിമിറ്റഡ് 2.39 ശതമാനം ഇടിഞ്ഞതാണ് വിപണിയില്‍ എടുത്തുപറയാവുന്ന ഒരു തിരിച്ചടി. ഗെയ്ല്‍ ഇന്ത്യ, പവര്‍ ഗ്രിഡ്, റാന്‍ബാക്‌സി ലാബ്, അംബുജ സിമന്റ് ഓഹരികള്‍ ഒരു ശതമാനം മുതല്‍ രണ്ടു ശതമാനം വരെ താഴോട്ടിറങ്ങി.</p> <p>റിലയന്‍സ് ഇന്‍ഡസ്ട്രീസ് സ്‌റ്റേറ്റ് ബാങ്ക് ഓഫ് ഇന്ത്യ 8.40 പോയിന്റും 6.60 പോയിന്റും ടാറ്റാ സ്റ്റീല്‍ 1.95 പോയിന്റും മുന്നോട്ടുകയറി.</p>